Kathleen Turner
|
C'l artìcul chè 'l è scrit in
Miranduléś |
La Mary Kathleen Turner, cgnusùda méj cuma Kathleen Turner (Springfield, 19 ad Śugn dal 1954), l'è n'atōra e ardupiadōra americàna, candidàda a i Prèmi Òscar par la sò part da prutagunìsta in Peggy Sue si è sposata (1986).
In dla sò caréra la Turner l'à vins dū Golden Globe, in dal 1985 p'r All'inseguimento della pietra verde, girâ insém a Michael Douglas, e in dal 1986 par L'onore dei Prizzi in du la fava còpia cun Jack Nicholson. 'D arcurdàr anc la sò part dla Matty Walker in dal thriller Brivido caldo ch'la l'iva fata dvintàr un sex symbol in alóra.
In dla sò caréra l'à laurâ anc a teàtar (recìtand in òvri cuma Sógn dna nòt ad mità Istâ ad William Shakespeare, La gata in sal téǵ ch'al scòta ad Tennessee Williams, I parènt terìbii ad Jean Cocteau e Chi à paùra dla Virginia Woolf? 'd Edward Albee) e in televiśiòṅ (Friends, Law & Order - I due volti della giustizia e Californication), dand la vōś a di persunàǵ di cartòṅ animâ cuma The Simpsons, I Griffin e la Jessica Rabbit in dal film Chi ha incastrato Roger Rabbit dal 1988.
Méntar l'éra drē a giràr al film La signora ammazzatutti ad John Waters (1994) i dutōr i gh'aṅ catâ ch'la gh'iva l'artrît reumatòid, esénd che lē l'iva tacâ a 'vēr da spés la févra e di dulōr a i òs ch'la fava fadìga a giràr o a prilàr la tèsta e ch'la n gh la cavàva gnanc s stricàr na péna in mâṅ da 'l tant ch'l'éra infiàda.
La Turner l'à anc laurâ a l'università 'd New York in dua l'insgnàva recitasiòṅ, esénd lē anc laureàda in Béli Arti. L'à fat soquànti dunasiòṅ a 'l Partî Demucràtic e l'è na vuluntària 'd Amnesty International.
Filmugrafìa
- 1981 - Brivido caldo (Body Heat), regìa ad Lawrence Kasdan
- 1983 - Ho perso la testa per un cervello (The Man with Two Brains), regìa ad Carl Reiner
- 1984 - All'inseguimento della pietra verde (Romancing the Stone), regìa ad Robert Zemeckis
- 1984 - Il nido dell'aquila (A Breed Apart), regìa ad Philippe Mora
- 1984 - China Blue (Crimes of Passion), regìa ad Ken Russell
- 1985 - L'onore dei Prizzi (Prizzi's Honor), regìa ad John Huston
- 1985 - Il gioiello del Nilo (The Jewel of the Nile), regìa ad Lewis Teague
- 1986 - Peggy Sue si è sposata (Peggy Sue Got Married), regìa ad Francis Ford Coppola
- 1987 - Giulia e Giulia, regìa ad Peter Del Monte
- 1988 - Cambio marito (Switching Channels), regìa ad Ted Kotcheff
- 1988 - Turista per caso (The Accidental Tourist), regìa ad Lawrence Kasdan
- 1989 - La guerra dei Roses (The War of the Roses), regìa ad Danny DeVito
- 1991 - Detective coi tacchi a spillo (V.I. Warshawski), regìa ad Jeff Kanew
- 1993 - La voce del silenzio (House of Cards), regìa ad Michael Lessac
- 1993 - Coppia d'azione (Undercover Blues), regìa 'd Herbert Ross
- 1993 - Vado a vivere a New York (Naked in New York), regìa ad Dan Algrant
- 1994 - La signora ammazzatutti (Serial Mom), regìa ad John Waters
- 1995 - Moonlight & Valentino (Moonlight and Valentino), regìa ad David Anspaugh
- 1997 - Un semplice desiderio (A Simple Wish), regìa ad Carl Reiner
- 1997 - Bionda naturale (The Real Blonde), regìa ad Tom DiCillo
- 1999 - Un genio in pannolino (Baby Geniuses), regìa ad Bob Clark
- 1999 - Love and Action in Chicago, regìa ad Dwayne Johnson-Cochran
- 1999 - Il giardino delle vergini suicide (The Virgin Suicides), regìa dla Sofia Coppola
- 2000 - Beautiful - Una vita da miss (Beautiful), regìa dla Sally Field
- 2000 - L'estate della tua vita (Prince of Central Park), regìa ad John Leekley
- 2008 - Io & Marley (Marley & Me), regìa ad David Frankel
- 2011 - The Perfect Family, regìa dl'Anne Renton
- 2013 - Nurse - L'infermiera (Nurse 3D), regìa ad Douglas Aarniokoski
- 2013 - Gods Behaving Badly, regìa ad Marc Turtletaub
- 2014 - Scemo & + scemo 2 (Dumb and Dumber To), regìa ad Peter e Bobby Farrelly
- 2015 - Emily & Tim, regìa 'd Eric Weber e 'd Sean Devaney - vos
- 2017 - Un matrimonio fuori controllo (Another Kind of Wedding), regìa ad Pat Kiely
- 2022 - The Swearing Jar, regìa dla Lindsay MacKay
- 2022 - The Estate, regìa ad Dean Craig
- 2024 - The Long Game, regìa dla Jace Anderson
Culegamènt estéran
Àtar prugèt
Wikiquote contiene citazioni di o su Kathleen Turner
Wikimedia Commons contiene file multimediali su Kathleen Turner
