Jon Finch
|
C'l artìcul chè 'l è scrit in
Miranduléś |
John Nicholas Finch, cgnusû méj cuma Jon Finch (Caterham, 2 ad Mars dal 1942 - Hastings, 28 ad Dicémbar dal 2012), 'l è stâ 'n atōr britànic.
Biugrafìa
Fiōl 'd un prumutōr finansiàri, Finch da ragàs al taca a recitàr a teàtar, pruànd anc na caréra in un grup muśicàł folk. A daśdòt an al fà 'l servìsi militàr in un regimènt ad paracadutìsta ma pò al tórna a impgnàr-'s a teàtar tulénd part a na sinquantìna 'd òvri.
In di an Ssanta a 'l ém vist da spés in televiśiòṅ recitàr in soquànt telefìlm cuma La guerra di Tom Grattan. In dla prima mità di an Stanta 'l à laurâ anc a 'l cìnema girànd i sò lavōr più impurtànt, tacànd da i dū film ad scarésa prudót par la Hammer Film Productions, Vampiri amanti (1970), cun l'Ingrid Pitt e Peter Cushing, e Gli orrori di Frankenstein (1970).
In dal 1971 'l à girâ 'l drama Domenica, maledetta domenica, insém a la Glenda Jackson e a Peter Finch, e Macbeth ad Roman Polański, in di pagn pròpria 'd Macbeth, persunàǵ dna tragèdia 'd William Shakespeare.
In dal 1972 'l è stâ 'l aviadōr dla Royal Air Force Richard Blaney suspetâ 'd ès'r un masadōr seriàł in Frenzy, penùltma pelìcula 'd Alfred Hitchcock. In séguit 'l à fat al rōl d'l óm pulìtig William Lamb in Peccato d'amore (1972), biugrafìa dl'aristucràtica scritōra Caroline Lamb.
Fra i sò àtar film più impurtànt a 'rcurdém al śal Assassinio sul Nilo (1978), filmòṅ pîṅ 'd stéli cuma Peter Ustinov, David Niven, la Mia Farrow, la Bette Davis, l'Angela Lansbury e la Jane Birkin, e 'l stòrig Le crociate - Kingdom of Heaven (2005), a fiànc 'd Orlando Bloom e 'd Jeremy Irons.
Da 'l 1982 a 'l 1987 'l è stâ spuśâ cun la culéga Catriona MacColl.
Filmugrafìa
- 1970 - Vampiri amanti (The Vampire Lovers), regìa ad Roy Ward Baker
- 1970 - Gli orrori di Frankenstein (The Horror of Frankenstein), regìa ad Jimmy Sangster
- 1971 - Domenica, maledetta domenica (Sunday Bloody Sunday), regìa ad John Schlesinger
- 1971 - Macbeth (The Tragedy of Macbeth), regìa ad Roman Polański
- 1972 - Frenzy, regìa 'd Alfred Hitchcock
- 1972 - Peccato d'amore (Lady Caroline Lamb), regìa ad Robert Bolt
- 1973 - Alfa e omega, il principio della fine (The Final Programme), regìa ad Robert Fuest
- 1974 - Diagnosi: Morte (Diagnosis: Murder), regìa ad Sidney Hayers
- 1976 - Una femmina infedele (Une Femme fidèle), regìa ad Roger Vadim
- 1976 - El segundo poder, regìa ad José María Forqué
- 1977 - Die Standarte, regìa 'd Ottokar Runze
- 1978 - Assassinio sul Nilo (Death on the Nile), regìa ad John Guillermin
- 1979 - La Sabina, regìa ad José Luis Borau
- 1980 - Breaking Glass, regìa ad Brian Gibson
- 1980 - Gary Cooper, que estàs en los cielos, regìa dla Pilar Mirò
- 1981 - Pietro e Paolo (Peter and Paul), regìa dla Robert Day - Film TV
- 1982 - Doktor Faustus, regìa ad Franz Seitz
- 1982 - Giro City, regìa ad Karl Francis
- 1983 - Il gioco del potere (Power Game), regìa ad Fausto Canel
- 1984 - Pop Pirates, regìa ad Jack Grossman
- 1988 - Plaza Real, regìa 'd Herbert Vesely
- 1988 - Die Stimme, regìa ad Gustavo Graef Marino
- 1989 - Streets of Yesterday, regìa ad Judd Ne'eman
- 1989 - La più bella del reame, regìa ad Cesare Ferrario
- 1993 - Drug-Taking and the Arts, regìa ad Storm Thorgerson
- 1994 - Lurking Fear, regìa ad C. Courtney Joyner
- 1996 - Darklands, regìa ad Julian Richards
- 1997 - Bloodlines: Legacy of a Lord, regìa ad Brian Grant
- 2001 - Anazapta, regìa 'd Alberto Sciamma
- 2005 - Le crociate - Kingdom of Heaven (Kingdom of Heaven), regìa ad Ridley Scott
Culegamènt estéran
Àtar prugèt
Wikiquote contiene citazioni di o su Jon Finch
Wikimedia Commons contiene file multimediali su Jon Finch
