L.I.E.

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg L.I.E.
LIE.png
Paul Dano e Billy Kay in na figùra dal film
id.
2001
Regìa: Michael Cuesta
Scritōr: Stephen M. Ryder
Michael Cuesta • Gerald Cuesta
Atōr: Paul DanoWalter MastersonBilly Kay
Brian CoxBruce AltmanJames Costa
Müsica: Pierre Földes
Léngua: Ingléś
Dürä dal film: 94 minüt
Nasiōṅ: Stat Unî


«
Su la Long Island Expressway a gh'è dal cursìi ch'i vaṅ a èst, dal cursìi ch'i vaṅ a òvest e dal cursìi ch'i vànan driti a 'l Infèran.»
(Tagline dal film)


L.I.E. (id.) 'l è 'n film dramàtic americàṅ dal 2001 ad Michael Cuesta preśentâ a 'l Sundance Film Festival dal stés an. Cl'òpra chè l'è stada bòna 'd vìnsar vint prèmi in di fèstival in gir p'r al mónd. Al tìtul dla pelìcula 'l è 'l acrònim ad Long Island Expressway, n'autostràda dal stat ad New York.

Al film 'l à fat sù dagnóra un migliòṅ e sèt ad dòlar dòp ès'r-an custâ setsènt-mila.

Sunt

Howie Blitzer (Paul Dano) 'l è 'n ragàs ad quìnd'ś an ch'l à péna pardû sò màdar mòrta in 'n incidènt su la Long Island Expressway. In cà 'l ròbi i n vànan minga tant bèṅ cun sò pàdar Marty (Bruce Altman) ch'in dal gir 'd un méś 'l à bèla purtâ a cà n'atra dóna e ch'ad lò a n gh in fréga gnint.

La sōla manéra par saltàr-'g-an fóra par lò l'è qvéla 'd pasàr dal tèmp c'n al sò amìg Gary (Billy Kay), un śōvan ch'al fà 'l śburòṅ in gir e ch'l è anc un mèś delinquènt. Na nòt, durànt la fèsta dal sò cumpleàn, Howie al cgnós al sgnōr Harrigan dit “Big John” (Brian Cox), 'n óm bòṅ a dita 'd tut ma ch'al gh'à 'n segrét: i gh piàś'n i ragasōi.

Culegamènt estéran