Kate Winslet

C'l artìcul chè 'l è scrit in Miranduléś

La Kate Elizabeth Winslet (Reading, 5 'd Utóbar dal 1975, a s lèś [ˌkeɪt əˈlɪzəbəθ ˈwɪnzlət] in ingléś) l'è n'atōra e ardupiadōra britànica, vinsidōra dal Prèmi Òscar dal 2009 p'r al drama eròtic The Reader - A voce alta girâ in còpia cun Ralph Fiennes. L'è stada numinàda a i Academy Award atri siē vòlti, in dal 1996 par la cumèdia sentimentàla Ragione e sentimento, in dua l'à incruśâ l'Emma Thompson e Hugh Grant, in dal 1998 p'r al film campiòṅ 'd incàs Titanic, fat in còpia cun Leonardo DiCaprio, in dal 2002 p'r al biugràfic Iris - Un amore vero, in di pagn dla scritōra Iris Murdoch da śōvna, in dal 2005 par la cumèdia Se mi lasci ti cancello, cun prutagunìsta Jim Carrey, in dal 2007 p'r al drama Little Children, a fiànc ad Patrick Wilson e dla Jennifer Connelly, e in dal 2016 par Steve Jobs, cun Michael Fassbender in di pagn d'l inventōr americàṅ fundadōr dla Apple.

L'è stada candidàda anc par quatórdas vòlti a i Golden Globe, vinsénd sinc vòlti p'r i film Revolutionary Road, in dua l'à catâ incóra Leonardo DiCaprio e la Kathy Bates dòp al sucès ad Titanic 'd ùnd'ś an prima, The Reader - A voce alta, par la minisérie televiśìva Mildred Pierce giràda cun Guy Pearce, Un giorno come tanti, in còpia cun Josh Brolin, Steve Jobs e Omicidio a Easttown, minisérie televiśìva cun la Julianne Nicholson. La gh'à inóltar dū Emmy Award e anc na stéla in dla Hollywood Walk of Fame e l'è stada numinàda Cumendadōra d'l Órdan d'l Impēr Britànic in dal 2012.

Fra i sò àtar lavōr a 'rcurdém al sò film ad debùt Creature del cielo dal 1994, sarnìda da 'l regìsta Peter Jackson da na lista ad 175 ragàsi ingléśi, al thriller The Life of David Gale (2003), cun prutagunìsta Kevin Spacey, la cumèdia sentimentàla Romance & Cigarettes (2005), film ad John Turturro cun James Gandolfini e la Susan Sarandon, al drama Carnage (2011), insém a la Jodie Foster e a John C. Reilly, al drama Contagion (2011), a fiànc ad Matt Damon, ad Jude Law e dla Gwyneth Paltrow, e 'l fantàstic Avatar - La via dell'acqua interpretâ anc par Sam Worthington e par la Sigourney Weaver.

L'à cantâ in dū pès, What If in dal 2001 e I Need a Nap in dal 2005 in còpia cun Weird Al Yankovic.

La Winslet la s è spuśàda tré vòlti e la gh'à tri fiōi.

Filmugrafìa

1994 - Creature del cielo (Heavenly Creatures), regìa ad Peter Jackson
1995 - Un ragazzo alla corte di re Artù (A Kid in King Arthur's Court), regìa ad Michael Gottlieb
1995 - Ragione e sentimento (Sense and Sensibility), regìa 'd Ang Lee
1996 - Jude, regìa ad Michael Winterbottom
1996 - Hamlet, regìa ad Kenneth Branagh
1997 - Titanic, regìa ad James Cameron
1998 - Ideus Kinky - Un treno per Marrakech (Hideous Kinky), regìa ad Gillies MacKinnon
1999 - Holy Smoke - Fuoco sacro (Holy Smoke), regìa dla Jane Campion
2000 - Quills - La penna dello scandalo (Quills), regìa ad Philip Kaufman
2001 - Enigma, regìa ad Michael Apted
2001 - Iris - Un amore vero (Iris), regìa ad Richard Eyre
2003 - The Life of David Gale, regìa 'd Alan Parker
2004 - Se mi lasci ti cancello (Eternal Sunshine of the Spotless Mind), regìa ad Michel Gondry
2004 - Neverland - Un sogno per la vita (Finding Neverland), regìa ad Marc Forster
2005 - Romance & Cigarettes, regìa ad John Turturro
2006 - Tutti gli uomini del re (All King's Men), regìa ad Steven Zaillian
2006 - Little Children, regìa ad Todd Field
2006 - L'amore non va in vacanza (The Holiday), regìa dla Nancy Meyers
2008 - The Reader - A voce alta (The Reader), regìa ad Stephen Daldry
2008 - Revolutionary Road, regìa ad Sam Mendes
2011 - Carnage, regìa ad Roman Polański
2011 - Contagion, regìa ad Steven Soderbergh
2013 - Comic Movie (Movie 43), ad difarènt regìsta
2013 - Un giorno come tanti (Labor Day), regìa ad Jason Reitman
2014 - Divergent, regìa ad Neil Burger
2014 - Le regole del caos (A Little Chaos), regìa 'd Alan Rickman
2015 - The Divergent Series: Insurgent, regìa ad Robert Schwentke
2015 - Steve Jobs, regìa ad Danny Boyle
2015 - The Dressmaker - Il diavolo è tornato (The Dressmaker), regìa ad Jocelyn Moorhouse
2016 - Codice 999 (Triple 9), regìa ad John Hillcoat
2016 - Collateral Beauty, regìa ad David Frankel
2017 - Il domani tra di noi (The Mountain Between Us), regìa 'd Hany Abu-Assad
2017 - La ruota delle meraviglie - Wonder Wheel (Wonder Wheel), regìa ad Woody Allen
2019 - Blackbird - L'ultimo abbraccio (Blackbird), regìa ad Roger Michell
2020 - Ammonite - Sopra un'onda del mare (Ammonite), regìa ad Francis Lee
2022 - Avatar - La via dell'acqua (Avatar: The Way of Water), regìa ad James Cameron
2023 - Lee Miller (Lee), regìa dl'Ellen Kuras
2025 - Avatar - Fuoco e cenere (Avatar: Fire and Ash), regìa ad James Cameron

Culegamènt estéran

Àtar prugèt

Wikiquote contiene citazioni di o su Kate Winslet
Wikimedia Commons contiene file multimediali su Kate Winslet