La morte ha fatto l'uovo

Da Wikipedia.

C'l artìcul chè 'l è scrit in Miranduléś Emiliàn

La morte ha fatto l'uovo

La Lollobrigida e l'Ewa Aulin in na figùra dal film
La mòrt l'à fat 'l óṿ
1968
Regìa: Giulio Questi
Scritōr: Franco Arcalli • Giulio Questi
Atōr: Jean-Louis TrintignantGina Lollobrigida
Ewa AulinJean SobieskiMargherita Horowitz
Vittorio AndréBiagio PelligraCleofe Del Cile
Renato RomanoGiulio DonniniJean Rougeul
Müsica: Bruno Maderna
Léngua: Itagliàṅ
Dürä dal film: 90 minüt
Nasiōṅ: Itàglia


«
I èṅ di móstar, i m faṅ scarésa!»


La morte ha fatto l'uovo (La mòrt l'à fat 'l óṿ) 'l è 'n film śal dal 1968 ad Giulio Questi, scurtâ durànt al muntàǵ da i 110 minùt d'l inìsi a i 90 finài.

Sunt

Marco (Jean-Louis Trintignant) e l’Anna (Gina Lollobrigida) i èṅ marè e mujér ma i gh'aṅ di prubléma, a n andànd piò 'd acòrd cuma in di prim tèmp. Chi lē, ch'la gh'à soquànt an da piò, l'è pîna ad bèsi e la gh'à 'n alevamènt ad pui méntar lò al fà al dirigìnt dn'aśiénda e 'l è anc 'n inteletuàl. In pôc i saṅ però che Marco al s pasa 'l tèmp cupànd dal putàni scurtlànd-i dòp avér-i purtàdi sèg in un motèl dal liturâl rumàṅ.

Quànd in cà sua la riva la Gabri (Ewa Aulin), śóvna cuśìna 'd Anna, lò al gh buta subìt i òć adòs, dvintànd al sò amànt, e i dū i pènsan anc ad scapàr via insém. Ma ch'la baghéta lè la fà al śōg dópi, esénd-as misa 'd acòrd cun al sgnór Mondaini (Jean Sobieski), cunsulènt p'r al reclàm e culéga ad lavōr ad Marco, par far fóra sò cuśìna e par dar pò la cólpa a 'l marè. Mondaini al sà tut i sò tragatèṅ e al cgnós anc al sò manìi sàdichi. Quànd chi lē la vèṅ cupàda dabòṅ, la pulisìa la taca a indagàr in sal cònt ad Marco ma pò a s vèṅ a savér ch'i masamènt dal rój i n éran briśa véra ma sōl di śōg sesuài. A cal punt lè l'è la Gabri a tiràr-'s adòs i suspèt anc parchè la sarév stada lē a purtàr-'s a cà incòsa, avénd mis fóra da i śōg Marco e esénd l'ùnica parénta ad l’Anna. I dū delinquènt i vìnan acsè purtâ in parśòṅ ma anc Marco al fà na bruta fiṅ: durànt na casutarìa cun lōr dū, lò al strabùca śò da 'n puntéǵ e al finìs drit déntar na màchina par tridàr la carna. Ardùt a manśìm p'r i pui, gai e galìni i al màgnan ad gust.

Culegamènt estéran