Katharine Hepburn
|
C'l artìcul chè 'l è scrit in
Miranduléś |
La Katharine Houghton Hepburn (Hartford, 12 ad Maǵ dal 1907 - Old Saybrook, 29 ad Śugn dal 2003, a s lèś [ˈkæθrɪn ˈhɛpˌbɝn] in ingléś), l'è stada n'atōra americàna.
Uriginària dal Connecticut, l'è dvintàda famóśa faghénd da spés dal part ad dóni fòrti, indipendènti e anti-cunfurmìsti anc s'a 'l inìsi al ròbi par lē i n éran minga andàdi tant bèṅ tant ch'a i tèmp dla RKO i la ciamàvan “Vlèṅ p'r al budghèṅ”.
La Hepburn in dla sò caréra, andàda avànti par ssant'an e pasa, l'è stada candidàda par dódas vòlti a i Prèmi Òscar, vinsénd-an quàtar: in dal 1934 par la cumèdia dramàtica La gloria del mattino, in dal 1968 p'r Indovina chi viene a cena?, in còpia cun Spencer Tracy in dal sò ùltim lavōr prima 'd murìr, in dua la fà na dóna liberal ch'la gh'à da far frònt a 'l fat che sò fiōla la s sia misa c'n un négar (Sidney Poitier), in dal 1969 p'r al stòric Il leone d'inverno, insém a Peter O'Toole e Anthony Hopkins, e in dal 1982 par la cumèdia sentimentàla Sul lago dorato, in dua la fà la mujēr 'd un prufesōr in pensiòṅ cun di prubléma 'd memòria (Henry Fonda).
Ólt'r a chi prèmi lè, l'è stada bòna 'd vìns'r anc un Golden Globe a la caréra e 'n Emmy Award. La gh'à na stéla in dla Hollywood Walk of Fame. In dal 1999 'l American Film Institute al l'à misa a 'l prim pòst in dla lista dal sènt atōri più grandi dla stòria dal cìnema americàṅ ad tut i tèmp.
Fra i sò àtar film più impurtànt a 'rcurdém la cumèdia Scandalo a Filadelfia (1940), giràda cun Cary Grant e James Stewart, al film 'd aventùra La regina d'Africa (1951), in còpia cun Humphrey Bogart, e 'l drama Improvvisamente, l'estate scorsa, insém a l'Elizabeth Taylor e a Montgomery Clift su 'n sugèt ad Tennessee Williams.
Cun Spencer Tracy, 'l amōr dla sò vita, l'à fat nóṿ pelìculi cuma La donna del giorno (1942) e La costola di Adamo (1949).
Filmugrafìa
[mudéfica la surzéia]- 1932 - Febbre di vivere (A Bill of Divorcement), regìa ad George Cukor
- 1933 - La falena d'argento (Christopher Strong), regìa dla Dorothy Arzner
- 1933 - La gloria del mattino (Morning Glory), regìa ad Lowell Sherman
- 1933 - Piccole donne (Little Women), regìa ad George Cukor
- 1934 - Argento vivo (Spitfire), regìa ad John Cromwell
- 1934 - Amore tzigano (The Little Minister), regìa ad Richard Wallace
- 1935 - Quando si ama (Break of Hearts), regìa ad Philip Moeller
- 1935 - Primo amore (Alice Adams), regìa ad George Stevens
- 1935 - Il diavolo è femmina (Sylvia Scarlett), regìa ad George Cukor
- 1936 - Maria di Scozia (Mary of Scotland), regìa ad John Ford
- 1936 - Una donna si ribella (A Woman Rebels), regìa ad Mark Sandrich
- 1937 - Dolce inganno (Quality Street), regìa ad George Stevens
- 1937 - Palcoscenico (Stage Door), regìa ad Gregory La Cava
- 1938 - Susanna! (Bringing Up Baby), regìa 'd Howard Hawks
- 1938 - Incantesimo (Holiday), regìa ad George Cukor
- 1940 - Scandalo a Filadelfia (The Philadelphia Story), regìa ad George Cukor
- 1942 - La donna del giorno (Woman of the Year) regìa ad George Stevens
- 1943 - Prigioniera di un segreto (Keeper of the Flame), regìa ad George Cukor
- 1943 - La taverna delle stelle (Stage Door Canteen), regìa ad Frank Borzage
- 1944 - La stirpe del drago (Dragon Seed), regìa ad Harold Bucquet e Jack Conway
- 1945 - Senza amore (Without Love), regìa 'd Harold S. Bucquet
- 1946 - Tragico segreto (Undercurrent), regìa ad Vincente Minnelli
- 1947 - Il mare d'erba (The Sea of Grass), regìa 'd Elia Kazan
- 1947 - Canto d'amore (Song of Love), regìa ad Clarence Brown
- 1948 - Lo stato dell'Unione (State of the Union), regìa ad Frank Capra
- 1949 - La costola di Adamo (Adam's Rib), regìa ad George Cukor
- 1951 - La regina d'Africa (The African Queen), regìa ad John Huston
- 1952 - Lui e lei (Pat and Mike), regìa ad George Cukor
- 1955 - Tempo d'estate (Summertime), regìa ad David Lean
- 1956 - Il mago della pioggia (The Rainmaker), regìa 'd Anthony Mann
- 1956 - La sottana di ferro (The Iron Petticoat), regìa ad Ralph Thomas
- 1957 - La segretaria quasi privata (Desk Set), regìa ad Walter Lang
- 1959 - Improvvisamente, l'estate scorsa (Suddenly Last Summer), regìa ad Joseph L. Mankiewicz
- 1962 - Il lungo viaggio verso la notte (A Long Day's Journey into Night), regìa ad Sidney Lumet
- 1967 - Indovina chi viene a cena? (Guess Who's Coming to Dinner), regìa ad Stanley Kramer
- 1968 - Il leone d'inverno (The Lion in Winter), regìa 'd Anthony Harvey
- 1969 - La pazza di Chaillot (The Madwoman of Chaillot), regìa ad Bryan Forbes e 'd John Huston
- 1971 - Le troiane (The Trojan Women), regìa ad Michael Cacoyannis
- 1973 - Un equilibrio delicato (A Delicate Balance), regìa ad Tony Richardson
- 1973 - Lo zoo di vetro (The Glass Menagerie), regìa 'd Anthony Harvey – film TV
- 1975 - Amore tra le rovine (Love Among Ruins), regìa ad George Cukor – film TV
- 1975 - Torna "El Grinta" (Rooster Cogburn), regìa ad Stuart Millar
- 1978 - Olly, Olly, Oxen Free, regìa ad Richard Colla
- 1979 - Il grano è verde (The Corn Is Green), regìa ad George Cukor – film TV
- 1981 - Sul lago dorato (On Golden Pond), regìa ad Mark Rydell
- 1985 - Agenzia omicidi (The Ultimate Solution of Grace Quigley), regìa 'd Anthony Harvey
- 1986 - Soli contro tutti (Mrs. Delafield Wants to Marry), regìa ad George Schaefer – film TV
- 1988 - Laura Lansing ha dormito qui (Laura Lansing Slept Here), regìa ad George Schaefer – film TV
- 1992 - L'evaso e la signora (The Man Upstairs), regìa ad George Schaefer – film TV
- 1994 - Un amore senza età (This Can't Be Love), regìa 'd Anthony Harvey – film TV
- 1994 - Fiocchi di neve per Buddy (One Christmas), regìa ad Tony Bill – film TV
- 1994 - Love Affair - Un grande amore (Love Affair), regìa ad Glenn Gordon Caron
Culegamènt estéran
[mudéfica la surzéia]Àtar prugèt
[mudéfica la surzéia]
Wikiquote contiene citazioni di o su Katharine Hepburn
Wikimedia Commons contiene file multimediali su Katharine Hepburn
