La stanza dei segreti
|
C'l artìcul chè 'l è scrit in
Miranduléś |
 Wall of Secrets
| ||
| La stanza dei segreti | ||
 La Nicole Eggert in na figùra dal film | ||
| La cambra di segrét 2003 | ||
|---|---|---|
| Regìa: François Gingras | ||
| Scritōr: Ronnie Christensen | ||
| Atōr: Nicole Eggert • Conrad Pla • Bruce Gray Dean McDermott • Conrad Pla • Matthew Boylan Sarah Allen • Stephen McHattie • Steve Adams | ||
| Müsica: Pierre Denis Coté • James Gelfand | ||
| Léngua: Ingléś | ||
| Dürä dal film: 105 minüt | ||
| Nasiōṅ: Stat Unî • Cànada | ||
La stanza dei segreti (La cambra di segrét), cgnusû in Itàglia anc c'n al tìtul ad Le voci del mistero, 'l è 'n thriller televiśìṿ dal 2003 ad François Gingras girâ a Montréal.
Sunt
La Paige (Nicole Eggert), avucàta uriginària 'd Seattle, la mòla incòśa p'r andàr a star da sò marè Mark Emerson (Dean McDermott) a Chicago in du 'l lavóra faghénd di prugèt su di palàs. Chi lò 'l à péna cumprâ 'n apartamènt lasâ lìbar da na còpia 'l an prima.
Un dè la Paige la gh'à la manéra 'd dascórar cun na vcina vśìna 'd cà, l’Irene (Mary Morter), ch'la gh cunsìlia 'd far fagòt da 'd lè parchè qvéi ch'i gh stàvan prima i èṅ mòrt masâ a lèt par 'n inséndi, Bruce Martell (Alex Frigon) e la sò muróśa (Anne Bedian). Pôc tèmp dòp però l'è pròpria lē ch'la fà cla fîṅ lè parchè i la càtan sénsa vita par tèra davànti a 'l cundumìni cuma s'la fus cascàda śò da 'l balcòṅ p'r un strabùc. La Paige, ch'l'è sicùra ch'la n è stada briśa na daśgràsia, prima la dmanda nutìsi a 'l ragàs d'l apartamènt darènt a 'l suo, Scott (Matthew Boylan), pò la và a pascàr dal nutìsi da internet e la véd che qvél ch'la gh'iva cuntâ la vècia l'è véra. A cal punt lè la dóna la dmanda spiegasiòṅ a Milton (Bruce Gray), òṅ dal cundumìni ardùt a vìvar su na scrana a rudèli, ch'al gh diś ch'l à taśû parchè al vliva daśdmindgàr incòśa.
La Paige la và a catàr la surèla 'd Bruce, l’Amelie (Susan Glover), ch'la gh diś che sò fradèl al gh'iva di nemìg, inólt'r al n fumàva gnanc.