L'uomo dell'altra

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg Her Best Friend's Husband
L'uomo dell'altra
Uomo dell'altra.png
La Armstrong e la Cheryl Ladd in na figùra dal film
'L óm ad cl'atra
2002
Regia: Waris Hussein
Scritùr: Duane Poole • Jean Abounader
Atùr: Cheryl LaddBess ArmstrongLindy Booth
William R. MosesJohn RalstonSteve Cumyn
Müsica: Lawrence Shragge
Lengua: Ingléś
Dürä dal film: 91 minüt
Nasiòṅ: Cànada


«
A gh'è di quèi ch'ta n gh'à minga da spartìr.»
(Tagline dal film)


L'uomo dell'altra (’L óm ad cl'atra) 'l è 'n film dramàtic canadéś dal 2002, girâ par la televiśiòṅ a Turònt, ad Waris Hussein. In Itàglia 'l è cgnusû anc cuma Amore e amicizia.

Sunt

'L architét ad sucès ad Seattle Will Roberts (William R. Moses), insém a sò fiōla Kelly (Lindy Booth), al decìd 'd urganiśàr na fèsta 'd cumpleàn a surpréśa par sò mujér, la Mandy (Bess Armstrong). Par l'ucaśiòṅ al ciàma 'n amìga 'd lē avucàta, la Jane Thornton (Cheryl Ladd), ch'la riva in aparéć da 'l Cànada. Chi lē da 'n pôc ad tèmp la viṿ da par lē dòp ès'r armàśa védva ad Peter (Matt Trueman) ma na vòlta, a i tèmp dla scóla, l'éra pròpria l'amànta 'd Will.

Adès ch'l'è libra la Mandy la gh preśénta Elliott (John Ralston), un designer ad mòbii, pò la s véd sèg da par lē in dla sò cambra e la Jane la gh rigàla 'n àlbum ad fóto p'r i vint an pasâ insém. La Mandy la taca a piànśar parchè a cuntàr-la tuta 'l sò matrimòni 'l è sèmpar stâ 'n diśàst'r anc s'la fava finta 'd èsar cuntènta cun Will, òṅ ch'al pénsa sōl a tiràr sù dal cà nóvi insém a 'l sò capcantēr (Phillip Jarrett). Adès abàsta la gh 'n à 'l bali pîni, la Kelly l'è granda e la và a l'università e lē la vōl pinsàr a la sò vita, vèrar un negòsi ad śavài antìg c'n i bèsi ch'al gh'à lasâ sò pàd'r e divursiàr da sò marè. La Kelly la n la tōś minga tant bèṅ e par daspèt la cònta a sò màdar che 'l sò muróś, Sam (Jim Thorburn), al sòna in un grup rock parchè la sà che lē la n s cumpatìs briśa chi sunadōr lè pôc sèri. In cal méntar Will, dascargâ par la Mandy, al s fà avànti cun la Jane, al la baśa e lē la gh astà ma pò la tórna a cà sua.

Turnàda a Seattle par śibìr un cuntràt discugràfic dal sò amìg Gordon (Martin Doyle) a 'l grup ad Sam e par l'inaugurasiòṅ dal negòsi dla Mandy, la Jane la gh'à da far i cònt cun Elliott e cun Will ch'i gh staṅ sèmp'r adòs, ma pò qvést chè al gh stà adòs anc a lèt cla nòt lè in albêrg: ém-j-a fat bèṅ?

Culegamènt estéran