Jillian McWhirter
|
C'l artìcul chè 'l è scrit in
Miranduléś |
La Jillian McWhirter (Memphis, 1 'd Agóst dal 1962, a s lèś [ˈdʒɪliən məkˈwɜːrtər] in ingléś) l'è n'atōra americàna, specialiśàda in film ad scarésa e da śgriśōr.
L'à fat al sò debùt a 'l cìnema in dal 1984 faghénd la part dna ragàsa invidàda a na fèsta in dal thriller Violenza. Sinc an dòp a l'ém vista in dal thriller Nowhere to Run, a fiànc ad David Carradine e 'd Jason Priestley, e in dal film ad scarésa in tri epiśòdi Ribelli lingue bagnate.
In dal 1991 l'à recitâ in d'l aventuróś I guerrieri delle dune e in di thriller Joey deve fuggire e Diario di un assassino insém a Dylan McDermott, a Tom Sizemore e a la Sharon Stone. Sèmp'r in di an Nuànta a l'arcurdém p'r i film ad scarésa dal 1998 Progeny - Il figlio degli alieni, in dla part dna dóna ch'la vōl avēr un fiōl da sò marè Arnold Vosloo ma invéci la gh l'à pò da di aglièṅ, The Dentist 2, in dua la taca na relasiòṅ c'n un dentìsta ciucâ in dla suca interpretâ par Corbin Bernsen, Strangeland, pelìcula c'n al cantànt di Twisted Sister Dee Snider ch'al fà 'n sàdig ch'al pésca 'l sò vitmi śōvni in internet, e Il bacio di uno sconosciuto.
Fra i sò ùltim lavōr a psém nutàr al drama Havoc - Fuori controllo (2005) e 'l film 'd asiòṅ 90 minuti per salvarla (2011).
Filmugrafìa
- 1984 - Violenza (Violated), regìa ad Richard Cannistraro
- 1989 - Nowhere to Run, regìa ad Carl Franklin
- 1989 - Ribelli lingue bagnate (After Midnight), regìa ad Jim Wheat e 'd Ken Wheat
- 1991 - I guerrieri delle dune (Dune Warriors), regìa ad Cirio H. Santiago
- 1991 - Joey deve fuggire (Servants of Twilight), regìa ad Jeffrey Obrow
- 1991 - Diario di un assassino (Where Sleeping Dogs Lie), regìa ad Charles Finch
- 1992 - Beyond the Call of Duty, regìa ad Cirio H. Santiago
- 1993 - The Final Showdown, regìa ad David Heavener - Film TV
- 1995 - Stranglehold, regìa ad Cirio H. Santiago
- 1995 - L'ultimo bersaglio (Last Man Standing), regìa ad Joseph Merhi
- 1995 - Giorni di fuoco (Rage), regìa ad Joseph Merhi
- 1995 - Bloodfist VII: Manhunt, regìa ad Jonathan Winfrey
- 1996 - Bloodfist VIII: Trained to Kill, regìa ad Rick Jacobson
- 1997 - The Underground, regìa ad Cole S. McKay
- 1998 - Progeny - Il figlio degli alieni (Progeny), regìa ad Brian Yuzna
- 1998 - The Dentist 2, regìa ad Brian Yuzna
- 1998 - Strangeland, regìa ad John Pieplow
- 1998 - Il bacio di uno sconosciuto (Kiss of a Stranger), regìa ad Sam Irvin
- 2003 - Song of the Vampire, regìa ad Denice Duff
- 2005 - Havoc - Fuori controllo (Havoc), regìa dla Barbara Kopple
- 2007 - Nuclear Hurricane, regìa ad Fred Olen Ray - Film TV
- 2011 - 90 minuti per salvarla (Urgency), regìa dla Kantz