Lódra

C'l artìcul chè 'l è scrit in Miranduléś

Lódra
na lódra cumùna (Lutra lutra)
Dominì: Eukaryota
Rèign: Animalia
Phylum: Chordata
Clâsa: Mammalia
Órdin: Carnivora
Sòtórdin: Caniformia
Famija: Mustelidae
Sòtfamija: Lutrinae, Bonaparte (1838)
Gènàr: Aonyx • Enhydra • Hydrictis Lontra • Lutra • Lutrogale • Pteronura
Sòrta: Lutra lutra • Lutra sumatrana Hydrictis maculicollis • Lutrogale perspicillata Lontra canadensis • Lontra felina Lontra longicaudis • Lontra provocax Pteronura brasiliensis • Aonyx capensis Aonyx cinereus • Aonyx congicus • Enhydra lutris

Al lódri (nóm sientìfic: Lutrinae, cgnusùdi in itagliàṅ cuma lontra) i èṅ di mamìfar ch'i fànan part dla famìja di Mustelidae ch'i s càtan bèṅ ad vìv'r in dl'àqua e fóra da l'àqua. I gh'ànan trédas spéci divìśi in sèt gènar.

I vìvan dapartùt a part l'Austràglia e gl'ìśuli spardùdi, sèmpar darènt a di pòst in du a gh'è dl'àqua.

Descrisiòṅ

Tut i mémbar ad cla sotfamìja chè i gh'aṅ un còrp ślungâ, gambi curti e pē palmâ, na cóa lunga e fòrta e na tèsta tónda c'n un grugn śmusâ. Al lòdri dal spéci più grandi i èṅ bòni 'd rivàr a èsar lunghi 'n métar e a pśar da i vint-a-dū a i quarànta-sinc chilo. I masć i èṅ più grôs dal fémni p'r un quàrt cuma s sucéd par tut i Mustelidi.

Al sò mant 'l è fat apòsta par nudàr esénd ch'l è anc bòṅ ad tgnir dèntar dl'ària. Al gh'à mila pēi par mm², al più fit ad tut al bèsti, e 'd un culōr sōl ch'al và da 'l maròṅ a 'l griś scûr, dal vòlti un pò più ciàr sóta 'l còl o in dla pansa.

Quànd i èṅ i àqua i pōlan srar i buś dal naś e anc gl'uréci.

I màgnan la carna che da spés i ciàp'n in dl'àqua cuma pés, rani, granfi e àt'r invertebrâ cic. Al sò metabulìśum al và in présia, un fat ch'al custrìnś al lódri a magnàr tut i dè al 15% dal sò pēś ma la lódra marìna la pōl rivàr anc a 'n 20-25% a secónda dla temperadùra.

I vàn'n a casa par tri o sinc óri e 'l fémni i daṅ al lat a i pìcui, ch'i nàsan da òṅ a siē a la vòlta dòp ssanta dè, p'r òt óri.

Culegamènt estéran

(IT) La sò paśna su 'l sit dla Treccani

Àtar prugèt

Wikiquote contiene citazioni di o su Lódra
Wikimedia Commons contiene file multimediali su Lódra