L'importanza di chiamarsi Ernest
|
C'l artìcul chè 'l è scrit in
Miranduléś |
 The Importance of Being Earnest | ||
| L'importanza di chiamarsi Ernest | ||
 Colin Firth in na figùra dal film | ||
| L'importànsa 'd ciamàr-'s Ernèst 2002 | ||
|---|---|---|
| Regìa: Oliver Parker | ||
| Scritōr: Oscar Wilde • Oliver Parker | ||
| Atōr: Rupert Everett • Reese Witherspoon Colin Firth • Judi Dench • Frances O'Connor Edward Fox • Anna Massey • Tom Wilkinson | ||
| Müsica: Charlie Mole | ||
| Léngua: Ingléś • Tedésc | ||
| Dürä dal film: 97 minüt | ||
| Nasiōṅ: Régn Unî • Stat Unî | ||
L'importanza di chiamarsi Ernest (L'importànsa 'd ciamàr-'s Ernèst) l'è na cumèdia ingléśa e americàna dal 2002 'd Oliver Parker trata da la cumèdia L'importanza di chiamarsi Ernesto 'd Oscar Wilde. Al film 'l à vins un Nàstar 'd Argìnt p'r i custùm ad Maurizio Millenotti.
Custâ quìndas migliòṅ ad dòlar, al film al 'n à pò purtâ a cà da piò ad darsèt.
Sunt
[mudéfica la surzéia]Algernon Moncrieff dit Algy (Rupert Everett) 'l è 'n milurdèṅ scavesacòl cun di prubléma 'd bèsi ch'al viṿ in dal sènt'r ad Lóndra. 'L è anvōd dla nòbila Lady Bracknell (Judi Dench) e cuśèṅ ad sò fiōla Gwendolen Fairfax (Frances O'Connor). Par psēr tajàr la còrda a 'l mumènt giùst, o per mancàr sénsa cunseguénsi di apuntamènt ch'i al stùfan, Algy al s è invintâ 'n amìg imaginàri, Bunbury, che lò al diś 'd èsar dimóndi malâ e ch'al gh'à biśógn 'd ajùt.
Moncrieff 'l è amìg ad John Worthing dit Jack (Colin Firth), 'n óm pîṅ 'd bèsi ch'al gh'à na vila in campàggna e che quànd al s và a divertìr in sità al dróa invéci al nóm 'd Ernest, che lò al fà pasàr par sò fradèl, acsè ad psēr far tut qvél ch'al vōl sénsa pagàr dasi. Worthing 'l éra 'n putèṅ espòst, catâ in stasiòṅ in na bórsa prima 'd ès'r adutâ. Adès al fà la bèla vita e 'l è anc tutōr dna ragàsa ciamàda Cecily Cardew (Reese Witherspoon), sò anvōda, ch'l'è drē a studiàr al tedésc da 'l insgnànta Miss Prism (Anna Massey).
Worthing, durànt i sò viàś ad piaśēr in sità druànd al sò alter ego 'd Ernest, 'l à tacâ a frequentàr-as cun la Gwendolen. I dū i vrévan dvintàr nuvìs, la ragàsa fra 'l àtar la và mata p'r al sò nóm ch'al gh dà fidùcia, ma la Lady Bracknell la gh diś ch'i pōlan vansàr, specialmènt da quànd l'à savû che 'l óm al n s minga ch'i sìan i sò genitōr.
In cal méntar Algy al và a cà 'd Jack faghénd-as pasàr par sò fradèl Ernest parchè al vōl cgnós'r ad parsòna la Cecily. Dascurénd insém, la śōvna ch'la gh'à na bèla imaginsasiòṅ la gh cunfèsa ch'i èṅ fidansâ insém, la 'l à bèla scrit su 'l sò diàri, fastasticànd dal fradèl misterióś ad sò sîṅ ch'la n à mai vist. A riva anc la Gwendolen ch'la vōl star insém a 'l sò Ernest e la taca a bcar-as cun la Cecily parchè tuti e dó i dìśan 'd èsar la muróśa 'd Ernest, ch'al n eśìst minga ma ch'in di fat i èṅ dó parsòni difarènti.