Jeff Daniels

C'l artìcul chè 'l è scrit in Miranduléś

Jeffrey Warren Daniels, cgnusû méj cuma Jeff Daniels (Athens, 19 ad Favràr dal 1955, a s lèś [ˈdʒɛf ˈdænjəlz] in ingléś), 'l è 'n atōr americàṅ. Al gh'à na stéla in dla Hollywood Walk of Fame.

In dla sò caréra 'l à laurâ da spés anc in televiśiòṅ e a teàtar, óltar ch'a 'l cìnema. 'L è stâ candidâ par sinc vòlti a i Golden Globe ma 'l è sèmpar turnâ a cà a maṅ vōdi.

Biugrafìa

Uriginàri dla Geòrgia, a siē stmani 'd vita 'l è andâ a star c'n in suo in Mìchighan in dua da śōvan 'l à studiâ a la Central Michigan University, davśinànd-as lè a la mùśica e a la recitasiòṅ.

Daniels 'l à fat al sò debùt a 'l cìnema in dal 1981 c'n al film Ragtime ad Miloš Forman, in dua 'l à laurâ cun James Cagney e Brad Dourif. In Voglia di tenerezza, vinsidōr ad sinc Prèmi Òscar, 'l à recitâ cun la Shirley MacLaine e Jack Nicholson faghénd al marè dla Debra Winger. In dal 1985 'l à tòlt part a La rosa purpurea del Cairo ad Woody Allen in du 'l fava 'n persunàǵ saltâ fóra da 'l schérum par star insém a la Mia Farrow ch'la 'l andàva sèmp'r a véd'r a 'l cìnema. Par cal rōl chè 'l è stâ numinâ a i Golden Globe, cumpàgn anc 'l an dòp par la part d'l óm 'd afâr insaplâ cun la Melanie Griffith ch'la gh fà pasàr na nòt ad fōg in Qualcosa di travolgente.

Dòp al sò secónd lavōr cun Allen (Radio Days dal 1987), al gira al thriller Labirinto mortale (1988) cun la Kelly McGillis e pò al film ad scarésa Aracnofobia (1990) in di pagn dal dutōr Ross Jennings.

In dal 1994 'l è 'l tùran 'd un film 'd asiòṅ, Speed, recitâ insém a Keanu Reeves, a Dennis Hopper e a la Sandra Bullock. Dal tut difarènt 'l è invéci la sò atra pelìcula fata in c'l an lè, la cumèdia demensiàla Scemo & più scemo in còpia cun Jim Carrey. In dal 1996 'l à fat al persunàǵ ad Rudy Dearly in La carica dei 101 - Questa volta la magia è vera, arfacimènt live-action dal clàsic dla Disney La carica dei cento e uno, a fiànc dla Glenn Close ch'la fava invéci la catìva Crudèglia De Mòni.

Al sò rōl più impurtànt di film sucesìṿ al gh 'l à abû in dal 2002 in dal thriller 'd asiòṅ Debito di sangue ad Clint Eastwood, e pò incóra qvél d'l èx muróś 'd Ed Harris Louis Waters in The Hours, pelìcula premiàda a i Academy Award cun la Nicole Kidman, la Meryl Streep e la Julianne Moore.

La sò tèrsa candidadùra a i Golden Globe l'è rivàda in dal 2005 par la cumèdia dramàtica Il calamaro e la balena méntar par George Clooney 'l à girâ sèmp'r in cal perìud lè Good Night, and Good Luck.

Fra i sò ùltim lavōr a 'l cìnema a 'rcurdém al thriller State of Play (2009), a fiànc ad Russell Crowe e Ben Affleck, Scemo & + scemo 2 (2014), sèmpar cun Jim Carrey, e 'l fantasientìfic Sopravvissuto - The Martian ad Ridley Scott cun Matt Damon.

In televiśiòṅ a 'l ém vist in soquànti minisérie cuma Bagliori di guerra (1980), The Newsroom (2012-2014), ch'la gh'à fat vìnar 'n Emmy Award par la part ad Will MacAvoy, Godless (2017), The Looming Tower (2018), Sfida al presidente - The Comey Rule (2020), American Rust - Ruggine americana (2021-2024) e Un uomo vero (2024).

Da 'l 1979 'l è spuśâ cun la Kathleen Rosemary Treado, la sò muróśa da i tèmp dal lìceo. Insém i gh'aṅ tri fiōi: Benjamin (1984), Lucas (1987) e la Nellie (1990).

Filmugrafìa

cuma atōr

1981 - Ragtime, regìa ad Miloš Forman
1983 - Invasione della privacy (An Invasion of Privacy), regìa ad Mel Damski – Film TV
1983 - Voglia di tenerezza (Terms of Endearment), regìa ad James L. Brooks
1985 - La rosa purpurea del Cairo (The Purple Rose of Cairo), regìa ad Woody Allen
1985 - Una donna, una storia vera (Marie), regìa ad Roger Donaldson
1986 - Heartburn - Affari di cuore (Heartburn), regìa ad Mike Nichols
1986 - Qualcosa di travolgente (Something Wild), regìa ad Jonathan Demme
1987 - Radio Days, regìa ad Woody Allen
1988 - Labirinto mortale (The House on Carroll Street), regìa ad Peter Yates
1988 - The Caine Mutiny Court-Martial, regìa ad Robert Altman – Film TV
1988 - Ancora insieme (Sweet Hearts Dance), regìa ad Robert Greenwald
1989 - Al diavolo il paradiso (Checking Out), regìa ad David Leland
1989 - Senza rifugio (No Place Like Home), regìa ad Lee Grant – Film TV
1990 - Cercasi amore... teneramente (Love Hurts), regìa ad Bud Yorkin
1990 - Aracnofobia (Arachnophobia), regìa ad Frank Marshall
1990 - Roxy - Il ritorno di una stella (Welcome Home, Roxy Carmichael), regìa ad Jim Abrahams
1991 - Amore e magia (The Butcher's Wife), regìa ad Terry Hughes
1991 - Mal d'amore (Love Hurts), regìa ad Bud Yorkin
1992 - Timescape (Grand Tour: Disaster in Time), regìa ad David Twohy
1992 - Teamster Boss: The Jackie Presser Story, regìa 'd Alastair Reid – Film TV
1992 - Rain Without Thunder, regìa ad Gary O. Bennett
1992 - Caccia al tesoro (There Goes the Neighborhood), regìa ad Bill Phillips
1993 - Gettysburg, regìa ad Ronald F. Maxwell
1994 - Speed, regìa ad Jan de Bont
1994 - Scemo & più scemo (Dumb and Dumber), regìa ad Peter Farrelly
1995 - Redwood Curtain, regìa ad John Korty – Film TV
1996 - L'incredibile volo (Fly Away Home), regìa ad Carroll Ballard
1996 - Due giorni senza respiro (2 Days in the Valley), regìa ad John Herzfeld
1996 - La carica dei 101 - Questa volta la magia è vera (101 Dalmatians), regìa ad Stephen Herek
1997 - Ancora più scemo (Trial and error), regìa ad Jonathan Lynn
1998 - Pleasantville, regìa ad Gary Ross
1999 - Martin il marziano (My Favorite Martian), regìa ad Donald Petrie
1999 - È una pazzia (All the Rage), regìa ad James D. Stern
2000 - The Crossing, regìa ad Robert Harmon – Film TV
2000 - Truffa al liceo (Cheaters), regìa ad John Stockwell – Film TV
2000 - L'insonne (Chasing Sleep), regìa ad Michael Walker
2001 - Escanaba in da Moonlight, regìa ad Jeff Daniels
2002 - Super Sucker, regìa ad Jeff Daniels
2002 - Debito di sangue (Blood Work), regìa ad Clint Eastwood
2002 - The Hours, regìa ad Stephen Daldry
2003 - Gods and Generals, regìa ad Ronald F. Maxwell
2003 - I Witness - La verità uccide (I Witness) regìa ad Rowdy Herrington
2004 - La scelta di Paula (The Goodbye Girl), regìa ad Richard Benjamin – Film TV
2004 - Imaginary Heroes, regìa ad Dan Harris
2004 - The Five People You Meet in Heaven, regìa ad Lloyd Kramer – Film TV
2005 - Il calamaro e la balena (The Squid and the Whale), regìa ad Noah Baumbach
2005 - Il mio amico a quattro zampe (Because of Winn-Dixie), regìa ad Wayne Wang
2005 - Good Night, and Good Luck., regìa ad George Clooney
2006 - Vita da camper (RV), regìa ad Barry Sonnenfeld
2006 - Infamous - Una pessima reputazione (Infamous), regìa ad Douglas McGrath
2007 - Sguardo nel vuoto (The Lookout), regìa ad Scott Frank
2007 - Una magica estate (A Plumm Summer), regìa ad Caroline Zelder – vōś
2007 - Mama's Boy, regìa ad Tim Hamilton
2008 - Sweet Nothing in My Ear, regìa ad Joseph Sargent – Film TV
2008 - Space Chimps - Missione spaziale (Space Chimps), regìa ad Kirk DeMicco – vōś
2008 - Traitor - Sospetto tradimento (Traitor), regìa ad Jeffrey Nachmanoff
2009 - Arlen Faber, regìa ad John Hindman
2009 - State of Play, regìa ad Kevin Macdonald
2009 - American Life (Away We Go), regìa ad Sam Mendes
2009 - Paper Man, regìa ad Kieran Mulroney e 'd Michele Mulroney
2010 - Urlo (Howl), regìa ad Rob Epstein e 'd Jeffrey Friedman
2012 - Looper, regìa ad Rian Johnson
2014 - Scemo & + scemo 2 (Dumb and Dumber To), regìa ad Peter e Bobby Farrelly
2015 - Steve Jobs, regìa ad Danny Boyle
2015 - Sopravvissuto - The Martian (The Martian), regìa ad Ridley Scott
2016 - The Divergent Series: Allegiant, regìa ad Robert Schwentke
2018 - Il ricevitore è la spia (The Catcher Was a Spy), regìa ad Ben Lewin
2019 - Guest Artist, regìa ad Timothy Busfield
2020 - Adam, regìa ad Michael Uppendahl

cuma regìsta

2001 - Escanaba in da Moonlight
2002 - Super Sucker

Culegamènt estéran

Àtar prugèt

Wikiquote contiene citazioni di o su Jeff Daniels
Wikimedia Commons contiene file multimediali su Jeff Daniels