Ken Kirzinger
|
C'l artìcul chè 'l è scrit in
Miranduléś |
Kenneth Kirzinger dit Ken (Saskatchewan, 4 ad Nuvémbar dal 1959) 'l è 'n atōr e cascadōr canadéś, élt dagnóra dū métar.
'L è cgnusû p'r ès'r-as mis i pagn ad Jason Voorhees in dal film ad scarésa Freddy vs. Jason (2003) dòp avēr tòlt part anc Venerdì 13 parte VIII - Incubo a Manhattan (1989) faghénd la part 'd un cōg. 'L à recitâ anc in Wrong Turn 2 - Senza via d'uscita (2007), in dal rōl ad Pa a cap dna famìja ad magna-carna, Horror Movie (2009), Radio Killer 3 - La corsa continua (2014), in dla part dal camiunìsta sasèṅ Rusty Nail, e The Blackburn Asylum (2015).
Cuma cóntar-figùra e stuntman a 'l ém vist anc in Superman III (1983), Ore 13: dopo il massacro la caccia (1985), Alterazione genetica (1988), Senti chi parla (1989), It (1990), Vediamoci stasera... porta il morto (1991), Trappola d'amore (1994), Romeo + Giulietta di William Shakespeare (1996), Mission to Mars (2000), X-Men 2 (2003), X-Men: Conflitto finale (2006), I Fantastici 4 e Silver Surfer (2007), Watchmen (2009), X-Men: le origini - Wolverine (2009) e Quella casa nel bosco (2011).
Culegamènt estéran
Àtar prugèt
Wikimedia Commons contiene file multimediali su Ken Kirzinger
