Karl Urban

C'l artìcul chè 'l è scrit in Miranduléś

Karl-Heinz Urban, cgnusû méj cuma Karl Urban (Wellington, 7 ad Śugn dal 1972, a s lèś ['kɑːl 'ɜːbən] in ingléś), 'l è 'n atōr e ardupiadōr neuśelandéś, cun pàdar tedésc, famóś p'r avēr fat la part 'd Éomer in dla trilugìa 'd Al Sgnōr di Anèi.

Biugrafìa

Karl 'l à tacâ a recitàr in dal 1991 tulénd part a la série televiśìva Shark in the Park, par pò cuntinuàr cun Zanna Bianca, Shortland Street (par stanta puntàdi faghénd la part dal paramèdag Jamie Forrest), Hercules e Xena - Principessa guerriera.

A la fiṅ di an Nuànta al cata spasi in dla cumèdia Via Satellite e in dal thriller Heaven - Il dono della premonizione, a fiànc ad Martin Donovan. In dal 2000 'l è prutagunìsta dal film ad scarésa L'inconfutabile verità sui demoni méntar dū an dòp al fà la part 'd un tècnig d'l equipàǵ ad Gabriel Byrne in Nave fantasma, pelìcula cun la Francesca Rettondini.

In séguit al cunasiunàł Peter Jackson 'l al sarnìs par far la part 'd Éomer in di film Il Signore degli Anelli - Le due torri (2002) e Il Signore degli Anelli - Il ritorno del re (2003), dó pelìculi ad sucès ch'i gh vèr'n al pòrti 'd Hollywood. In dal 2004 al gira al film 'd asiòṅ The Chronicles of Riddick, cun Vin Diesel e la Judi Dench, e 'l film ad spiunàǵ The Bourne Supremacy a fiànc ad Matt Damon.

Dòp avēr girâ da prutagunìsta al film 'd asiòṅ Doom (2005), baśâ su 'n śōg vìddeo ad sucès, in dal 2009 al fà la part dal dutōr Leonard McCoy in dal film Star Trek pò 'l an dòp 'l è in dal cast dla cumèdia Red cun Bruce Willis.

In dal 2017 al s mét i pagn dal persunàǵ di fumét dla Marvel Comics d'l Eśecutōr in Thor: Ragnarok, recitànd insém a Chris Hemsworth, la Cate Blanchett, Jeff Goldblum, Mark Ruffalo e Anthony Hopkins. Sèmp'r in c'l an lè a 'l ém vist in dal thriller Vendetta finale cun Antonio Banderas e la Paz Vega.

Su 'l set dal film par la televiśiòṅ The Privateers (2000) 'l à cgnusû la Natalie Wihongi, la sò trucadōra, ch'l à pò spuśâ in dal Setémbar dal 2004. Insém i gh'aṅ abû dū fiōi masć: Hunter e Indiana. La còpia la s è divìśa in dal 2014 quànd 'l atōr al s è mis cun la sò culéga Katee Sackhoff, specialiśàda in film ad scarésa.

Filmugrafìa

1992 - Chunuk Bair, regìa ad Dale G. Bradley
1998 - Via satellite, regìa 'd Anthony McCarten
1998 - Heaven - Il dono della premonizione (Heaven), regìa ad Scott Reynolds
2000 - L'inconfutabile verità sui demoni (The Irrefutable Truth About Demons), regìa ad Glenn Standring
2000 - The Price of Milk, regìa 'd Harry Sinclair
2002 - Nave fantasma (Ghost Ship), regìa ad Steve Beck
2002 - Il Signore degli Anelli - Le due torri (The Lord of the Rings: The Two Towers), regìa ad Peter Jackson
2003 - Il Signore degli Anelli - Il ritorno del re (The Lord of the Rings: The Return of the King), regìa ad Peter Jackson
2004 - The Chronicles of Riddick, regìa ad David Twohy
2004 - The Bourne Supremacy, regìa ad Paul Greengrass
2005 - Doom, regìa 'd Andrzej Bartkowiak
2006 - Out of the Blue, regìa ad Robert Sarkies
2007 - Pathfinder - La leggenda del guerriero vichingo (Pathfinder), regìa ad Marcus Nispel
2009 - Star Trek, regìa ad J. J. Abrams
2009 - Black Water Transit, regìa ad Tony Kaye
2010 - Red, regìa ad Robert Schwentke
2010 - And Soon the Darkness, regìa ad Marcos Efron
2011 - Priest, regìa ad Scott Stewart
2012 - Dredd - Il giudice dell'apocalisse (Dredd), regìa ad Pete Travis
2013 - Into Darkness - Star Trek (Star Trek Into Darkness), regìa ad J. J. Abrams
2013 - Riddick, regìa ad David Twohy
2014 - The Loft, regìa 'd Erik Van Looy
2016 - Star Trek Beyond, regìa ad Justin Lin
2016 - Il drago invisibile (Pete's Dragon), regìa ad David Lowery
2017 - Thor: Ragnarok, regìa ad Taika Waititi
2017 - Vendetta finale (Acts of Vengeance), regìa 'd Isaac Florentine
2017 - Hangman - Il gioco dell'impiccato (Hangman), regìa ad Johnny Martin
2018 - Bent - Polizia criminale (Bent), regìa ad Bobby Moresco
2019 - Star Wars - L'ascesa di Skywalker (Star Wars: The Rise of Skywalker), regìa ad J. J. Abrams
2026 - Mortal Kombat II, regìa ad Simon McQuoid

Culegamènt estéran

(IT) Filmugrafìa su IMDb

Àtar prugèt

Wikiquote contiene citazioni di o su Karl Urban
Wikimedia Commons contiene file multimediali su Karl Urban