Jennifer Tilly
|
C'l artìcul chè 'l è scrit in
Miranduléś |
La Jennifer Ellen Chan, cgnusùda méj cuma Jennifer Tilly druànd al cugnóm ad sò màdar (Los Angeles, 16 ad Setémbar dal 1958), l'è n'atōra, ardupiadōra e śugadōra 'd poker americàna e canadéśa, candidàda a i Prèmi Òscar dal 1995 cuma atōra minga prutagunìsta par Pallottole su Broadway.
Surèla dla Meg Tilly, l'è cgnusùda specialmènt par la part dla bàmbula Tiffany Valentine ch'l'à fat in soquànt séguit ad La bambola assassina cuma La sposa di Chucky (1998), Il figlio di Chucky (2004), La maledizione di Chucky (2013) e Il culto di Chucky (2017).
In dla sò caréra l'à anc ardupiâ soquànt cartòṅ animâ e putaciòt di film cuma Stuart Little - Un topolino in gamba, Monsters & Co., Mucche alla riscossa, The Simpsons (da 'l 1984 a 'l 1991 l'è stada spuśàda cun Sam Simon, prudutōr dla série), I Griffin (par sènt epiśòdi dand la vōś a la Bonnie Swanson) e SpongeBob SquarePants.
Cuma śugadōra 'd poker l'à vins soquànt tìtui, miténd-'s in bisàca siesènt-mila dòlar in prèmi.
Biugrafìa
Nada in Califòrgna da 'n pàdar cun di urìgini cinéśi e da na màdar cun di urìgini canadéśi, la Jennifer da śōvna la và a star in dla Culùmbia Britànica cun sò màd'r e 'l sò dū surèli Meg e Becky dòp al divòrsi di suo. In séguit la tórna in di Stat Unî par studiàr recitasiòṅ in un cōrs a teàtar a 'l Stephens College in dal Missouri.
A 'l inìsi di an Utànta la tōś part a soquànt telefìlm cuma Due ragazzi e una chitarra, Hill Street giorno e notte, Mai dire sì e Cin Cin e la taca a lauràr anc a 'l cìnema tulénd part a la cumèdia Una cotta importante, film cun la Demi Moore.
In dal 1989 la s fà nutàr faghénd la part dla Blanche Moran in I favolosi Baker, pelìcula cun la Michelle Pfeiffer e Jeff Bridges. Al 1994 'l è 'l an ciàṿ dla sò caréra parchè la tōś part a Pallottole su Broadway ad Woody Allen, ch'la gh fruta na nomination a i Òscar, e a 'l thriller 'd asiòṅ Getaway c'n Alec Baldwin e la Kim Basinger. Sèmp'r in di an Nuànta la fà na lèśbica in Bound - Torbido inganno e pò la lavóra cun Jim Carrey in dla cumèdia Bugiardo bugiardo e c'n al regìsta Ronny Yu faghénd la mujēr dal putaciòt sasèṅ Chucky in La sposa di Chucky.
Filmugrafìa
- 1983 - Imps*, regìa ad Scott Mansfield
- 1984 - Una cotta importante (No Small Affair), regìa ad Jerry Schatzberg
- 1985 - Scuola guida (Moving Violations), regìa ad Neal Israel
- 1986 - Inside Out, regìa ad Robert Taicher
- 1987 - 48 ore a Beverly Hills (He's My Girl), regìa dla Gabrielle Beaumont
- 1987 - Rented Lips, regìa ad Robert Downey Sr.
- 1988 - Videokiller (Remote Control), regìa ad Jeff Lieberman
- 1988 - La grande promessa (Johnny Be Good), regìa ad Bud S. Smith
- 1988 - High Spirits - Fantasmi da legare (High Spirits), regìa ad Neil Jordan
- 1989 - Lontano da casa (Far from Home), regìa ad Meiert Avis
- 1989 - Felice e vincente (Let it Ride), regìa ad Joe Pytka
- 1989 - I favolosi Baker (The Fabulous Baker Boys), regìa ad Steve Kloves
- 1991 - The Doors, regìa 'd Oliver Stone
- 1991 - Amori di fuoco (Scorchers), regìa ad David Beaird
- 1992 - L'ombra del lupo (Shadow of the Wolf), regìa ad Jacques Dorfmann e 'd Pierre Magny
- 1993 - Made in America, regìa ad Richard Benjamin
- 1993 - A casa con i Webber (At Home with the Webbers), regìa ad Brad Marlowe – film TV
- 1994 - Getaway (The Getaway), regìa ad Roger Donaldson
- 1994 - Double Cross - Doppio inganno (Double Cross), regìa ad Michael Keusch
- 1994 - Pallottole su Broadway (Bullets Over Broadway), regìa ad Woody Allen
- 1995 - Embrace of the Vampire, regìa dl'Anne Goursaud
- 1995 - Conto in sospeso (Bird of Prey), regìa ad Temístocles López
- 1995 - The Pompatus of Love, regìa ad Richard Schenkman
- 1995 - La resa dei conti (Man with a Gun), regìa ad David Wyles
- 1996 - Edie & Pen, regìa ad Matthew Irmas
- 1996 - Arresti familiari (House Arrest), regìa 'd Harry Winer
- 1996 - Bound - Torbido inganno (Bound), regìa 'd Andy e Larry Wachowski
- 1996 - Randagi (American Strays), regìa ad Michael Covert
- 1997 - Bugiardo bugiardo (Liar Liar), regìa ad Tom Shadyac
- 1997 - La bella Mafia (Bella Mafia), regìa ad David Greene – film TV
- 1997 - Un tipo sbagliato (The Wrong Guy), regìa ad David Steinberg
- 1998 - Musica da un'altra stanza (Music From Another Room), regìa ad Charlie Peters
- 1998 - Relax... It's Just Sex, regìa ad P. J. Castellaneta
- 1998 - Hoods - Affari di famiglia (Hoods), regìa ad Mark Malone
- 1998 - La sposa di Chucky (Bride of Chucky), regìa ad Ronny Yu
- 1999 - La dea del successo (The Muse), regìa 'd Albert Brooks
- 1999 - Goosed, regìa dl'Aleta Chappelle
- 1999 - Do Not Disturb - Non disturbare (Do Not Disturb), regìa ad Dick Maas
- 1999 - Incontriamoci a Las Vegas (Play It to the Bone), regìa ad Ron Shelton
- 2000 - L'ultimo anello della follia (Cord), regìa ad Sidney J. Furie
- 2000 - Bruno, regìa dla Shirley MacLaine
- 2000 - I soliti amici (The Crew), regìa ad Michael Dinner
- 2000 - Dancing at the Blue Iguana, regìa ad Michael Radford
- 2001 - Dirt, regìa ad Michael Covert e dla Tracy Fraim
- 2001 - Fast Sofa, regìa dla Salomé Breziner
- 2001 - Hollywood Confidential (The Cat's Meow), regìa ad Peter Bogdanovich
- 2001 - Ball in the House, regìa dla Tanya Wexler
- 2003 - Hollywood North, regìa ad Peter O'Brian
- 2003 - Jericho Mansions, regìa 'd Alberto Sciamma
- 2003 - Happy End, regìa 'd Amos Kollek
- 2003 - La casa dei fantasmi (The Haunted Mansion), regìa ad Rob Minkoff
- 2003 - Tu mi ami (Nowhere to Go But Up), regìa 'd Amos Kollek
- 2004 - Second Best, regìa 'd Eric Weber
- 2004 - Perfect Opposites, regìa ad Matt Cooper
- 2004 - El padrino, regìa ad Damian Chapa
- 2004 - Saint Ralph, regìa ad Michael McGowan
- 2004 - Love on the Side, regìa ad Vic Sarin
- 2004 - Il figlio di Chucky (Seed of Chucky), regìa ad Don Mancini
- 2005 - The Civilization of Maxwell Bright, regìa ad David Beaird
- 2005 - Bailey - Il cane più ricco del mondo (Bailey's Billion$), regìa ad David Devine
- 2005 - Tideland - Il mondo capovolto (Tideland), regìa dla Terry Gilliam
- 2006 - L'iniziazione (The Initiation of Sarah), regìa ad Stuart Gillard – film TV
- 2007 - Intervention, regìa dla Mary McGuckian
- 2008 - Deal - Il re dei poker (Deal), regìa ad Gil Cates Jr.
- 2008 - The Caretaker, regìa ad Bryce Olson
- 2008 - Bart Got a Room, regìa ad Brian Hecker
- 2008 - Inconceivable, regìa dla Mary McGuckian
- 2009 - Bai yin di guo, regìa dla Christina Yao
- 2010 - The Making of Plus One, regìa dla Mary McGuckian
- 2010 - Made in Romania, regìa ad Guy J. Louthan
- 2012 - 30 Beats, regìa 'd Alexis Lloyd
- 2013 - Amelia's 25th, regìa ad Zach Cole
- 2013 - La maledizione di Chucky (Curse of Chucky), regìa ad Don Mancini
- 2013 - Return to Babylon, regìa 'd Alex Monty Canawati
- 2013 - The Secret Lives of Dorks, regìa dla Salomé Breziner
- 2016 - A Cinderella Story: Se la scarpetta calza (A Cinderella Story: If the Shoe Fits), regìa dla Michelle Johnston
- 2017 - Il culto di Chucky (Cult of Chucky), regìa ad Don Mancini
- 2017 - Ray Meets Helen, regìa 'd Alan Rudolph
- 2019 - 7 Days to Vegas, regìa 'd Eric Balfour
- 2021 - High Holiday, regìa ad Brian Herzlinger
- 2024 - Sallywood, regìa ad Xaque Gruber
Culegamènt estéran
Àtar prugèt
Wikiquote contiene citazioni di o su Jennifer Tilly
Wikimedia Commons contiene file multimediali su Jennifer Tilly
