L'uomo di ferro (film 1951)
|
C'l artìcul chè 'l è scrit in
Miranduléś |
 Iron Man | ||
| L'uomo di ferro | ||
.png) Hudson, Chandler e McNally in na figùra dal film | ||
| ʼL óm ad fèr 1951 | ||
|---|---|---|
| Regìa: Joseph Pevney | ||
| Scritōr: W.R. Burnett George Zuckerman • Borden Chase | ||
| Atōr: Jeff Chandler • Evelyn Keyes • Rock Hudson Stephen McNally • Jim Backus • Joyce Holden Steve Martin • James Arness • George Baxter | ||
| Müsica: Milton Rosen • Joseph Gershenson | ||
| Léngua: Ingléś | ||
| Dürä dal film: 82 minüt | ||
| Nasiōṅ: Stat Unî | ||
L'uomo di ferro (ʼL óm ad fèr) 'l è 'n film dramàtic dal 1951 ad Joseph Pevney girâ in biànc e négar, trat da 'l rumànś The Iron Man ad W.R. Burnett. 'L è stâ girâ da 'l 12 ad Śnar a 'l 16 ad Favràr dal 1951 e 'l è stâ distribuî in Agóst da la Universal Pictures.
Sunt
[mudéfica la surzéia]Coke Mason (Jeff Chandler), insém a 'l sò amìg Tommy O'Keefe (Rock Hudson), al fà 'l minadōr in un paiśèṅ dla Pennsylvania. La vita par lò 'l è dimóndi dûra, al mét via di bèsi parchè al vrév spuśàr la sò muróśa Rose Warren (Evelyn Keyes) ch'la lavóra sóta padròṅ in na butéga. Al sò sógn al sarév qvél ad vèr'r un negòsi tut suo 'd eletrodumèstig.
Un dè, dòp na quistiunàda c'n al sò culéga Alex Mallick (James Arness) ch'al gh cata gust a bcar-al sèmpar, Coke al decìd ad far un cumbatimènt ad pugilâ sèg, su cunsìli 'd sò fradèl George (Stephen McNally) ch'al gh'à 'l visi dal scumési. 'L incóntar al và mâł fiṅ da subìt ma a n sèrt punt dènt'r a Coke a gh vîṅ n'arlìa sénsa cuntròl ch'l'arbàlta 'l èśit dal match, cuma s'al s fus trasfurmâ in na bèstia.
George e la Rose, ch'i nàśan 'l udōr di bèsi e l'ucaśiòṅ ad cambiàr vita, i cunvìnsan Coke a dvintàr pùgil. Anc Tommy al s śònta a 'l grup, jutànd al sò amìg in di alenamènt e dvnintànd un pùgil anc lò. Coke al taca a vìnsar di incóntar ma la gint la n è mai da la sò banda parchè al cumbàt sèmpar in manéra minga curèta, cun d'l òdi piutòst, tant ch'al giurnalìsta sputìṿ Max Watkins (Jim Backus) al scrìv ch'a sarév méj ch'al gh dis un taj parchè al n è minga fat p'r al pugilâ, 'l è sōl na màchina par masàr.
Dòp ès'r-as spuśâ cun la Rose, ch'la s è pintìda 'd avēr vlû ch'al faśìs al pùgil, Coke al pèrd cun Joe Savella (Steve Martin), un quèl ch'al n pōl minga mandàr śò. Mént'r al s prepàra par n'arvìnsida sèg, la Rose e George i decìd'n in segrét ad ślungàr di bèsi a Savella par far-al pèrdar. Dòp avēr vins 'l incóntar, vgnénd a savēr cuśa i ìvan strulgâ sò fradèl e sò mujēr, Coke al decìd ad mulàr-i, dmandànd a Max ad far-ag da manager par 'l ùltim match ch'al gh'à da far par vìns'r al tìtul di pēś màsim. A sfidàr-al 'l è pròpria Tommy ch'al cumbàt c'n al scutmàj ad “Speed”.