L'aquila della montagna
|
C'l artìcul chè 'l è scrit in
Miranduléś |
 The Mountain Eagle | ||
| L'aquila della montagna | ||
 Bernhard Goetzke in na figùra dal film | ||
| L'àquila dla muntàggna 1926 | ||
|---|---|---|
| Regìa: Alfred Hitchcock | ||
| Scritōr: Max Ferner Charles Lapworth • Eliot Stannard | ||
| Atōr: Bernhard Goetzke • Malcolm Keen Nita Naldi • John Hamilton • Ferdinand Martini | ||
| Müsica: / | ||
| Léngua: / | ||
| Dürä dal film: 57 minüt | ||
| Nasiōṅ: Régn Unî • Germàgna | ||
L'aquila della montagna (L'àquila dla muntàggna) 'l è 'n thriller sentimentàł britànic e tedésc dal 1926 'd Alfred Hitchcock. 'L è stâ girâ mut e in biànc e négar e 'l è andâ pardû. Dòp i an Vint ninsòṅ al 'l à più vist parchè la pelìcula fata in nitrâ 'd argìnt la s è ruinàda. A gh'è armàś sōl na quàlc figùra e la lucandìna.
Cal lavōr chè, girâ in Tirōl e a Mònag 'd Bavéra, al n gh'à minga abû sucès e anc p'r Hitchcock 'l è stâ 'n brut film e ch'l è cuntènt ch'al sia sparî.
Sunt
In un vilàǵ dal Kentucky la Beatrice (Nita Naldi), insgnànta śōvna, la patìs i cumpurtamènt fastidióś dal diretōr 'd un negòsi Pettigrew (Bernhard Goetzke) ch'al gh'à butâ i òć adòs e ch'al n la lasa mai star. Quànd chi lē la 'l para via, sinténd-as rifiutâ 'l óm al decìd ad vindicàr-as sèg, andànd in gir dgénd a la gint che la mistra la gh'à di brut cumpurtamènt in di cunfrònt ad sò fiōl daśgrasiâ Edward (John F. Hamilton) ch'al tōś part a i sò cōrs ad sira.
La Beatrice la s lōga in muntàggna catànd la prutesiòṅ ad John Fulton (Malcolm Keen), 'n eremìta ch'al s fà ciamàr Fear O' God (Malcolm Keen). I dū i s inamóran e i decìd'n ad spuśàr-as, in manéra anc ad śmursàr gl'insinuasiòṅ su 'd lē. A selebràr al matrimòni a gh'è pròpria Pettigrew, ch'l è anc giùdas ad paś, ma pò al diś che 'l óm 'l è respunsàbil dla sparisiòṅ ad sò fiōl, ch'al n s cata piò. Fulton al và a prucès e 'l è cundanâ finénd in parśòṅ.
Dòp 'n an Fear O' God al gh la cava a scapàr via, e 'l decìd ad lugàr-'s in muntàggna.