Vai al contenuto

Judd Nelson

Da Wikipedia.

C'l artìcul chè 'l è scrit in Miranduléś Emiliàn

Nelson in dal 2006


Judd Asher Nelson (Portland, 28 ad Nuvémbar dal 1959, a s lèś [dʒʌd ˈnɛlsən] in ingléś) 'l è 'n atōr americàṅ.

Fiōl d'n avucàt e dna pulìtiga dal Maine, Judd al fà 'l sò debùt a 'l cìnema a gl'inìsi di an Utànta tulénd part a film cuma la cumèdia Breakfast Club (1985), faghénd la part 'd un ragàs arvèrs in còpia cun Emilio Estevez, e 'l drama sentimentàł St. Elmo's Fire (1985), cun Rob Lowe e la Demi Moore.

In di an Nuànta 'l à recitâ in di thriller Rendez-vous con la morte, insém a Pierce Brosnan, La ragnatela del vizio, cun la Joanna Pacula, e A un passo dal delitto, ólt'r a la cumèdia Airheads - Una band da lanciare, a fiànc ad Brendan Fraser, Steve Buscemi e David Arquette.

Da i an Dumìla in avànti 'l à laurâ praticamènt sōl in prudusiòṅ cun di budget cic. In dal 2006 'l è stâ prutaginìsta dal film catastròfic Black Hole mént'r in dal 2009 'l à recitâ cun Peter Fonda in dal film 'd asiòṅ The Boondock Saints 2 - Il giorno di Ognissanti. A 'l arcurdém anc par la part dal dutōr Robert Morris in dal film ad scarésa Nurse - L'infermiera (2013) cun la Paz de la Huerta e la Kathleen Turner.

'L à laurâ da spés anc in televiśiòṅ catànd spasi in telefìlm cuma Moonlighting, Susan (in di pagn ad Jack Richmond), Oltre i limiti, Las Vegas, CSI - Scena del crimine, CSI: NY, Psych, Due uomini e mezzo, Nikita e Empire. Par la série televiśìva Giovani omicidi, in dal 1988 'l è stâ candidâ a i Golden Globe par la part ad Joe Hunt.

Filmugrafìa

[mudéfica la surzéia]
La tlaréda dal visi (1994)
Sès bindâ (1994)
Buś négar (2006)

Culegamènt estéran

[mudéfica la surzéia]

Àtar prugèt

[mudéfica la surzéia]
Estratto da "https://eml.wikipedia.org/w/index.php?title=Judd_Nelson&oldid=166293"