La caduta degli Dei

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg La caduta degli Dei
Caduta degli dei.png
Dirk Bogarde e l'Ingrid Thulin in na figùra dal film
Al strabùc di Dio
1969
Regia: Luchino Visconti
Scritùr: Nicola Badalucco • Enrico Medioli
Luchino Visconti
Atùr: Dirk BogardeIngrid ThulinHelmut Berger
Helmut GriemUmberto OrsiniRenaud Verley
Charlotte RamplingFlorinda BolkanNora Ricci
Albrecht SchoenhalsReinhard Kolldehoff
Müsica: Maurice Jarre • Walter Kollo • Willy Kollo
Lengua: IngléśTedésc
Dürä dal film: 155 minüt
Nasiòṅ: ItàgliaGermàgna


«
Al caplavōr ad Luchino Visconti.»
(Tagline dal film)


La caduta degli Dei (Al strabùc di Dio) 'l è 'n film dramàtic dal 1969 ad Luchino Visconti ch'l è stâ candidâ a i Prèmi Òscar dal 1970 par la senegiadùra uriginàla.

Cuma l'à cuntâ in dla sò biugrafìa ad Visconti la scritōra Gaia Servadio, mént'r al regìsta 'l éra drē a giràr soquànti séni in Àustria cun dimóndi cumpàrsi naśìsti sèg, a 'n ebrèi ch'al pasàva da 'd lè par caś in màchina p'r al spaghét a gh'è vgnû 'n infàrt cardénd ch'a fus tut véra.

Sunt

La sira dal 23 ad Favràr dal 1933, davśèṅ a Oberhausen, a s riunìs la famìja von Essenbeck par festegiàr al cumpléan dal Baròṅ Joachim (Albrecht Schoenhals), 'n industriàł d'l aśàl ch'l è stâ bòṅ ad tgnir-as stric i sò patrimòni in chi an lè andànd sèmpar 'd acòrd c'n i pulìtig e cun gl'istitusiòṅ. Durànt un spetàcul prima 'd séna, in dua al sò anvōd Martin (Helmut Berger) al s śibìs vistî da dóna miténd in imbaràs tut gl'òspit, a riva la nutìsia ch'i aṅ dâ fōg a 'l Reichstag.

Al Baròṅ al decìd acsè ad tōr via da la vicepresidénsa dal sò indùstri Herbert Thallman (Umberto Orsini), al marè dla sò anvōda Elisabeth (Charlotte Rampling), par dar-la a 'n àtar sò anvōd, Konstantin (Reinhard Kolldehoff), ch'l è ligâ dimóndi a 'l Camìśi bruni dal partî naśìsta e a Ernst Röhm in parsòna sprand acsè ad tgnir-as bòṅ anc Adolf Hitler ch'l éra drē a tōr al putēr.

Herbert, da sèmpar cuntràri a 'l Naśiśum, al s in và da la sala cun 'l idéa ad lasàr anc la Germâgna. A tavla a gh'è anc un cuśèṅ a la luntàna di Essenbeck, Aschenbach (Helmut Griem), insém a òṅ di cap dl'indùstria, Friedrich Brückmann (Dirk Bogarde). Chi lò 'l è 'l amànt dla Sophie (Ingrid Thulin), védva 'd 'l ùnic fiōl dal Baròṅ, mòrt durànt la Prima guèra mundiàla, e màd'r ad Martin.

Prima dla Nòt di curtèi lung, Joachim von Essenbeck al vèṅ masâ e a ciàpa la cólpa Herbert méntar Martin al numìna Brückmann a la diresiòṅ dl'indùstria ad famìja.

Culegamènt estéran