La casa con la scala nel buio
|
C'l artìcul chè 'l è scrit in
Miranduléś |
 La casa con la scala nel buio
| ||
 La Fabiola Toledo in na figùra dal film | ||
| La cà cun la scala in dal scûr 1983 | ||
|---|---|---|
| Regìa: Lamberto Bava | ||
| Scritōr: Dardano Sacchetti • Elisa Briganti | ||
| Atōr: Andrea Occhipinti • Annie Papa • Michele Soavi Fabiola Toledo • Valeria Cavalli • Stanko Molnar Lara Lamberti • Giovanni Frezza • Marco Vivio | ||
| Müsica: Guido De Angelis • Maurizio De Angelis | ||
| Léngua: Itagliàṅ | ||
| Dürä dal film: 109 minüt | ||
| Nasiōṅ: Itàglia | ||
La casa con la scala nel buio (La cà cun la scala in dal scûr) 'l è 'n film ad scarésa dal 1983 ad Lamberto Bava.
Distribuî a 'l èstar c'n i tìtui ad A Blade in the Dark in di Stat Unî e 'd La Maison de la terreur in Frància, la pelìcula l'à fat sù dimóndi bèsi in alóra, utsènt migliòṅ ad franc a 'l incìrca.
Al film 'l è stâ girâ a 'l intéran dla vila dal prudutōr Luciano Martino ch'al l'iva péna cumpràda in dal quartēr Parioli ad Róma.
Sunt
Al cumpuśidōr Bruno (Andrea Occhipinti) al tōś in afìt na vila parchè al gh'à da scrìvar la mùśica p'r un film ad scarésa ch'la gh'à da giràr la regìsta Sandra (Annie Papa). In dal cà lè darènt i gh stàn'n al sò giardinēr Giovanni (Stanko Molnar) e dū śuvnòti ch'i vìv'n insém, lʼAngela (Fabiola Toledo) e la Katia (Valeria Cavalli).
Durànt la nòt, méntar Bruno al sòna quèl a 'l piàṅ, un tisi misterióś al masa la Katia in giardèṅ druànd un curtlèṅ. In cal mént'r a riva a 'l impruvìś la muróśa dal muśicìsta, la Giulia Rubini (Lara Naszinski), par far-ag na surpréśa, pròpria quènd na dóna la masa lʼAngela in bagn.
In séguit, quànd in dla vila a riva anc la Sandra, chi lē la và a véd'r in cantìna insém a Bruno. Lè i dū i càt'n un scatlòṅ pîṅ stóp ad bucìni da tènis.