La Betìa ovvero in amore, per ogni gaudenza, ci vuole sofferenza

Da Wikipedia.

C'l artìcul chè 'l è scrit in Miranduléś Emiliàn

La Betìa ovvero in amore, per
ogni gaudenza, ci vuole sofferenza

Lino Toffolo e Manfredi in na figùra dal film
La Betìa in atri paròli in amōr,
par tut i gudiōi, a gh vōl dal patimènt

1971
Regìa: Gianfranco De Bosio
Scritōr: Ruzante • Gianfranco De Bosio
Leo Benvenuti • Piero De Bernardi
Nino Manfredi • Guido Stagnaro
Atōr: Rosanna SchiaffinoLjubiša Samardžić
Nino ManfrediLino ToffoloMario Carotenuto
Eva RasFranco PesceOlivera Markovic
Müsica: Carlo Rustichelli
Léngua: ItagliàṅVènet
Dürä dal film: 99 minüt
Nasiōṅ: ItàgliaJuguślàvia


«
Nino Manfredi e la Rosanna Schiaffino in na cumèdia dascadnàda dal Sincsènt ch'la fà védar tut qvél ch'a vrî vlû savēr su 'l sès ma ch'a n î mai abû 'l curàǵ gnanc 'd imaginàr.»
(Tagline dal film)


La Betìa ovvero in amore, per ogni gaudenza, ci vuole sofferenza (La Betìa in atri paròli in amōr, par tut i gudiōi, a gh vōl dal patimènt) l'è na cumèdia dal 1971 ad Gianfranco De Bosio trata da la cumèdia “La Betia” 'd Angelo Beolco dit Ruzante.

In dla culòna sunóra, scrita par Carlo Rustichelli, a s cata 'l pès Bel oselino ad Lino Toffolo.

Sunt

Zilio (Ljubiša Samardžić) 'l è 'n śōvan brasànt minga tant fùrub ch'al viṿ in dla campàgna 'd Padva dal Sincsènt. Chi lò 'l è inamurâ dla Betìa (Rosanna Schiaffino), la fiōla dna cuntadìna dal pòst, dóna Menega (Olivera Markovič), che però la n in vōl savēr anc parchè la gh'à na buśa ch'la gh'à sèmpar fam, cum a diś sèmpar sò màdar. A dir-la tuta la ragàsa 'n amànt ch'al funsiòna a lèt la gh 'l à bèla. A s trata 'd Nale (Nino Manfredi), amìg ad Bazzarello (Lino Toffolo), che però 'l è spuśâ cun la Tamia (Eva Ras).

A fòrsa 'd andàr a drē, e dòp un cumbatimènt a cà dla Betìa, sò pàdar Tacio (Mario Carotenuto) al céd e al fà la paś cun Zilio dand-ag sò fiōla da spuśàr. Ma cla purcùsa dla Betìa 'd un sōl la n s in fà 'd gnint, a và a finìr ch'la fà na muciàda cun Zilio, Nale, la Tamia e 'l sò amànt Menegazzo (Boban Petrovič).

Culegamènt estéran