La zona morta (film)
|
C'l artìcul chè 'l è scrit in
Miranduléś |
 The Dead Zone | ||
| La zona morta | ||
 Christopher Walken in na figùra dal film | ||
| La śòna mòrta 1983 | ||
|---|---|---|
| Regìa: David Cronenberg | ||
| Scritōr: Stephen King • Jeffrey Boam | ||
| Atōr: Christopher Walken • Tom Skerritt • Ken Pogue Martin Sheen • Brooke Adams • Colleen Dewhurst Herbert Lom • Anthony Zerbe • Nicholas Campbell | ||
| Müsica: Michael Kamen | ||
| Léngua: Ingléś • Rus | ||
| Dürä dal film: 103 minüt | ||
| Nasiōṅ: Stat Unî | ||
La zona morta (La śòna mòrta) 'l è 'n film thriller e ad scarésa dal 1983 ad David Cronenberg trat da 'l rumànś umònim ad Stephen King.
Al film 'l à muciâ sù da piò ad vint migliòṅ ad dòlar a frònt 'd un budget stimâ ad déś.
Sunt
[mudéfica la surzéia]Al prufesōr ad létri Johnny Smith (Christopher Walken), dòp 'n incidènt in màchina in na giurnàda 'd piōva, al finìs in còma. Quànd sinc an dòp al ś déśda al s rénd cònt ch'la sò vita l'è cambiàda dimóndi parchè la sò muróśa, la Sarah Bracknell (Brooke Adams), la s è in cal méntar spuśàda cun 'n àtar ma pò al fà anc a mènt 'd avér ciapâ un putēr speciàł, qvél ad véd'r al futûr dla gint ch'la gh pasa darènt o ch'la gh strinś al maṅ. 'L óm al juta acsè la pulisìa a bcar un masadōr seriàł, pò al salva la vita a 'n sò studènt e acsè Johnny al capìs 'd èsar bòṅ ad cambiàr al destîṅ faghénd in manéra ad far quèl prima che dal daśgràsi i sucédan.
Un dè al dà la maṅ a Greg Stillson (Martin Sheen), candidâ a dvintàr al presidènt di Stat Unî. In na viśiòṅ al prufesōr al véd che se lò 'l al dvintìs dabòṅ, in dal gir ad soquànt an al darà vita a 'n cunflìt nucleàr mundiàł. Par śluntanàr cal perìcul lè e salvàr al mónd da la fiṅ, Johnny al tōś un sćiòp e al decìd ad masàr-'l in dal dè dal cumìsi ch'l al purtarà a dvintàr senadōr.