L'eretica
|
C'l artìcul chè 'l è scrit in
Miranduléś |
 La endemoniada | ||
| L'eretica | ||
 La Tota Alba in na figùra dal film | ||
| L'erética 1975 | ||
|---|---|---|
| Regìa: Amando de Ossorio | ||
| Scritōr: Amando de Ossorio | ||
| Atōr: Marián Salgado • Julián Mateos • Tota Alba Fernando Sancho • Lone Fleming • Daniel Martín Kali Hansa • Ángel del Pozo • María Kosty | ||
| Müsica: Diego e Victor | ||
| Léngua: Spagnōl | ||
| Dürä dal film: 90 minüt | ||
| Nasiōṅ: Spaggna | ||
L'eretica (L'erética) 'l è 'n film ad scarésa spagnōl dal 1975 scrit e dirèt p'r Amando de Ossorio.
Sunt
[mudéfica la surzéia]Màdar Gautière (Tota Alba) l'è na vècia ch'la lèś al carti ma in segrét l'è anc a 'l servìsi ad Sàtana cun 'l ajùt dna stria sigàgna (Kali Hansa). Quànd a sparìs un putèṅ in paéś, cun sò màdar ch'la n è minga bòna 'd dar-as paś (Concha Gómez Conde), la vècia la vîṅ purtàda in cumisariâ p'r ès'r interugàda da 'l cap dla pulisìa (Fernando Sancho) parchè suspetàda dal rapimènt. Piutòst che dascórar, màdar Gautière la s buta śò par la fnèstra murénd p'r al cōlp séc.
Al sò spìrit in séguit al tōś pusès dal còrp dna baghéta, la Susan Barnes (Marián Salgado), fiōla d'n impurtànt pulìtig dal stat (Ángel del Pozo). La ragàsa la taca a dir dal parulàsi e la n ubidìs piò a la dóna 'd sò pàdar, lʼAnne Crawford (Lone Fleming), anc par via dal cuntròl che na statṿa cica dal demòni Astaroth, ch'la gh'iva regalâ la stria sigàgna, la gh'à su la sò mènt.
Al batéś dla Susan cuma prevòstra dal mâł al riva cun na serimògna dla stria sigàgna in dal bòsc ad nòt, cun la ghigna dla baghéta ch'la s trasfórma in qvéla dla màdar Gautière in dal méntar ch'la scurtèla a mòrt al putèṅ rapî.
La Susan, dal tut indemuniàda, la taca la sò òvra vèrs al mâł masànd al giurnalìsta William Grant (Daniel Martín), amànt in segrét dlʼAnne, pò al gh taja 'l cas par far un pactèṅ rigàl a la dóna. La baghéta adès la gh'à intensiòṅ ad far un sacrifìsi a 'l Diàvul masànd al putèṅ dna sò sîna (Concha Gomez Conde) ma pàdar Juan (Julián Mateos) 'l è prònt a farmàr-la cun 'n eśurcìśum.