Jessica Tandy

C'l artìcul chè 'l è scrit in Miranduléś

La Jessie Alice Tandy, cgnusùda méj cuma Jessica Tandy (Lóndra, 7 ad Śugn dal 1909 - Easton, 11 ad Setémbar dal 1994, a s lèś [ˈdʒɛsɪkə ˈtændi] in ingléś), l'è stada n'atōra britànica cun sitadinànsa americàna. La gh'à na stéla in dla Hollywood Walk of Fame.

In dla sò caréra la s è fata cgnósar prima a teàtar, tulénd part a sènt e pasa prudusiòṅ cun di sugèt scrit fra i àtar da William Shakespeare, Tennessee Williams e Edward Albee, e pò anc in televiśiòṅ e a 'l cìnema, vinsénd un Prèmi Òscar a utànt'an in dal 1990 par la cumèdia dramàtica A spasso con Daisy in dua la fava na vècia scarusàda in gir par Morgan Freeman e pò dū an dòp esénd numinàda p'r al drama Pomodori verdi fritti alla fermata del treno girâ cun la Kathy Bates e Chris O'Donnell.

L'à vins anc un Golden Globe, sèmpar p'r A spasso con Daisy, cun atri tré candidadùri, p'r al drama Le avventure di un giovane, cun Paul Newman, p'r al film TV La signora delle fiabe, in di pagn dna vècia ch'invéci 'd andàr a 'l ricòvar la preferìs lèśar di racònt e dal fòli in televiśiòṅ, e par Pomodori verdi fritti alla fermata del treno.

Fra i sò àtar film più impurtànt a 'rcurdém al film ad scarésa Gli uccelli (1963), in dla part dla màdar dal put Rod Taylor ch'la n è minga tant cuntènta quànd chi lò al pòrta a cà la Tippi Hedren, al thriller Una lama nel buio, a fiànc dla Meryl Streep e 'd Roy Scheider, la cumèdia Il mondo secondo Garp, cun prutagunìsta Robin Williams e la Glenn Close, al fantasientìfic Cocoon - L'energia dell'universo, cun Steve Guttenberg, al fantàstic Miracolo sull'8ª strada, c'n al rōl 'd una dal vèci ch'i stàn'n in un palàs ad New York jutàdi da di aglièṅ cónt'r un speculadōr edilìsi, e 'l thriller Labirinto mortale, insém a la Kelly McGillis e a Jeff Daniels.

In televiśiòṅ a l'ém vista in di telefìlm Lights Out, Alfred Hitchcock presenta (tré puntàdi) e Telephone Time.

Filmugrafìa

1944 - La settima croce (The Seventh Cross), regìa ad Fred Zinnemann
1945 - La valle del destino (The Valley of Decision), regìa ad Tay Garnett
1946 - Anni verdi (The Green Years), regìa ad Victor Saville
1946 - Il castello di Dragonwyck (Dragonwyck), regìa ad Joseph L. Mankiewicz
1947 - Ambra (Forever Amber), regìa 'd Otto Preminger
1947 - Il sorriso della Gioconda (A Woman's Vengeance), regìa ad Zoltán Korda
1950 - Accadde in settembre (September Affair), regìa ad William Dieterle
1951 - Rommel, la volpe del deserto (The Desert Fox), regìa 'd Henry Hathaway
1958 - Johnny, l'indiano bianco (The Light in the Forest), regìa 'd Herschel Daugherty
1962 - Le avventure di un giovane (Hemingway's Adventures of a Young Man), regìa ad Martin Ritt
1963 - Gli uccelli (The Birds), regìa 'd Alfred Hitchcock
1981 - Crazy Runners - Quei pazzi pazzi sulle autostrade (Honky Tonk Freeway), regìa ad John Schlesinger
1982 - Amici come prima (Best Friends), regìa ad Norman Jewison
1982 - Una lama nel buio (Still of the Night), regìa ad Robert Benton
1982 - Il mondo secondo Garp (The World According to Garp), regìa ad George Roy Hill
1984 - I bostoniani (The Bostonians), regìa ad James Ivory
1985 - Cocoon, l'energia dell'universo (Cocoon), regìa ad Ron Howard
1987 - Miracolo sull'8ª strada (Batteries Not Included), regìa ad Matthew Robbins
1988 - Cocoon - Il ritorno (Cocoon: The Return), regìa ad Daniel Petrie
1988 - Labirinto mortale (The House on Carroll Street), regìa ad Peter Yates
1989 - A spasso con Daisy (Driving Miss Daisy), regìa ad Bruce Beresford
1991 - Pomodori verdi fritti alla fermata del treno (Fried Green Tomatoes), regìa ad Jon Avnet
1991 - La signora delle fiabe (The Lady Story), regìa 'd Elikann Larry – Film TV
1992 - La vedova americana (Used People), regìa ad Beeban Kidron
1994 - Camilla, regìa dla Deepa Mehta
1991 - La vita a modo mio (Nobody's Fool), regìa ad Robert Benton

Culegamènt estéran

Àtar prugèt

Wikiquote contiene citazioni di o su Jessica Tandy
Wikimedia Commons contiene file multimediali su Jessica Tandy