Lacrime di Kali

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Tears of Kali
Lacrime di Kali
Lacrime di Kali.png
L'Anja Gebel in na figùra dal film
Làgarmi dla Kali
2004
Regìa: Andreas Marschall
Scritōr: Andreas Marschall
Atōr: Pietro MartellanzaIrena-Heliana Jandris
Adrian TopolUlrich LenkMandeep Dhillon
Thomas OttoMathieu CarrièreCelik Nuran
Magdalena RitterNicole LudwigAnja Gebel
Crisjan ZöllnerMichael BalaunMai Christa
Marcel TrunschVroni KieferCora Chilcott
Müsica: Bharti India • John Panama
Léngua: Tedésc
Dürä dal film: 106 minüt
Nasiōṅ: Germàgna


«
Al mâł 'l à catâ la sò manéra 'd vgnir fóra.»
(Tagline dal film)


Lacrime di Kali (Làgarmi dla Kali) 'l è 'n film ad scarésa tedésc dal 2004 scrit e dirèt p'r Andreas Marschall.

La pelìcula l'è stada giràda a Berlîṅ c'n un budget stimâ 'd siesènt-sinquantamìla euro.

Sunt

Al grup Taylor-Eriksson l'è una dal séti misi in pē in Ìndia in di an Stanta e Utànta par jutàr i sò mémbar a cumbàt'r al bandi scuri dal sò anmi faghénd di esperimènt radicài cun 'l òblig dal silénsi. In dal 1983 a Pune na śōvna mémbra dal grup pîna 'd angùstia, la Kim (Anja Gebel), la n gh la cava minga a guardàr la luś fóra da la fnèstra e la decìd dònca 'd tajàr-as via 'l palpébri cun na fòrbśa. In dal mónd i gh'èṅ però di àtar cumpunènt dla séta in gir.

Capìtul òṅ: Shakti

La giurnalìsta Tansu Yilmaz (Celik Nuran) la và in un sèntar psichiàtric ad Berlîṅ p'r intervistàr na dóna in cura lè, l’Elisabeth Steinberg (Irena-Heliana Jandris). Chi lē na vòlta l'éra na mémbra dla séta c'n al nóm ad Shakti e l'éra ligàda sentimentalmènt a 'l guru Sarmafan, pò catâ mòrt masâ tut śbrandlâ. N'atra pasiènta ciucàda in dla suca dla strutùra, l’Anna (Mai Christa)l la mét in guàdia tut dgénd «Òcio a la ragàsa rósa».

Capìtul dū: Devi

Al dutōr Steiner (Michael Balaun) al gh'à da tacàr na terapìa c'n un ragàs ciamâ Robin Borg (Marcel Trunsch) ch'al gh'à di prubléma a cuntrulàr la sò arlìa, specialmènt quànd 'l è sóta 'l efèt dla dròga. Al psicòlug 'l è 'n èx mémbar dla séta ch'al véd in lò un karma dimóndi brut. Par jutàr-al, al decìd 'd ipnutiśàr-al par custrìnśar-'l a far qvél ch'l iva dit lò a 'l inìsi dla sedùda, ch'al vliva andàr fóra da la sò pèl. A ragàs 'l è acsè custrét a tōr un tajarèṅ e a cavàr-as via la pèl da par lò.

Capìtul tri: Kali

Al santòṅ guaridōr Edgar Cornelsen (Mathieu Carrière), durànt na sedùda 'd grup, al libra la sò pasiènta Mira (Cora Chilcott) da 'n spìrit catìṿ ch'la gh'iva dèntar e ch'la s purtàva adrē da quànd l'iva mulâ la séta. La criatùra, ch'la pésca 'n àt'r òspit, la masa prima la mujēr dal santòṅ, la Tilde (Vroni Kiefer), pò la buta 'l òć su Haymo (Ulrich Lenk).

Culegamènt estéran