La ballata della sedia elettrica
|
C'l artìcul chè 'l è scrit in
Miranduléś |
 The Executioner's Song | ||
| La ballata della sedia elettrica | ||
 Tommy Lee Jones e l'Arquette in na figùra dal film | ||
| La balàda dla scrana lètrica 1982 | ||
|---|---|---|
| Regìa: Lawrence Schiller | ||
| Scritōr: Norman Mailer | ||
| Atōr: Tommy Lee Jones • Rosanna Arquette Christine Lahti • Eli Wallach • Steven Keats Jordan Clarke • Richard Venture • Jenny Wright Walter Olkewicz • Pat Corley • Charles Cyphers | ||
| Müsica: John Cacavas | ||
| Léngua: Ingléś • Latìn | ||
| Dürä dal film: 135 minüt | ||
| Nasiōṅ: Stat Unî • Śvèsia | ||
La ballata della sedia elettrica (La balàda dla scrana lètrica), cgnusû anc cuma Condannato a morte, 'l è 'n film dramàtic americàṅ par la televiśiòṅ dal 1982 ad Lawrence Schiller trat da 'n rumànś dal 1979 ad Norman Mailer vinsidōr dal Prèmi Pulitzer.
Al prutagunìsta Tommy Lee Jones 'l à vins 'n Emmy Awards par la sò interpretasiòṅ dal persunàǵ ad Gary Mark Gilmore, al prim sasèṅ cundanâ a mòrt dòp che la Cōrt Supréma di Stat Unî l'iva scanślâ la suspensiòṅ di eśecusiòṅ capitàli ch'la gh'éra da déś an, a séguit dal caś Furman v. Geòrgia.
La pelìcula l'è stada pinsàda p'r andàr in ónda in dū epiśòdi 'd sènt minùt su 'l canàł NBC (al 28 e al 29 ad Nuvémbar dal 1982), pò a s 'n è fata na versiòṅ scurtàda 'd 97 minùt par la distribusiòṅ in Európa cun soquànt pès ad sès e viulénsa in piò.
Sunt
[mudéfica la surzéia]Dòp dód'ś an ad parśòṅ in Indiàna, Gary Gilmore (Tommy Lee Jones) al vîṅ lasâ lìbar a trénta-sinc an. Chi lò al và a star a cà dna sò cuśìna dal Utah, la Brenda Nicol (Christine Lahti), ch'la garantìs par lò.
'L óm al próa a 'rfàr-as na vita ma a n è minga 'n quèl fàcil dòp tut cal tèmp lè. Al taca a lauràr in dla butéga 'd scarpulèṅ ad sò sîṅ Vern Damico (Eli Wallach), pò al fà anc di àtar mistēr. In cal méntar al s liga anc a na ragàsa 'd daśnóṿ an ciamàda Nicole Baker (Rosanna Arquette), na dunàsa ch'la và cun tut e ch'la gh'à bèla dū putèṅ. Quànd chi lē la 'l mòla parchè al la tratàva mâł, Gary al s lasa andàr a i visi dal pasâ, tacànd a rubàr in di negòsi e anc masànd dū óm dòp che i gh'ìvan bèla dâ tut i bèsi sénsa 'rvultàr-as.
La pulisìa 'l al ciàpa in pôc tèmp e Gary al vîṅ cundanâ a mòrt. Al sasèṅ al n fà minga apèl, dmandànd sōl 'd èsar giustisiâ a sćiuptàdi.