La lettera d'amore (film)
|
C'l artìcul chè 'l è scrit in
Miranduléś |
 The Love Letter
| ||
| La lettera d'amore | ||
.png) La Capshaw e la DeGeneres in na figùra dal film | ||
| La létra 'd amōr 1999 | ||
|---|---|---|
| Regìa: Peter Ho-Sun Chan | ||
| Scritōr: Cathleen Schine • Maria Maggenti | ||
| Atōr: Kate Capshaw • Tom Everett Scott Blythe Danner • Ellen DeGeneres • Bill Buell Tom Selleck • Julianne Nicholson • Jack Black | ||
| Müsica: Luis Bacalov | ||
| Léngua: Ingléś | ||
| Dürä dal film: 88 minüt | ||
| Nasiōṅ: Stat Unî | ||
La lettera d'amore (La létra 'd amōr) l'è na cumèdia rumàntica americàna dal 1999 ad Peter Ho-Sun Chan trata da 'n rumànś dla Cathleen Schine.
La pelìcula, giràda c'n un budget ad vint migliòṅ ad dòlar, la 'n à fat sù òt e tri.
Sunt
L’Helen MacFarquhar (Kate Capshaw), da quànd la s è divursiàda da sò marè, la gh'à da crésar sò fiōla da par lē cuntànd su i bèsi ch'i rìvan da la sò liberìa ch'la gh'à in dla sitadìna 'd Loblolly in dal New England. Na matìna, ravanànd in dla pòsta, la fà a mènt a na létra 'd amōr minga firmàda. Pinsànd ch'la sia sua, la dóna la próa a pinsàr a chi pōl-'l ès'r al spaśimànt ch'al l'à scrita rivànd a crédar ch'al sia George Matthias (Tom Selleck), un vìgil dal fōg ch'l è da spés in negòsi.
In séguit, durànt na séna a cà sua, la busta la gh casca śò sénsa vlēr da la burséta finénd in dal maṅ ad Johnny Howell (Tom Everett Scott), un studènt universitàri ch'al lavóra da lē durànt l'Istâ e ch'l è 'l ugèt dal deśidèri ad cl'atra impiegàda, la Jennifer (Julianne Nicholson). Lśénd-la al śuvnòt al créd che la dóna la s sia inamuràda 'd lò e anc l’Helen la créd àtar tant parchè lò al péla i purtugài pròpria cuma descrìt in dla létra. I dū i finìsan par gusàr.
Soquànt dè dòp George al ślunga 'n manuàł cun di cunsìli cónt'r al fōg a la Janet Hall (Ellen DeGeneres), na culaburadōra dal negòsi dla MacFarquhar, dgénd-'g ad lèśar bèṅ qvél ch'a gh'è scrit. Dòp che 'l óm al s 'n è andâ, esénd ch'al banc 'l è frust, a casca śò incòśa e la dóna la s piga par catàr sù al vulantèṅ e acsè la buta 'l òć su la létra 'd amōr che l’Helen l'iva lasâ in butéga. Cardénd ch'al gh l'àppia dada George, la Janet la s mét in tèsta ch'al vìgil al sia inamurâ 'd lē quànd invéci al sò cōr al bat da sèmpar par l’Helen.