Josh Hartnett

C'l artìcul chè 'l è scrit in Miranduléś

Joshua Daniel Hartnett, cgnusû méj cuma Josh Hartnett (Saint Paul, 21 ad Luj dal 1978, a s lèś [dʒɑːʃ ˈhɑːrtnɛt] in ingléś), 'l è 'n atōr e prudutōr americàṅ.

Biugrafìa

Uriginàri dal Minneśòta, Josh al patìs al divòrsi di sò genitōr quànd 'l éra pìcul, andànd pò a vìvar cun sò pàdar, aministradōr ad cundumìni, e cun la sò secónda mujēr ch'la gh'iva dâ tri fradlàstar. Dòp avēr studiâ a la Nativity of Our Lord ad Saint Paul e pò a l'università statàla 'd New York, al decìd 'd andàr a star in Califòrgna par tgnir adrē a 'l sò sógn ad far 'l atōr.

In dal 1998 al rècita in soquànt epiśòdi dla série televiśìva Cracker e pò anc in na quàlc reclàm e a teàtar. In dal stés an al tōś part a 'l sò prim film, Halloween - 20 anni dopo ad Steve Miner, in di pagn dal fiōl dla Jamie Lee Curtis, e anc in dal thriller The Faculty insém a la Clea DuVall, a la Piper Laurie e a la Famke Janssen.

In dal 1999 al cata spasi in dal drama Il giardino delle vergini suicide faghénd inamuràr 'd lò la Kirsten Dunst. Al sucès par 'l atōr a riva dabòṅ in dal 2001 quànd dòp na part pìcula in dla cumèdia Amori in città... e tradimenti in campagna, a fiànc ad Warren Beatty e dla Diane Keaton, al gira al film ad guèra Pearl Harbor, cun prutagunìsta Ben Affleck, al drama sentimentàł O come Otello, trat da n'òvra 'd William Shakespeare, e Black Hawk Down - Black Hawk abbattuto insém a Ewan McGregor, Tom Sizemore, Eric Bana e Orlando Bloom.

In dal 2002 'l è prutagunìsta dla cumèdia rumàntica 40 giorni & 40 notti mént'r in di an a vgnir a 'l ém vist in dal pulisiésc Hollywood Homicide (2004), a fiànc 'd Harrison Ford, in dal drama Appuntamento a Wicker Park (2004), in dal noir Sin City (2005), pelìcula trata da 'n fumét ad Frank Miller, in dal thriller Slevin - Patto criminale (2006), girâ insém a Bruce Willis, a la Lucy Liu, a Ben Kingsley e a Morgan Freeman, e c'n al thriller Black Dahlia ad Brian De Palma (2006) in di pagn d'n agìnt ad pulisìa ch'al gh'à da far luś su 'l masamènt dla pòvra Elizabeth Short (interpretàda da la Mia Kirshner). Josh al pasa a la scarésa in dal 2007 girànd 30 giorni di buio, in dla part 'd un sierìf d'l Alàska ch'al lòta cóntar di vampîr.

Fra i sò ùltim lavōr a 'rcurdém al pulisiésc Cavalli selvaggi (2017), a fiànc ad Robert Duvall e 'd James Franco, al thriller 'd asiòṅ La furia di un uomo - Wrath of Man (2021), cun Jason Statham e Andy García, al biugràfic Oppenheimer (2023), insém a Cillian Murphy, l'Emily Blunt, Matt Damon e Robert Downey Jr., e 'l śal Trap (2024) par la regìa ad M. Night Shyamalan.

Filmugrafìa

1998 - Halloween - 20 anni dopo (Halloween H20: 20 Years Later), regìa ad Steve Miner
1998 - Debutante, regìa dla Mollie Jones
1998 - The Faculty, regìa ad Robert Rodriguez
1999 - Il giardino delle vergini suicide (The Virgin Suicides), regìa dla Sofia Coppola
2000 - Per una sola estate (Here on Earth), regìa ad Mark Piznarski
2001 - The Same, regìa ad Mark Palanski
2001 - Member, regìa ad David Brooks
2001 - Blow Dry, regìa ad Paddy Breathnach
2001 - Amori in città... e tradimenti in campagna (Town & Country), regìa ad Peter Chelsom
2001 - Pearl Harbor, regìa ad Michael Bay
2001 - O come Otello (O), regìa ad Tim Blake Nelson
2001 - Black Hawk Down - Black Hawk abbattuto, regìa ad Ridley Scott
2002 - 40 giorni & 40 notti (40 Days and 40 Nights), regìa ad Michael Lehmann
2003 - Hollywood Homicide, regìa ad Ron Shelton
2004 - Appuntamento a Wicker Park (Wicker Park), regìa ad Paul McGuigan
2005 - Sin City, regìa ad Frank Miller, Robert Rodriguez e Quentin Tarantino
2005 - Crazy in Love (Mozart and the Whale), regìa ad Petter Næss
2006 - Slevin - Patto criminale (Lucky Number Slevin), regìa ad Paul McGuigan
2006 - Black Dahlia (The Black Dahlia), regìa ad Brian De Palma
2007 - 30 giorni di buio (30 Days of Night), regìa ad David Slade
2007 - La rivincita del campione (Resurrecting the Champ), regìa ad Rod Lurie
2008 - Land Shark - Rischio a Wall Street, regìa 'd Austin Chick
2009 - I Come with the Rain, regìa 'd Anh Hung Tran
2010 - Bunraku, regìa ad Guy Moshe
2011 - Girl Walks Into a Bar, regìa ad Sebastian Gutierrez
2011 - Stuck Between Stations, regìa ad Brady Kiernan
2015 - Verso la fine del mondo (Parts Per Billion), regìa ad Brian Horiuchi
2015 - Cavalli selvaggi (Wild Horses), regìa ad Robert Duvall
2015 - The Lovers, regìa ad Roland Joffé
2017 - L'ultima discesa (6 Below: Miracle on the Mountain), regìa ad Scott Waugh
2017 - Oh Lucy!, regìa 'd Atsuko Hirayanagi
2017 - Il tenente ottomano (The Ottoman Lieutenant), regìa ad Joseph Ruben
2019 - She's Missing, regìa dl'Alexandra McGuinness
2019 - L'eredità della vipera (Inherit the Viper), regìa 'd Anthony Jerjen
2019 - Valley of the Gods, regìa ad Lech Majewski
2020 - Trappola infernale (Target Number One), regìa ad Daniel Roby
2021 - La furia di un uomo - Wrath of Man (Wrath of Man), regìa ad Guy Ritchie
2021 - Ida Red, regìa ad John Swab
2023 - Operation Fortune (Operation Fortune: Ruse de Guerre), regìa ad Guy Ritchie
2023 - Oppenheimer, regìa ad Christopher Nolan
2024 - Trap, regìa ad M. Night Shyamalan
2024 - Fight or Flight: Tensione ad alta quota (Fight or Flight), regìa ad James Madigan

Culegamènt estéran

Àtar prugèt

Wikiquote contiene citazioni di o su Josh Hartnett
Wikimedia Commons contiene file multimediali su Josh Hartnett