Katia Christine
|
C'l artìcul chè 'l è scrit in
Miranduléś |
Katia Christine, cgnusùda dal vòlti anc cuma Katia Christina o Katia Cristina (Ulànda, 21 ad Maǵ dal 1946, a s lèś [ˈkaːtjaː krɪsˈtinə] in ulandéś), l'è n'atōra ulandéśa dimóndi impgnàda in dal cìnema itagliàṅ e francéś.
In dla sò caréra, duràda a 'l incìrca vint an da la mità di an Ssanta a la mità di an Utànta, l'à recitâ in na sinquantìna 'd film e telefìlm tacànd da 'l cumèdi Les gorilles, cun Darry Cowl e Francis Blanche, e La calda pelle a fiànc dl'Elsa Martinelli, ad Michel Piccoli e 'd Jean Sorel. In séguit la s è spustada in Itàglia par lauràr cun Alberto Lattuada in Don Giovanni in Sicilia (1967), cun prutagunìsta Lando Buzzanca, e cun Maurizio Lucidi ch'al l'à dirèta in dal western La più grande rapina del West (1967), in dal drama La battaglia del Sinai (1969) e Probabilità zero (1969) da 'n sugèt ad Dario Argento.
Sèmp'r in chi an lè l'à fat la ragàsa su 'l tàvul di uperasiòṅ in dal film ad scarésa a epiśòdi Tre passi nel delirio (1968), in dal segmènt ad Louis Malle, e pò incóra l'autustupìsta hippy ch'la s fà scarusàr da Franco Franchi e Ciccio Ingrassia in I due maggiolini più matti del mondo (1970). Subìt dòp l'à laurâ in tré pelìculi ad Giovanni Grimaldi: in La prima notte del dottor Danieli, industriale, col complesso del... giocattolo la fà la mujēr ad Lando Buzzanca ch'al gh'à 'l mâł dla lumàga, in Principe coronato cercasi per ricca ereditiera la fà la fiōla visiàda d'n americàṅ pîṅ 'd bèsi (Saro Urzì) mént'r in Le inibizioni del dottor Gaudenzi, vedovo, col complesso della buonanima la fà la ragàsa ch'la fà inamuràr Carlo Giuffrè armàś véduv e c'n al cumplès dla bònanma.
Fra i sò ùltim lavōr a 'rcurdém al thriller La vittima designata (1971), cun prutagunìsta Tomas Milian, al drama Prigione di donne (1974), cun la Luciana Turina in di pagn dla sōra Brigida, e dū film ad scarésa in còpia cun Klaus Kinski: La mano che nutre la morte e Le amanti del mostro.
In televiśiòṅ a l'ém vista in dal série televiśìvi Geminus, Il ritorno di Simon Templar, CHiPs, Supercar, Professione pericolo e Masquerade
Filmugrafìa
- 1964 - Les gorilles, regìa ad Jean Girault
- 1964 - La calda pelle (De l'amour), regìa ad Jean Aurel
- 1965 - La grosse caisse, regìa 'd Alex Joffé
- 1965 - Rififi internazionale (Du rififi à Paname), regìa ad Denys de La Patellière
- 1966 - Le armi segrete del generale Fiascone (Martin Soldat), regìa ad Michel Deville
- 1967 - Don Giovanni in Sicilia, regìa ad Alberto Lattuada
- 1967 - Il Santo prende la mira (Le Saint prend l'affût), regìa ad Christian-Jaque
- 1967 - Due killers in fuga (Du mou dans la gâchette), regìa ad Louis Grospierre
- 1967 - La più grande rapina del West, regìa ad Maurizio Lucidi
- 1967 - Peggio per me... meglio per te, regìa ad Bruno Corbucci
- 1968 - Una lezione particolare (La Leçon particulière), regìa ad Michel Boisrond
- 1968 - La battaglia del Sinai, regìa ad Maurizio Lucidi
- 1968 - Tre passi nel delirio (Histoires extraordinaires), regìa ad Federico Fellini, Louis Malle e Roger Vadim
- 1969 - Probabilità zero, regìa ad Maurizio Lucidi
- 1969 - L'ultimo avventuriero (The Adventurers), regìa ad Lewis Gilbert
- 1970 - I due maggiolini più matti del mondo, regìa ad Giuseppe Orlandini
- 1970 - La prima notte del dottor Danieli, industriale, col complesso del... giocattolo, regìa ad Giovanni Grimaldi
- 1970 - Principe coronato cercasi per ricca ereditiera, regìa ad Giovanni Grimaldi
- 1970 - Pussycat, Pussycat, I Love You, regìa ad Rod Amateau
- 1971 - Le inibizioni del dottor Gaudenzi, vedovo, col complesso della buonanima, regìa ad Giovanni Grimaldi
- 1971 - Venga a fare il soldato da noi, regìa 'd Ettore Maria Fizzarotti
- 1971 - La vittima designata, regìa ad Maurizio Lucidi
- 1973 - Oremus, Alleluia e Così Sia, regìa 'd Alfio Caltabiano
- 1974 - Prigione di donne, regìa ad Brunello Rondi
- 1974 - La mano che nutre la morte, regìa ad Yilmaz Duru e 'd Sergio Garrone
- 1974 - Le amanti del mostro, regìa ad Sergio Garrone
- 1975 - Cassiodoro il più duro del pretorio, regìa 'd Oreste Coltellacci
- 1976 - Atraco en la jungla, regìa ad Gordon Hessler
- 1977 - Casanova & Company (Casanova & Co.), regìa ad Franz Antel
- 1977 - La banda del trucido, regìa ad Stelvio Massi
- 1977 - Anno zero - Guerra nello spazio, regìa 'd Alfonso Brescia
- 1982 - Finché vita non ci separi (The Rules of Marriage), regìa ad Milton Katselas
Culegamènt estéran
Àtar prugèt
Wikimedia Commons contiene file multimediali su Katia Christine
