Joel Schumacher
|
C'l artìcul chè 'l è scrit in
Miranduléś |
Joel Schumacher (New York, 29 'd Agóst dal 1939 - New York, 22 ad Śugn dal 2020, a s lèś [ˈdʒəʊəl ˈʃuːmɑːkər] in ingléś) 'l è stâ 'n regista, senegiadōr, custumìsta e prudutōr americàṅ, candidâ a la Palma 'd Òr a 'l Fèstival ad Cannes dal 1993 p'r Un giorno di ordinaria follia e a 'l Ōrs 'd Òr a 'l Fèstival 'd Berlîṅ dal 1999 p'r 8mm - Delitto a luci rosse.
In di an Nuànta 'l à dirèt soquànt vìddeo ad Lenny Kravitz, Seal, The Smashing Pumpkins e Bush mént'r in dal 2013 'l à girâ dū epiśòdi dal telefìlm House of Cards - Gli intrighi del potere.
'L è mòrt ad cànc'r a utànt'an. I atōr Jim Carrey e Matthew McConaughey in séguit i gh'aṅ dâ mèrit par la caréra lōr. Schumacher 'l éra gay e 'l éra da la banda dal Partî Demucàtic.
Biugrafìa
Nâ a New York da pàd'r americàṅ dal Tennessee 'd religiòṅ batìsta mòrt quànd al gh'iva quàt'r an e màd'r ebrèja svedéś, Joel da śōv'n al taca a far al stilìsta a la Revlon dòp ès'r-as laureâ a la Parsons School of Design. In cal perìud chè al tulìva da spés dal dròghi.
A 'l inìsi di an Stanta al taca a far i custùm in soquànti prudusiòṅ televiśìvi, in dū film ad Woody Allen: Il dormiglione (1973) e Interiors (1978) e in atri pelìculi cuma Una pazza storia d'amore (1973), Un rebus per l'assassino (1973) e Prigioniero della seconda strada (1975).
In dal 1976 al scriv la senegiadùra dal film Car Wash - Stazione di servizio (1976) par pò pasàr a la regìa in prima parsòna in di an Utànta. I vìnan fóra acsè soquànt film dramàtic e thriller cuma St. Elmo's Fire (1985) cun Emilio Estevez, Rob Lowe e la Demi Moore e Ragazzi perduti (1987) cun Jason Patric e Kiefer Sutherland.
In di an Nuànta al s fà nutàr girànd Linea mortale, pelìcula cun la Julia Roberts e Kevin Bacon, un film ad sucès a Hollywood c'n i sò ssanta migliòṅ ad dòlar 'd incàs. In dal 1993 al fà incóra méj, pasànd i nuànta migliòṅ c'n Un giorno di ordinaria follia, prutagunìsta un Michael Douglas ch'al pèrd la tèsta in dal tràfic e ch'al taca a sparàr a tut. La Warner Bros. la gh fà far i dū film ad Batman dòp qvéi ad Tim Burton: Batman Forever (1995) e Batman & Robin (1997), òvri ch'a la crìtica e a i fan i n èṅ minga tant piaśû. Chi pas fals chè i faṅ andàr in na quàlc manéra a gambi p'r ària la sò caréra.
In dal 1999 Joel al fà vgnir fóra 'l thriller 8mm - Delitto a luci rosse ciamànd Nicolas Cage p'r al rōl prinsipàl, pò in dal 2000 al gira Tigerland, un film ad guèra dasfurtunâ a livèl 'd incàs ma ch'l à fat cgnósar Colin Farrell.
Filmugrafìa
- 1981 - The Incredible Shrinking Woman
- 1983 - D.C. Cab
- 1985 - St. Elmo's Fire
- 1987 - Ragazzi perduti (The Lost Boys)
- 1989 - Cugini (Cousins)
- 1990 - Linea mortale (Flatliners)
- 1991 - Scelta d'amore - La storia di Hilary e Victor (Dying Young)
- 1993 - Un giorno di ordinaria follia (Falling Down)
- 1994 - Il cliente (The Client)
- 1995 - Batman Forever
- 1996 - Il momento di uccidere (A Time to Kill)
- 1997 - Batman & Robin (Batman and Robin)
- 1999 - 8mm - Delitto a luci rosse (8MM)
- 1999 - Flawless - Senza difetti (Flawless)
- 2000 - Tigerland
- 2002 - Bad Company - Protocollo Praga (Bad Company)
- 2002 - In linea con l'assassino (Phone Booth)
- 2003 - Veronica Guerin - Il prezzo del coraggio (Veronica Guerin)
- 2004 - Il fantasma dell'Opera (Andrew Lloyd Webber's The Phantom of the Opera)
- 2007 - Number 23 (The Number 23)
- 2009 - Blood Creek
- 2010 - Twelve
- 2011 - Trespass
Culegamènt estéran
Àtar prugèt
Wikiquote contiene citazioni di o su Joel Schumacher
Wikimedia Commons contiene file multimediali su Joel Schumacher
