John Wayne
|
C'l artìcul chè 'l è scrit in
Miranduléś |
Marion Robert Morrison,cgnusû méj cuma John Wayne (Winterset, 26 ad Maǵ dal 1907 - Los Angeles, 11 ad Śugn dal 1979, a s lèś [d͡ʒɑn weɪn] in ingléś), 'l è stâ 'n atōr, prudutōr e regìsta americàṅ, vinsidōr dal Prèmi Òscar dal 1970 p'r al film Il Grinta, a la sò tèrsa candidadùra dòp Iwo Jima, deserto di fuoco e La battaglia di Alamo, ólt'r a tri Golden Globe e a na stéla in dla Hollywood Walk of Fame.
'L à recitâ in sènt-a-ssanta e pasa film, tacànd da qvéi mut, tulénd part da spés a dal pelìculi western e laurànd dimóndi c'n al regìsta John Ford. Al sò persunàǵ 'l éra qvél d'l óm unèst, eróe sénsa maci e sénsa paùra, dûr ma generóś.
Fra 'l sò atri òvri più impurtànti a 'rcurdém la cumèdia dramàtica Un uomo tranquillo (1952), L'uomo che uccise Liberty Valance (1962), girâ cun James Stewart e la Vera Miles, e Il pistolero (1976), al sò ùltim lavōr girâ cun la Lauren Bacall e Ron Howard.
Al gh'iva di idéi pulìtichi cunservadōri, 'l éra favurévul a la guèra in Vietnam e p'r al marcâ lìbar dgl'armi da fōg par la gint. Insém a 'l sò amìg Ward Bond al s è impgnâ dòp la secónda guèra mundiàla par denunsiàr e paràr via da l'indùstria dal cìnema americàna la gint ch'la simpatiśàva p'r al cumunìśum.
'L è mòrt p'r un cànc'r a 'l stómag.
Culegamènt estéran
[mudéfica la surzéia]Àtar prugèt
[mudéfica la surzéia]
Wikiquote contiene citazioni di o su John Wayne
Wikimedia Commons contiene file multimediali su John Wayne
