L'ultimo appello

Da Wikipedia.
Jump to navigation Jump to search

C'l artìcul chè 'l è scrit in Miranduléś Emiliàn

Video-x-generic.svg The Chamber
L'ultimo appello
Ultimo appello.png
Chris O'Donnell in na figùra dal film
'L ùlt'm apèl
1996
Regia: James Foley
Scritùr: John Grisham
William Goldman • Phil Alden Robinson
Atùr: Chris O'DonnellGene Hackman
Faye DunawayRobert ProskyNicholas Pryor
Raymond J. BarryLela RochonBo Jackson
Müsica: Carter Burwell
Lengua: Ingléś
Dürä dal film: 113 minüt
Nasiòṅ: Stat Unî


«
Na véra ch'a n s pōl minga cuntàr, un pasâ ch'a n s pōl briśa scanślàr.»
(Tagline dal film)


L'ultimo appello (’L ùlt'm apèl) 'l è 'n film dramàtic dal 1996 ad James Foley trat da 'n rumànś dal 1994 ad John Grisham intitulâ The Chamber.

La pelìcula l'è custàda sinquànta migliòṅ ad dòlar e la n gh l'à minga cavàda a mét'r i cònt in para parchè la 'n à fat sù sōl vint-a-dū e mèś.

Sunt

In d'l Avrìl dal 1967 a Indianola, sitadìna dal Missisìpi, a salta p'r ària 'l ufìsi d'l avucàt ebrèj Marvin Kramer (Seth Isler) impgnâ in dal difénd'r i dirìt sivìl in cal stat dal sud lè. 'L atintâ, strulgâ da qvéi dal Ku Klux Klan, al pòrta a la mòrt di dū śmèi piculèṅ di Kramer méntar lò, armàś sénsa gambi, al s tōś la vita lasànd védva sò mujēr, la Ruth (Millie Perkins).

A prucès a gh finìs Sam Cayhall (Gene Hackman) ch'al vîṅ cundanâ a mòrt cun la cambra a gas. Vint-nóṿ an dòp 'l avucàt dal studi legàł Kravitz and Bane ad Chicago Adam Hall (Chris O'Donnell) al decìd ad difénd'r-al pro bono publico, adès ch'a gh cala pôc a l'eśecusiòṅ. Chi lò 'l è anc 'l anvō dal cundanâ e la sò famìja la s éra śluntanàda da Dixie Land dimóndi an prima par la vargóggna, cambiànd anc cugnóm in cal méntar.

Adam al s mét in cuntàt cun sò sîna Lee Cayhall Bowen (Faye Dunaway), pò al và a catàr sò nunòṅ in parśòṅ che però al ténd a èsar pôc gustóś sèg, 'l è sèmpar cal rasìsta mai pintî di an Ssanta. 'L avucàt al próa a dmandàr la gràsia a 'l guvernadōr David McAllister (David Marshall Grant) che però al n è minga tant dl'idéa.

Culegamènt estéran