K-PAX - Da un altro mondo
|
C'l artìcul chè 'l è scrit in
Miranduléś |
 K-PAX | ||
| K-PAX - Da un altro mondo | ||
 Jeff Bridges in na figùra dal film | ||
| K-PAX - Da 'n àtar mónd 2001 | ||
|---|---|---|
| Regìa: Iain Softley | ||
| Scritōr: Gene Brewer • Charles Leavitt | ||
| Atōr: Kevin Spacey • Jeff Bridges • Alfre Woodard Mary McCormack • Saul Williams • Celia Weston David Patrick Kelly • Peter Gerety • Tracy Vilar Ajay Naidu • Melanee Murray • John Toles-Bey Kimberly Scott • Conchata Ferrell • Vincent Laresca | ||
| Müsica: Edward Shearmur | ||
| Léngua: Ingléś | ||
| Dürä dal film: 120 minüt | ||
| Nasiōṅ: Stat Unî • Germàgna | ||
K-PAX - Da un altro mondo (K-PAX - Da 'n àtar mónd) 'l è 'n film dramàtic americàṅ e tedésc dal 2001 ad Iain Softley trat da 'n rumànś dal 1995 ad Gene Brewer da 'l tìtul K-PAX. Custâ ssant'òt migliòṅ ad dòlar, al film al 'n à pò muciâ sù ssanta-sinc.
In dla culòna sunóra dal film i s càtan di pès dla Sheryl Crow (Safe and Sound) e 'd Elton John (Rocket Man).
Sunt
[mudéfica la surzéia]'N óm misterióś ch'al s fà ciamàr Prot (Kevin Spacey) al vîṅ purtâ in na clìnica psichiàtrica 'd Manhattan parchè al diś ad vgnir da K-PAX, un pianēd ch'al s cata in un sistéma binàri cun dū Sōi in dla custelasiòṅ dla Lira a soquànt an luś da la Tèra. Al gh'à sèmp'r adòs di uciài scûr parchè la luś la gh dà fastìdi esénd bòṅ ad véd'r i raś ultra-viulét mént'r i psico-fàrmag ch'a gh dà al dutōr Mark Powell (Jeff Bridges) i n gh'ànan minga efèt.
Prot, ch'al fà véd'r ad savēr-an da piò di siensiâ su 'l univèrs e 'l sò léǵ, al s fà amìg di pasiènt cun di prubléma mentài ch'i s càtan in dla strutùra e 'l gh prumét ch'al purtarà òṅ sèg quànd al turnarà su K-PAX, un pòst ch'a sò dita 'l è na maravìa.
Anc se tut al và in dla diresiòṅ ad cunsideràr-al cuma 'n aglièṅ, al dutōr Powell 'l è dl'idéa ch'a gh sia quèl sóta. Al decìd acsè 'd ipnitiśàr-al par védar se par caś in dal fónd dla sò mènt a gh'è di ségn 'd un tràuma patî in pasâ.