Jeremy Irons

C'l artìcul chè 'l è scrit in Miranduléś

Jeremy John Irons (Cowes, 19 ad Setémbar dal 1948, a s lèś [ˈdʒɛɹɪmi ˈaɪənz]) 'l è 'n atōr britànic, vinsidōr dal Prèmi Òscar dal 1991 e anc 'd un Golden Globe p'r al drama Il mistero Von Bulow fat insém a la Glenn Close.

Dòp i sò prim sucès in dal Régn Unî a teàtar e in televiśiòṅ, 'l à fat al sò debùt a 'l cìnema in dal 1980 in dal biugàfic Nijinsky, dedicâ a la vita dal balarèṅ rus Vaclav Fomič Nižinskij. In séguit al s è fat cgnósar girànd 'l aventuróś Mission (1986), insém a Robert De Niro e a Liam Neeson, e 'l thriller dramàtic Inseparabili (1988) in dua a fiànc dla Geneviève Bujold 'l à fat la part ad dū śmèi.

In di an Nuànta al lavóra cun Steven Soderbergh in dal śal Delitti e segreti (1991), cun Louis Malle in d'l èròtic Il danno (1992), in còpia cun la Juliette Binoche, incóra cun Cronenberg in M. Butterfly (1993), cun John McTiernan in Die Hard - Duri a morire (1995), film 'd asiòṅ cun Bruce Willis e Samuel L. Jackson, cun Bernardo Bertolucci in Io ballo da sola (1996), pelìcula cun na śōvna Liv Tyler, e c'n Adrian Lyne in Lolita (1997), arfacimènt 'd un lavōr c'n al stés tìtul ad Stanley Kubrick dal 1962.

In dal 2002 'l è ciamâ da Franco Zeffirelli par recitàr in dal suo Callas Forever, cun la Fanny Ardant in di pagn dla Maria Callas, mént'r in dal 2005 al tōś part a 'l stòrig Le crociate - Kingdom of Heaven ad Ridley Scott. 'L an dòp l'è la vòlta 'd Inland Empire - L'impero della mente ad David Lynch. In dal 2009 al pasa a la cumèdia, lò ch'l è famóś specialmènt p'r i sò film dramàtic, girànd La Pantera Rosa 2 (2009) a fiànc ad Steve Martin in dla part d'l ispetōr Clouseau.

Fra i sò ùltim lavōr a 'rcurdém La corrispondenza (2016), drama sentimentàł ad Giuseppe Tornatore, Assassin's Creed (2016) insém a Michael Fassbender e a la Marion Cotillard, i fantàstic Batman v Superman: Dawn of Justice (2016) e Justice League (2017), in dla part dal majurdòm Alfred, e House of Gucci (2021), in dal rōl ad Rodolfo Gucci.

In dal 1994 'l à dâ la sò vōś a 'l persunàǵ ad Scar, al sîṅ catìṿ ad Simba, in dal cartòṅ animâ dla Walt Disney Pictures Il re leone, stés quèl anc in dal 2012 in 'n epiśòdi ad The Simpsons. In televiśiòṅ invéci a 'l ém vist in Poliziotti in cilindro - I rivali di Sherlock Holmes, Elizabeth I, Law & Order - Unità vittime speciali, I Borgia, Watchmen e Il conte di Montecristo.

Dòp un matrimòni dimóndi curt cun l'atōra Julie Hallam (durâ 'n an), al s è spuśâ incóra in dal 1978 cun la culéga irlandéśa Sinéad Cusack, fiōla 'd Cyril Cusack, ch'la gh'à dâ dū fiōi: Samuel (1978) e Max (1985).

Filmugrafìa

1980 - Nijinsky, regìa ad Herbert Ross
1981 - La donna del tenente francese (The French Lieutenant's Woman), regìa ad Karel Reisz
1982 - Moonlighting, regìa ad Jerzy Skolimowski
1983 - Tradimenti (Betrayal), regìa ad David Hugh Jones
1983 - The Captain's Doll, regìa ad Claude Whatham – Film TV
1984 - Un amore di Swann (Un amour de Swann), regìa ad Volker Schlöndorff
1984 - L'anitra selvatica (The Wild Duck), regìa 'd Henri Safran
1986 - Mission (The Mission), regìa ad Roland Joffé
1988 - Inseparabili (Dead Ringers), regìa ad David Cronenberg
1988 - L'opera del seduttore (A Chorus of Disapproval), regìa ad Michael Winner
1989 - Australia, regìa ad Jean-Jacques Andrien
1989 - The Dream, regìa ad Norman Stone – Film TV
1989 - Roald Dahl's Danny the Champion of the World, regìa ad Gavin Millar – Film TV
1990 - Il mistero Von Bulow (Reversal of Fortune), regìa ad Barbet Schroeder
1991 - Zebrácká opera, regìa ad Menahem Golan e 'd Jiří Menzel
1991 - Delitti e segreti (Kafka), regìa ad Steven Soderbergh
1992 - Waterland - Memorie d'amore (Waterland), regìa ad Stephen Gyllenhaal
1992 - Il danno (Damage), regìa ad Louis Malle
1993 - M. Butterfly, regìa ad David Cronenberg
1993 - La casa degli spiriti (The House of the Spirits), regìa ad Bille August
1995 - Die Hard - Duri a morire (Die Hard: With a Vengeance), regìa ad John McTiernan
1996 - Io ballo da sola (Stealing Beauty), regìa ad Bernardo Bertolucci
1997 - Chinese Box, regìa ad Wayne Wang
1997 - Mirad, regìa ad Jeremy Irons – Film TV
1997 - Lolita, regìa 'd Adrian Lyne
1998 - La maschera di ferro (The Man in the Iron Mask), regìa ad Randall Wallace
2000 - Dungeons & Dragons, regìa ad Courtney Solomon
2000 - Longitude, regìa ad Charles Sturridge – Film TV
2001 - Il quarto angelo (The Fourth Angel), regìa ad John Irvin
2002 - The Time Machine, regìa ad Simon Wells
2002 - And Now... Ladies & Gentlemen, regìa ad Claude Lelouch
2002 - Callas Forever, regìa ad Franco Zeffirelli
2002 - Last Call - Genio ribelle (Last Call), regìa 'd Henry Bromell – Film TV
2004 - La diva Julia - Being Julia (Being Julia), regìa ad István Szabó
2004 - Il mercante di Venezia (The Merchant of Venice), regìa ad Michael Radford
2004 - Mathilde, regìa dla Nina Mimica
2005 - Le crociate - Kingdom of Heaven (Kingdom of Heaven), regìa ad Ridley Scott
2005 - Casanova, regìa ad Lasse Hallström
2006 - Inland Empire - L'impero della mente (Inland Empire), regìa ad David Lynch
2006 - Eragon, regìa ad Stefen Fangmeier
2008 - Appaloosa, regìa 'd Ed Harris
2008 - The Colour of Magic, regìa ad Vadim Jean – Film TV
2009 - Georgia O'Keeffe, regìa ad Bob Balaban – Film TV
2009 - La Pantera Rosa 2 (The Pink Panther 2), regìa 'd Harald Zwart
2011 - Margin Call, regìa ad J. C. Chandor
2011 - Eco-Hollywood, regìa ad Brent Roske – Film TV
2012 - The Words, regìa ad Brian Klugman e 'd Lee Sternthal
2012 - Trashed, regìa dla Candida Brady – ducumentàri
2013 - Beautiful Creatures - La sedicesima luna (Beautiful Creatures), regìa ad Richard LaGravenese
2013 - Treno di notte per Lisbona (Night Train to Lisbon), regìa ad Bille August
2015 - High-Rise - La rivolta (High-Rise), regìa ad Ben Wheatley
2015 - L'uomo che vide l'infinito (The Man Who Knew Infinity), regìa ad Matthew Brown
2016 - La corrispondenza, regìa ad Giuseppe Tornatore
2016 - Race - Il colore della vittoria (Race), regìa ad Stephen Hopkins
2016 - Batman v Superman: Dawn of Justice, regìa ad Zack Snyder
2016 - Assassin's Creed, regìa ad Justin Kurzel
2016 - L'ora più bella (Their Finest), regìa ad Lone Scherfig
2017 - Justice League, regìa ad Zack Snyder
2018 - Red Sparrow, regìa ad Francis Lawrence
2017 - Viaggio con papà - Istruzioni per l'uso (An Actor Prepares), regìa ad Steve Clark
2019 - Il Museo del Prado, la corte delle Meraviglie, regìa dla Valeria Parisi – ducumentàri
2020 - Amore, matrimoni e altri disastri (Love, Weddings & Other Disasters), regìa ad Dennis Dugan
2021 - Zack Snyder's Justice League, regìa ad Zack Snyder
2021 - House of Gucci, regìa ad Ridley Scott
2021 - Monaco - Sull'orlo della guerra (Munich - The Edge of War), regìa ad Christian Schwochow
2021 - Napoleone - Nel nome dell'arte, regìa ad Giovanni Piscaglia – ducumentàri
2023 - The Flash, regìa 'd Andy Muschietti
2024 - The Beekeeper, regìa ad David Ayer

Culegamènt estéran

Àtar prugèt

Wikiquote contiene citazioni di o su Jeremy Irons
Wikimedia Commons contiene file multimediali su Jeremy Irons