La febbre del sabato sera
|
C'l artìcul chè 'l è scrit in
Miranduléś |
 Saturday Night Fever | ||
| La febbre del sabato sera | ||
 John Travolta in na figùra dal film | ||
| La févra dal sàbat sira 1977 | ||
|---|---|---|
| Regìa: John Badham | ||
| Scritōr: Nik Cohn • Norman Wexler | ||
| Atōr: John Travolta • Karen Lynn Gorney Barry Miller • Joseph Cali • Donna Pescow Paul Pape • Martin Shakar • Julie Bovasso Bruce Ornstein • Sam Coppola • Nina Hansen Denny Dillon • Bert Michaels • Adrienne King | ||
| Müsica: David Shire • Bee Gees | ||
| Léngua: Ingléś • Itagliàṅ | ||
| Dürä dal film: 119 minüt | ||
| Nasiōṅ: Stat Unî | ||
La febbre del sabato sera (La févra dal sàbat sira) l'è na cumèdia muśicàla dal 1977 ad John Badham, candidàda a i Prèmi Òscar par la part ad Tony Manero fata da John Travolta. La gh'à abû 'n séguit in dal 1983 da 'l tìtul Staying Alive. Da 'l 2010 la pelìcula la fà part dal National Film Registry di Stat Unî.
La gh'à na culóna sunòra disco ch'l'à vindû 'n squantèr'n ad còpi, cun di pès di Bee Gees (Stayin' Alive, How Deep Is Your Love, Night Fever, More Than a Woman, Jive Talkinʼ e You Should Be Dancing), dl'Yvonne Elliman (If I Can't Have You), di The Trammps (Disco Inferno) e 'd dimóndi àtar cantànt.
Custàda tri migliòṅ e mèś ad dòlar, la pelìcula la 'n à fat pò sù dagnóra sènt-quarànta.
Sunt
New York, an Stanta. Anthony Manero dit Tony (John Travolta) 'l è 'n śōv'n ad daśnóṿ an ad Brooklyn piutòst avèrt ma anc fumantèṅ e superfisiàł ch'al fà 'l cumés in dal negòsi ad varnìś dal sgnōr Dan Fusco (Sam Coppola). Al viṿ c'n i sò genitōr cun di urìgini itagliàni dimóndi tradisiunài e religióś, Frank (Val Bisoglio) e la Flo (Julie Bovasso). Al gh'à anc un fradèl prēt, Frank Jr. (Martin Shakar), ch'al s è però pintî 'd avēr sarnî cla strada lè e ch'al vrév turnàr indrē.
In dal tèmp lìbar Tony al s divertìs c'n i sò amìg dal grup “The Faces”: Joey (Joseph Cali), Double J. (Paul Pape), Bobby C. (Barry Miller) e Gus (Bruce Ornstein), sèmp'r in guèra c'n i rivài purturicàṅ di “Barracudas”.
Tut i sàbat i ragàs i vàn'n a balàr in dla discutéca 2001 Odyssey insém a na ragàsa ciamàda Annette (Donna Pescow). Chi lē l'è inamuràda 'd Manero ch'l è dimóndi brâṿ a balàr la disco music e ch'l à decìś ad tōr part a na gara 'd bal faghénd còpia cun la Stephanie Mangano (Karen Lynn Gorney), na giurnalìsta e segretària ch'l à cgnusû da pôc.