Jessica Harper
|
C'l artìcul chè 'l è scrit in
Miranduléś |
La Jessica Randolph Harper (Chicago, 10 'd Utóbar dal 1949) l'è n'atōra americàna. L'è anc na scritōra 'd lìbar par putèṅ e cantànta 'd braṅ p'r i più pìcui.
In dla sò caréra l'à laurâ da spés anc in televiśiòṅ tulénd part a soquànt telefìlm cuma Hawaii Squadra Cinque Zero (1977), Un salto nel buio (1985), Moonlighting (1986), I racconti della cripta (1990), Ally McBeal (1998), Crossing Jordan (2005) e Proof (2015).
Da 'l 1989 l'è spuśàda cun 'l imprendidōr Tom Rothman, prudutōr dla 20th Century Fox.
Biugrafìa
Uriginària d'l Illinòis, fiōla dna scritōra e 'd un pitōr, dòp avēr studiâ a la North Shore Country Day School e a 'l Sarah Lawrence College la và a star a New York in dua la fà 'l sò debùt a teàtar cun na part piculìna in dal musical Hair. In dal 1971 la gira 'l sò prim film, Taking Off, mént'r in dal 1974 la vîṅ sarnìda par Brian De Palma par la part dla prutagunìsta dal sò Il fantasma del palcoscenico. Sèmp'r in c'l an lè la rècita in dla cumèdia 'd Woody Allen Amore e guerra.
Dū an dòp la fà la part dla Susy Benner in Suspiria ad Dario Argento, òṅ di sò film più famós anc a 'l èstar ch'al gh'à abû 'n arfacimènt ad Luca Guadagnino in dal 2018 in dua lē la fà 'n camèo.
In dal 1980 la tórna a lauràr cun Allen in Stardust Memories faghénd la part 'd òṅ di persunàǵ nevròtig tìpic dal sò cìnema. In di an Utànta l'è na vamp dal film Shock Treatment e na mujēr vilìda in Spiccioli dal cielo ad Steve Martin.
La Harper l'à scrit ùndas lìbar par baghét e fat sèt àlbum cun dal canti par putèṅ. In dal 2010 l'à fat vgnir fóra anc un lìb'r ad cuśìna cun 135 risèti da 'l tìtul The Crabby Cook Cookbook: Recipes and Rants.
Filmugrafìa
- 1971 - Taking Off, regìa ad Milos Forman
- 1974 - Il fantasma del palcoscenico (Phantom of the Paradise), regìa ad Brian De Palma
- 1974 - Rameau's Nephew by Diderot (Thanx to Dennis Young) by Wilma Schoen, regìa ad Michael Snow
- 1974 - Il pornografo (Inserts), regìa ad John Byrum
- 1975 - Amore e guerra (Love And Death), regìa ad Woody Allen
- 1977 - Suspiria, regìa ad Dario Argento
- 1979 - The Evictors, regìa ad Charles B. Pierce
- 1980 - Stardust Memories, regìa ad Woody Allen
- 1981 - Shock Treatment - Trattamento da sballo! (Shock Treatment), regìa ad Jim Sharman
- 1981 - Spiccioli dal cielo (Pennies from Heaven), regìa 'd Herbert Ross
- 1982 - L'ospite d'onore (My Favorite Year), regìa ad Richard Benjamin
- 1985 - Serial killer (When Dreams Come True), regìa ad John Llewellyn Moxey - film TV
- 1986 - The Imagemaker, regìa 'd Hal Weiner
- 1987 - Once Again - Ancora una volta (Once Again), regìa 'd Amin Q. Chaudhri - film TV
- 1988 - Blue Iguana, regìa ad John Lafia
- 1989 - Ragazze, il mostro è innamorato (Big Man on Campus), regìa ad Jeremy Kagan
- 1989 - Mangia una tazza di tè (Eat a Bowl of Tea), regìa ad Wayne Wang
- 1993 - Mister Wonderful (Mr. Wonderful), regìa 'd Anthony Minghella
- 1995 - Safe, regìa ad Todd Haynes
- 1996 - Boys, regìa dla Stacy Cochran
- 1996 - The Story First: Behind the Unabomber, regìa dla Nancy Gershwin - film TV
- 1997 - Innocenti evasioni (On the Edge of Innocence), regìa ad Peter Werner - film TV
- 2002 - Minority Report, regìa ad Steven Spielberg
- 2010 - House Broken - Una casa sottosopra (House Broken), regìa ad Sam Harper
- 2018 - Suspiria, regìa ad Luca Guadagnino
- 2022 - Bones and All, regìa ad Luca Guadagnino
- 2023 - Memory, regìa ad Michel Franco
- 2024 - Nightbitch. Bestia di notte (Nightbitch), regìa dla Marielle Heller
- 2025 - Fantasy Life, regìa ad Matthew Shear