Lake Placid (film)
|
C'l artìcul chè 'l è scrit in
Miranduléś |
 Lake Placid | ||
.png) La Betty White in na figùra dal film | ||
| id. 1999 | ||
|---|---|---|
| Regìa: Steve Miner | ||
| Scritōr: David E. Kelley | ||
| Atōr: Bill Pullman • Bridget Fonda • Oliver Platt Brendan Gleeson • Betty White • Adam Arkin David James Lewis • Tim Dixon • Jed Rees Ty Olsson • Natassia Malthe • Mariska Hargitay | ||
| Müsica: John Ottman | ||
| Léngua: Ingléś | ||
| Dürä dal film: 82 minüt | ||
| Nasiōṅ: Stat Unî • Cànada | ||
Lake Placid (id.), cgnusû anc cuma Lake Placid - Il terrore corre sul lago, 'l è 'n film ad scarésa americàṅ e canadéś dal 1999 ad Steve Miner, cun tri séguit: Lake Placid 2 - Il terrore continua (2007), Lake Placid 3 - Calma apparente (2010) e Lake Placid 4 - Capitolo finale (2011).
In dla culòna cunóra i s pōlan sinìr i braṅ It's Not Unusual ad Tom Jones e Is This Love ad Bob Marley & The Wailers. La pelìcula l'à fat sù dagnóra sinquànta-sèt migliòṅ ad dòlar esénd-an custàda da i vint-sèt a i trénta-sinc.
Sunt
[mudéfica la surzéia]A Lake Placid, un paiśèṅ ad campàggna dal Maine, a gh'è quèl in dal lâg ch'al maggna dal bèsti e anc di cristiàṅ ch'i s davśìnan a l'àqua. Par far luś su 'l caś i rìvan lè la paleuntóluga Kelly Scott (Bridget Fonda), 'l èx avucàt adès guardiàṅ Jack Wells (Bill Pullman), al prufesōr Hector Cyr (Oliver Platt) e 'l sierìf Hank Keough (Brendan Gleeson) che però tut insém i èṅ bòṅ sōl ad far dal caśèṅ anc parchè i n vànan minga tant 'd acòrd.
Qvél che chi lōr i n sànan briśa 'l è che su 'l pòst a gh'è na vcina ciamàda Delores Bickerman (Betty White) ch'la dà da magnàr a 'n cucudrìl ad trénta métar e che soquànt an prima 'l iva mandâ sò anc sò marè.