Kelly McGillis

C'l artìcul chè 'l è scrit in Miranduléś

La Kelly Ann McGillis (Newport Beach, 9 ad Luj dal 1957) l'è n'atōra americàna, candidàda a i Golden Globe in dal 1986 p'r al film Witness - Il testimone, thriller cun Harrison Ford.

Biugrafìa

Nada in Califòrgna da na famìja cun di urìgini ingléśi, scuséśi, irlandéśi e tedéschi, la Kelly da śōvna la s iscrìv a l'Acadèmia 'd art dramàtica dal Pasìfic par pò far al sò debùt a 'l cìnema in dal 1983 cun Reuben, Reuben. Dū an dòp la fà la part dna védva amish in Witness - Il testimone. Par preparàr-as méj a cal rōl lè la và a vìvar par na stmana in na cumunità dla Pennsylvania.

In dal 1986 la gh'à 'n bèl sucès faghénd la muróśa 'd Tom Cruise in Top Gun ad Tony Scott méntar la sò partecipasiòṅ a Oltre ogni rischio 'd Abel Ferrara dal 1989 la la cunférma cuma una dal sex symbol ad fiṅ an Utànta. Àtar rōi impurtànt par la sò caréra i èṅ qvéi fat in Sotto accusa (1988), Gente del Nord (1989), L'isola dell'amore (1991), in dua l'à tgnû adrē anc a la prudusiòṅ, e A prima vista (1999).

In dal 2000 la fà la prufesōra Diana Maitland in La maschera di scimmia pò 'l an dòp l'è impgnàda in dal film ad scarésa Nessuno può sentirti.

Da śōvna la Kelly McGillis l'è stada viulentàda. In séguit la s è spuśàda e divursiàda dū vòlti par pò métar-'s insém cun la Melanie Leis in dal 2010 dòp avēr dit in n'intervìsta 'd èsar lèśbica.

Filmugrafìa

1983 - Reuben, Reuben, regìa ad Robert Ellis Miller
1985 - Witness - Il testimone (Witness), regìa ad Peter Weir
1986 - Top Gun, regìa ad Tony Scott
1987 - Terra di conquista (Unsettled Land), regìa 'd Uri Barbash
1987 - Accadde in paradiso (Made in Heaven), regìa 'd Alan Rudolph
1988 - Labirinto mortale (The House on Carroll Street), regìa ad Peter Yates
1988 - Sotto accusa (The Accused), regìa ad Jonathan Kaplan
1989 - Gente del Nord (Winter People), regìa ad Ted Kotcheff
1989 - Oltre ogni rischio (Cat Chaser), regìa 'd Abel Ferrara
1991 - L'isola dell'amore (Grand Isle), regìa dla Mary Lambert
1992 - The Babe - La leggenda (The Babe), regìa 'd Arthur Hiller
1994 - Genitori cercasi (North), regìa ad Rob Reiner
1995 - La casa delle ombre (Remember Me), regìa ad Michael Switzer – film TV
1997 - Il terzo gemello (The Third Twin), regìa ad Tom McLoughlin – film TV
1998 - Rischio d'impatto (Ground Control), regìa ad Richard Howard
1999 - A prima vista (At First Sight), regìa 'd Irwin Winkler
2000 - La maschera di scimmia (The Monkey's Mask), regìa dla Samantha Lang
2001 - Nessuno può sentirti (No One Can Hear You), regìa ad John Laing
2007 - Supergator, regìa ad Brian Clyde
2010 - Stake Land, regìa ad Jim Mickle
2011 - The Innkeepers, regìa ad Ti West
2013 - We Are What We Are, regìa ad Jim Mickle
2014 - Grand Street, regìa ad Lex Sidon
2017 - Madre di ogni segreto (Maternal Secrets), regìa dla Lucinda Spurling

Culegamènt estéran

(IT) Filmugrafìa in s'l IMDb