Kieran Culkin

C'l artìcul chè 'l è scrit in Miranduléś

Kieran Kyle Culkin (New York, 30 ad Setémbar dal 1982, a s lèś [ˈkɪərən ˈkʌlkɪn] in ingléś) 'l è 'n atōr americàṅ, vinsidōr dal Prèmi Òscar dal 2025 cuma atōr minga prutagunìsta par la cumèdia dramàtica A Real Pain, film ch'al gh'à frutâ anc òṅ di sò dū Golden Globe, 'l àtar 'l è stâ vins par la série televiśìva Succession in dua lò al fava la part ad Roman Roy.

Fradèl più pìcul ad Macaulay Culkin, 'l à fat al sò debùt a 'l cìnema in dal 1990 faghénd sò cuśèṅ Fuller in dla cumèdia Mamma, ho perso l'aereo, rōl ch'al farà anc dū an dòp in Mamma, ho riperso l'aereo - Mi sono smarrito a New York. Sèmp'r in chi an lè 'l à recitâ in dla cumèdia Il padre della sposa (1991), a fiànc ad Steve Martin e dla Diane Keaton, e fat al fiōl pìcul dla Rosanna Arquette dimóndi ligâ a Jean-Claude Van Damme in Accerchiato (1993).

In dal 1999 a 'l ém vist in dla cumèdia sentimentàla Kiss Me, cun prutagunìsta Freddie Prinze Jr., in dal dramàtic La musica del cuore, cun la Meryl Streep e Aidan Quinn, e in Le regole della casa del sidro, pelìcula cun Tobey Maguire, la Charlize Theron, Michael Caine e Paul Rudd.

Da grand Culkin 'l à tòlt part da prutagunìsta a Igby, in còpia cun la Claire Danes e Jeff Goldblum, e pò a Scott Pilgrim vs. the World in dla part d'l amìg gay ch'al spartìs 'l apartamènt cun Michael Cera. Fra i sò ùltim lavōr a psém nutàr la cumèdia ad Todd Solondz Wiener-Dog (2016), al pulisiésc No Sudden Move (2021), fata insém a Don Cheadle, Benicio del Toro, Ray Liotta, Matt Damon e Brendan Fraser, e 'l thriller fantasientìfig Hunger Games - L'alba sulla mietitura.

Da 'l 2013 'l è spuśâ cun la Jazz Charton, insém i gh'ànan dū fiōi.

Filmugrafìa

1990 - Mamma, ho perso l'aereo (Home Alone), regìa ad Chris Columbus
1991 - Cara mamma, mi sposo (Only the Lonely), regìa ad Chris Columbus
1991 - Il padre della sposa (Father of the Bride), regìa ad Charles Shyer
1992 - Mamma, ho riperso l'aereo: mi sono smarrito a New York (Home Alone 2: Lost in New York), regìa ad Chris Columbus
1993 - Accerchiato (Nowhere to Run), regìa ad Robert Harmon
1994 - Una lunga pazza estate (It Runs in the Family), regìa ad Bob Clark
1995 - Il padre della sposa 2 (Father of the Bride Part II), regìa ad Charles Shyer
1996 - Amanda, regìa ad Bobby Roth
1998 - Basta guardare il cielo (The Mighty), regìa ad Peter Chelsom
1999 - Kiss Me (She's All That), regìa ad Robert Iscoves
1999 - La musica del cuore (Music of the Heart), regìa ad Wes Craven
1999 - Le regole della casa del sidro (The Cider House Rules), regìa ad Lasse Hallström
2002 - The Dangerous Lives of Altar Boys, regìa ad Peter Care
2002 - Igby (Igby Goes Down), regìa ad Burr Steers
2008 - Lymelife, regìa ad Derick Martini
2009 - Paper Man, regìa ad Kieran Mulroney e 'd Michele Mulroney
2010 - Scott Pilgrim vs. the World, regìa 'd Edgar Wright
2011 - Margaret, regìa ad Kenneth Lonergan
2013 - Comic Movie (Movie 43), regìa ad regìsta difarènt
2015 - Quitters, regìa ad Noah Pritzker
2016 - Wiener-Dog, regìa ad Todd Solondz
2021 - No Sudden Move, regìa ad Steven Soderbergh
2024 - A Real Pain, regìa ad Jesse Eisenberg
2026 - Hunger Games - L'alba sulla mietitura (The Hunger Games: Sunrise on the Reaping), regìa ad Francis Lawrence

Culegamènt estéran

(IT) Filmugrafìa in s'l IMDb

Àtar prugèt

Wikimedia Commons contiene file multimediali su Kieran Culkin