La confessione della signora Doyle

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Clash by Night
La confessione della signora Doyle
Confessione della signora Doyle.png
La Marilyn Monroe in na figùra dal film
La cunfesiòṅ dla sgnōra Doyle
1952
Regia: Fritz Lang
Scritùr: Alfred Hayes • Clifford Odets
Atùr: Barbara StanwyckPaul DouglasRobert Ryan
Marilyn MonroeJ. Carrol NaishSilvio Minciotti
Keith AndesBert StevensMario Siletti
Müsica: Roy Webb
Lengua: IngléśItagliàṅ
Dürä dal film: 105 minüt
Nasiòṅ: Stat Unî


«
N'interpretasiòṅ granda dla Barbara Stanwyck e dla Marilyn Monroe.»
(Tagline dal film)


La confessione della signora Doyle (La cunfesiòṅ dla sgnōra Doyle) 'l è 'n film dramàtic americàṅ dal 1952 ad Fritz Lang girâ in biànc e négar.

In dla versiòṅ itagliàna dla pelìcula a gh'è 'n pasàǵ cinsurâ, qvél in dua Paul Douglas, quànd al vîṅ a savēr dal tradimènt dla Barbara Stanwyck, al gh diś ch'l'è marsa dèntar e lē la gh rispónd ch'la 'l sà.

Sunt

Joe Doyle (Keith Andes) 'l è 'n ragàs ch'al stà in un paiśèṅ dla Califòrgna, Monterey, in du 'l scampa faghénd al pescadōr. La sò śōvna muróśa Peggy (Marilyn Monroe) la lavóra in fàbrica inscatlànd al pés ma la s è fiacàda 'd cal mistēr lè. Joe al pésca 'l sardìni laurànd sóta padròṅ su la barca dal put Jerry D'Amato (Paul Douglas) ch'al viṿ c'n un pàd'r imbariagòs (Silvio Minciotti) e c'n un sîṅ scrucòṅ, patég'l e bòṅdagnìnt, fradèl ad sò màdar mòrta, Patrizio (J. Carrol Naish).

La Stanwyck e Ryan

Dòp déś an, un dè a tórna in paéś la surèla 'd Joe, la Marta (Barbara Stanwyck), ch'l'éra andàda via c'n un pulìtig bèla spuśâ par far la bèla vita ma adès ch'l è finî incòsa l'à decìś ad turnàr in dla cà 'd famìja. Sò fradèl al la tōś dèntar malvluntéra a 'l cuntràri dla sò muróśa ch'invéci l'è più gustóśa sèg.

Joe al decìd ad preśentàr Jerry a sò surèla e i dū i tàc'n a 'ndàr fóra insém par pò spuśàr-as anc se la dóna la gh cònta ch'la n è minga una da matrimòni. La còpia la gh'à prèst na putìna ma la Marta la n è briśa cuntènta dla vita ch'la fà, ad star a cà a far i fat par 'n óm bòṅ 'd cōr ma ch'al n sà 'd gnint a dir dabòṅ.

Quànd un dè a tórna in paéś Fred (Robert Ryan), un sò vèć amànt divursiâ ch'ad mistēr al fà véd'r i film a 'l cìnema e che fra 'l àtar 'l è amìg da sèmp'r ad sò marè, la decìd ad scapàr via sèg.

Culegamènt estéran