Killer Cop
|
C'l artìcul chè 'l è scrit in
Miranduléś |
 Killer Cop | ||
 Wade Hunt Williams in na figùra dal film | ||
| Pulisiòt sasèṅ 2002 | ||
|---|---|---|
| Regìa: Marc Rylewski | ||
| Scritōr: Marc Rylewski | ||
| Atōr: Wade Hunt Williams • Aaron Braxton Sara Rinde • Adam Clark • James W. Quinn Brad Heller • Carrie Janisse • Peter Spinella | ||
| Müsica: / | ||
| Léngua: Ingléś | ||
| Dürä dal film: 94 minüt | ||
| Nasiōṅ: Stat Unî | ||
Killer Cop (Pulisiòt sasèṅ) 'l è 'n film americàṅ dal 2002 ad Marc Rylewski, regìsta e youtuber francéś, ch'al 'l à anc scrit. 'L è stâ girâ c'n un budget ad duśènt-mila dòlar a 'l incìrca.
Sunt
[mudéfica la surzéia]Flip (Brad Heller), respunsàbil dal docu-reality „Cops on the Beat“, al dmanda a 'l tenènt dla pulisìa 'd Los Angeles Rick Callahan (Wade Hunt Williams) ad dvintàr al prutagunìsta dal sò prugràma in dua na troupe televiśìva la gh'à da tgnir-'g adrē durànt al sò lavōr par tiràr śò i mumènt più impurtànt e spetaculàr, quànd i delinquènt i vìnan ciapâ e arestâ. Rick al gh astà subìt e 'l strulga 'n piàṅ ad fargàr dū négar ch'l iva péna farmâ parchè in pusès 'd èrba, Max (Aaron Braxton) e Bush (Adam Clark), faghénd finta 'd lasàr-i lìbar par pò ciapàr-i subìt davànti a 'l tele-càmeri.
Par far-al, al s fà jutàr par la pulisiòta ch'la lavóra in còpia sèg, la Jenny (Sara Rinde), custréta a far-al sóta ricàt parchè Rick 'l è fat acsè, a gh piàś śugàr spôrc. Durànt 'l inseguimènt, 'l agìnt Pierce (Peter Spinella), ch'al n saìva gnint dal prugràma, al spara dabòṅ a Bush masànd-al. Max a 'l inìsi al gh la cava a scapàr via ma pò al vîṅ farmâ par la Jenny. Quànd 'l óm al gh cònta qvél ch'l è sucès, la Jenny la tōś la sò part, saénd ch'l è sōl na vitma 'd Rick. La 'l lóga acsè in dal sò apartamènt ma pò Max al và a star da 'n sò amìg, Shinobu (James W. Quinn).
La puśisiòṅ dla pulisiòta la s fà però difìcila, specialmènt quànd la sò culéga e amìga Bridgette (Carrie Janisse) la la tradìs in cambi dla prumusiòṅ che Rick al gh'à prumìs in cambi.