La vita è meravigliosa
|
C'l artìcul chè 'l è scrit in
Miranduléś |
 It's a Wonderful Life | ||
| La vita è meravigliosa | ||
 James Stewart in na figùra dal film | ||
| La vita l'è na maravìa 1946 | ||
|---|---|---|
| Regìa: Frank Capra | ||
| Scritōr: Philip Van Doren Stern • Frank Capra Frances Goodrich • Albert Hackett | ||
| Atōr: James Stewart • Donna Reed • Henry Travers Lionel Barrymore • Thomas Mitchell • Ward Bond Beulah Bondi • Frank Faylen • Marian Carr Gloria Grahame • Todd Karns • Virginia Patton | ||
| Müsica: Dimitri Tiomkin | ||
| Léngua: Ingléś | ||
| Dürä dal film: 131 minüt | ||
| Nasiōṅ: Stat Unî | ||
La vita è meravigliosa (La vita l'è na maravìa) l'è na cumèdia dramàtica dal 1946, giràda in biànc e négar, ad Frank Capra, candidàda a sinc Prèmi Òscar.
In dal 1990 i americàṅ i aṅ decìś ad tgnìr-la dacàt in dla bibliutéca dal cungrès di Stat Unî mént'r in dal 1998 'l American Film Institute al l'à misa in dla lista di sènt film americàṅ più bèi ad sèmpar.
Sunt
[mudéfica la surzéia]L'è la vigìglia 'd Nadâł dal 1945 in dla sitadìna 'd Bedford Falls (New York). George Bailey (James Stewart) 'l è deprès e al n in pōl piò 'd vìvar parchè la sò aśiénda l'è pîna 'd dèbit e a 'n pas da 'l falimènt. Méntar 'l è da par lò su 'n pònt al pénsa 'd tōr-as la vita, lasànd sò mujēr Mary Hatch (Donna Reed) e i sò quàtar fiōi pìcui.
Da 'l Paradìś San Jusèf al dmanda a Dio ad far quèl e chi lò 'l al cuntènta mandànd 'n àngil 'd „secónda clas“, Clarence Odbody (Henry Travers), a jutàr-al dòp avēr-ag cuntâ tut dla sò vita.
'L àngil al vîṅ śò su la tèra e al fà véd'r a George cuś a sarév sucès par la vita ad chi àtar se lò al n fus mai nâ.