Kathleen Case
|
C'l artìcul chè 'l è scrit in
Miranduléś |
La Catherine Walker, cgnusùda méj cuma Kathleen Case ma anc cuma Cathy Case, Kathy Case e Cassie Case (Pittsburgh, 31 ad Luj dal 1933 - North Hollywood, 22 ad Luj dal 1979) l'è stada n'atōra e balarìna americàna.
Nada in Pennsylvania, la Kathleen l'à patî la mòrt ad sò màdar quànd la gh'iva sōl tri dè 'd vita. L'è carsùda a Cincinnati a cà 'd sò nunóna, la Hamilton Case. Dòp avēr tacâ a far la balarìna a ùnd'ś an, l'à firmâ un cuntràt cun la Columbia Pictures in dal 1954. In chi an lè l'à girâ nóṿ film in fiṅ a 'l 1956 cuma 'l noir La bestia umana (1954), insém a Glenn Ford, e 'l western Lo sciopero delle mogli (1955) cun la Mamie Van Doren.
In dal 1959 la gh'à abû 'n incidènt in mutuscàṿ ch'al l'à custréta a 'rmàgn'n a 'l uśdàł par dū méś. Da la fiṅ di an Sinquànta a 'l 1961 l'è stada impgnàda a giràr soquànt telefìlm cuma I racconti del West, La pattuglia della strada e Carovane verso il west, par pò finìr la sò caréra da atōra.
Al 5 ad Favàr dal 1967 la Case la gh'à abû 'n incidènt in màchina cóntar qvéla guidàda da 'l śmèl d'l atōr Dack Rambo, Dick. 'L óm 'l è mòrt dòp ch'la sò màchina l'à ciapâ fōg méntar lē l'è scampàda, murénd in tut al manéri śōvna a quarànta-sinc an.
Filmugrafìa
- 1952 - Quattro ragazze all'abbordaggio (Two Tickets to Broadway), regìa ad James V. Kern
- 1952 - Junction City, regìa ad Ray Nazarro
- 1953 - Last of the Pony Riders, regìa ad George Archainbaud
- 1953 - Operazione Corea (Flight Nurse), regìa 'd Allan Dwan
- 1953 - The Eddie Cantor Story, regìa 'd Alfred E. Green
- 1954 - La bestia umana (Human Desire), regìa ad Fritz Lang
- 1955 - Lo sciopero delle mogli (The Second Greatest Sex), regìa ad George Marshall
- 1955 - Ladri di automobili (Running Wild), regìa 'd Abner Biberman
- 1956 - Calling Homicide, regìa 'd Edward Bernds