La patata bollente

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg La patata bollente
Patata bollente.png
Pozzetto e l'Edwige Fenech in na figùra dal film
La patàca bujénta
1979
Regìa: Steno
Scritōr: Steno • Giorgio Arlorio • Enrico Vanzina
Atōr: Renato PozzettoEdwige Fenech
Massimo RanieriSergio CiulliMario Scarpetta
Adriana RussoClara ColosimoLuca Sportelli
Loris BazzocchiDario GhirardiUmberto Raho
Müsica: Totò Savio
Léngua: Itagliàṅ
Dürä dal film: 100 minüt
Nasiōṅ: Itàglia


«
Al sarà anc carèṅ, ma qvisti chè lò al n gh li à minga!»
(Batùda dl'Edwige Fenech in dal film)


La patata bollente (La patàca bujénta) l'è na cumèdia dal 1979 ad Steno giràda a Róma e in àtar paiśèṅ dal Lasi.

In di marcâ ingléś 'l è vgnû fóra c'n al tìtul 'd “Hot Potato”.

Sunt

Bernardo Mambelli dit "al Gandi" (Renato Pozzetto) al fà 'l uperàj in na fàbrica ad varnìś dal milanéś. 'L è 'n cumunìsta sfegatâ, a gh piàś al pugilâ e al s impéggna dimóndi par difénd'r i dirìt di lavuradōr. Na sira, dòp ès'r andâ a véd'r un film rus a 'l cìnema insém a la sò muróśa Maria (Edwige Fenech) e a 'l sò amìg sardagnōl Walter (Mario Scarpetta), turnànd a cà al véd 'n óm piciâ a sangṿ par strada da di fasìsta. Par via dal spòrt ch'al fà in dal tèmp lìbar, al i para via facimènt tirànd-ag dū marùc e pò al s al pòrta sèg parchè chi lò al n vōl mia andàr a 'l uśdàl o ciamàr la pulisìa. Al ragàs frî al s ciàma Claudio (Massimo Ranieri), 'l è 'n fnòć e al lavóra in na librarìa par gay. Quànd Bernardo al capìs qvél ch'l è dabòṅ, al pasa la nòt durménd in dla vasca da bagn anc s'al decìd ad jutàr-al listés.

Purtròp par lò ad fóra la purtinàra, la sgnōra Elvira (Clara Colosimo), la n s fà mai i cas suo e quànd la 'l véd in cambra da lèt insém a 'n àt'r óm, i tàc'n i guàj p'r "al Gandi" anc parchè la Maria e i sò culéga i tàc'n a pinsàr ch'al sia dvintâ 'n buśòṅ.

Culegamènt estéran