John Hodiak

C'l artìcul chè 'l è scrit in Miranduléś

John Hodiak (Pittsburgh, 16 'd Avrìl dal 1914 - Los Angeles, 19 'd Utóbar dal 1955, a s lèś [d͡ʒɑn ˈhoʊ.diː.æk] in ingléś) 'l è stâ 'n atōr americàṅ.

Biugrafìa

Nâ in Pennsylvania da na famìja cun di urìgini pulàchi e ucraìni, John al crés pò in Mìchigan, in un paéś darènt a Detroit. A ùnd'ś an al taca a recitàr in pulàc e in rus a la Ukrainian Catholic Church, pò invéci ad tacàr na caréra in dal baseball al decìd ad lauràr a la ràddio, faghénd anc di cōrs ad disiòṅ par scanślàr al sò asènt d'l èst.

Rivâ a Hollywood in dal 1942, esénd stâ eśunerâ da 'l servìsi militàr par di prubléma 'd ipertensiòṅ, al firma 'n cuntràt par la Metro-Goldwyn-Mayer, faghénd-as nutàr par la part dal marinàr John Kovac in dal drama Prigionieri dell'oceano (1944) 'd Alfred Hitchcock, ch'l à girâ par la Twentieth Century Fox insém a la Tallulah Bankhead, par qvéla dal tenènt West in dla cumèdia Il matrimonio è un affare privato (1944), in còpia cun la Lana Turner, e p'r al rōl dal magiōr italo-americàṅ Victor Joppolo in dal film ad guèra Una campana per Adano (1945), a fiànc ad Gene Tierney.

Subìt dòp la secónda guèra mundiàla Hodiak al gira di àtar film cuma al noir Il bandito senza nome (1946), al western Le ragazze di Harvey (1946), fat insém a la Judy Garland, al śal cun Burt Lancaster Furia nel deserto (1947), Bastogne (1949), pelìcula in dua 'n grup ad suldâ americàṅ ch'al cumbàt in di Ardéni al s cata in di guàj cónt'r i tedésc, e L'amante (1950), pulisiésc cun l'Hedy Lamarr.

Vèrs la fiṅ di an Quarànta al fà fadìga a catàr dal parti da prutagunìsta e 'l è custrét a far di rōi più cic da drē a di atōr ad sucès cuma Clark Gable in La lunga attesa (1947), Suprema decisione (1948) e Il cacciatore del Missouri (1951), Spencer Tracy in Malesia (1949) e Omertà (1951), e Glenn Ford in L'imputato deve morire (1955).

In dal 1953 al taca a lauràr anc a teàtar, cuma in dla pièce The Chase, mént'r al cuntìnua a recitàr su i schérum grand.

Méntar 'l éra drē a giràr Gli eroi della stratosfera (1956), a gh'è vgnû 'n infàrt ch'al 'l à purtâ via a sōi quarànt'un an, lasànd acsè sò fiōla Katrina ad sinc an abùda da la sò culéga Anne Baxter, sò mujēr da 'l 1946 a 'l 1953.

Dòp la sò mòrt a gh'è stada misa na stéla in dla Hollywood Walk of Fame.

Filmugrafìa

1943 - A Stranger in Town, regìa ad Roy Rowland
1943 - Swing Shift Maisie, regìa ad Norman Z. McLeod
1943 - Il signore in marsina (I Dood It), regìa ad Vincente Minnelli
1944 - Prigionieri dell'oceano (Lifeboat), regìa 'd Alfred Hitchcock
1944 - Song of Russia, regìa ad Gregory Ratoff
1944 - Maisie Goes to Reno, regìa 'd Harry Beaumont
1944 - Il matrimonio è un affare privato (Marriage Is a Private Affair), regìa ad Robert Z. Leonard
1944 - Sunday Dinner for a Soldier, regìa ad Lloyd Bacon
1945 - Una campana per Adano (A Bell for Adano), regìa 'd Henry King
1946 - Le ragazze di Harvey (The Harvey Girls), regìa ad George Sidney
1946 - La taverna dei quattro venti (Two Smart People), regìa ad Jules Dassin
1946 - Il bandito senza nome (Somewhere in the Night), regìa ad Joseph L. Mankiewicz
1947 - Non tormentarmi più (The Arnelo Affair), regìa 'd Arch Oboler
1947 - Furia nel deserto (Desert Fury), regìa ad Lewis Allen
1947 - L'affascinante straniero (Love from a Stranger), regìa ad Richard Whorf
1948 - La lunga attesa (Homecoming), regìa ad Mervyn LeRoy
1948 - Suprema decisione (Command Decision), regìa ad Sam Wood
1949 - Corruzione (The Bribe), regìa ad Robert Z. Leonard
1949 - Bastogne (Battleground), regìa ad William A. Wellman
1949 - Malesia (Malaya), regìa ad Richard Thorpe
1950 - L'imboscata (Ambush), regìa ad Sam Wood
1950 - L'amante (A Lady Without Passport), regìa ad Joseph H. Lewis
1950 - Addio signora Miniver (The Miniver Story), regìa ad H.C. Potter
1951 - Solitudine (Night into Morning), regìa ad Fletcher Markle
1951 - Omertà (The People Against O'Hara), regìa ad John Sturges
1951 - Il cacciatore del Missouri (Across the Wide Missouri), regìa ad William A. Wellman
1952 - Difendete la città (The Sellout), regìa ad Gerald Mayer
1952 - Uragano su Yalù (Battle Zone), regìa ad Lesley Selander
1953 - Terra bruciata (Ambush at Tomahawk Gap), regìa ad Fred F. Sears
1953 - Tempeste di fuoco (Mission Over Korea), regìa ad Fred F. Sears
1953 - La vendetta di Kociss (Conquest of Cochise), regìa ad William Castle
1954 - I dragoni dell'aria (Dragonfly Squadron), regìa ad Lesley Selander
1955 - L'imputato deve morire (Trial), regìa ad Mark Robson
1956 - Gli eroi della stratosfera (On the Threshold of Space), regìa ad Robert D. Webb

Culegamènt estéran

(IT) La sò paśna su 'l IMDb

Àtar prugèt

Wikimedia Commons contiene file multimediali su John Hodiak