Jeanne Crain

C'l artìcul chè 'l è scrit in Miranduléś

La Jeanne Crain tòlta śò in di an Quarànta

La Jeanne Elizabeth Crain (Barstow, 25 ad Maǵ dal 1925 - Santa Bàrbara, 14 ad Dicémbar dal 2003, a s lèś [ˈdʒiːn ˈkreɪn] in ingléś), l'è stada n'atōra americàna. Par via dal sò surìś dimóndi dōls e dla sò ghigna pulìda, a 'l inìsi dla sò caréra l'à da spés fat la part dla ragàsa a mōd dla pòrta darènt, la brava muróśa che tut i óm i vrévan spuśàr.

L'è anc arcuràda p'r èsar stada candidàda a i Prèmi Òscar in dal 1950 par la part dn'infarméra 'd culōr ma cun la pèla ciàra ch'la patìs al rasìśum a Dixie in dal drama 'd Elia Kazan Pinky, la negra bianca. La gh'à na stéla in dla Hollywood Walk of Fame.

Biugrafìa

Uriginària dla Califòrgna, la Crain da śōvna l'à vins soquànt cuncōrs ad belésa ch'i gh'aṅ parmìs ad lauràr cuma mudèla in fiṅ tant che la 20th Century Fox la l'à misa sóta cuntràt faghénd-la debutàr a daśdòt an cun la cumèdia Banana split (1943), cun prutagunìsta la Carmen Miranda. 'L an dòp l'à laurâ c'n al regìsta Otto Preminger in dal drama Nel frattempo, cara e cun Frank Capra in Vittoria alata, film cun Karl Malden.

In dal 1945 la gira 'l thriller Femmina folle faghénd la part dla surèla più pìcula dla Gene Tierney che, dòp avēr fat andgàr sò cugnâ Darryl Hickman, la gh 'n à anc par lē. Sèmp'r in c'l an lè la fà 'n rōl più alśēr in dal film sentimentàl Festa d'amore in dua la s inamóra dal giurnalìsta Dana Andrews. Tri an dòp la tōś part a 'l drama Amore sotto i tetti in còpia cun William Holden. In dal 1949 la gira Pinky, la negra bianca, andànd a 'n pas da 'l Òscar, e la cumèdia sentimentàla Il ventaglio cun George Sanders.

In di an Sinquànta a l'ém vista in dla cumèdia La gente mormora (1951), giràda in còpia cun Cary Grant, in dal noir Hanno ucciso Vicki (1953), a fiànc dla Jean Peters, in dal western L'uomo senza paura, insém a Kirk Douglas, in dla cumèdia Gli uomini sposano le brune (1955), cun la Jane Russell, e in dal drama muśicàl Il jolly è impazzito (1957) in dua l'à incruśâ Frank Sinatra. In chi an lè l'à tacâ anc a recitàr in televiśiòṅ catànd spasi in série televiśìvi cuma Avventure lungo il fiume, General Electric Theater, La legge di Burke e Reporter alla ribalta.

Fra i sò ùltim lavōr a psém nutàr i film stòrig fat in Itàglia in dal 1962 Ponzio Pilato, cun Jean Marais e la Raffaella Carrà, e Col ferro e col fuoco, insém a Pierre Brice, la Milena Vukotic e l'Ornella Vanoni.

Filmugrafìa

1943 - Banana Split (The Gang's All Here), regìa ad Busby Berkeley
1944 - Due donne e un purosangue (Home in Indiana), regìa 'd Henry Hathaway
1944 - Nel frattempo, cara (In the Meantime, Darling), regìa 'd Otto Preminger
1944 - Vittoria alata (Winged Victory), regìa ad George Cukor
1945 - Festa d'amore (State Fair), regìa ad Walter Lang
1945 - Femmina folle (Leave Her to Heaven), regìa ad John M. Stahl
1946 - Bellezze rivali (Centennial Summer), regìa 'd Otto Preminger
1946 - Margie, regìa 'd Henry King
1948 - You Were Meant for Me, regìa ad Lloyd Bacon
1948 - Amore sotto i tetti (Apartment for Peggy), regìa ad George Seaton
1949 - Lettera a tre mogli (A Letter to Three Wives), regìa ad Joseph L. Mankiewicz
1949 - Il ventaglio (The Fan), regìa 'd Otto Preminger
1949 - Pinky, la negra bianca (Pinky), regìa 'd Elia Kazan
1950 - Dodici lo chiamano papà (Cheaper by the Dozen), regìa ad Walter Lang
1951 - Take Care of My Little Girl, regìa ad Jean Negulesco
1951 - La gente mormora (People Will Talk), regìa ad Joseph L. Mankiewicz
1951 - Mariti su misura (The Model and the Marriage Broker), regìa ad George Cukor
1952 - Ragazze alla finestra (Bells on Their Toes), regìa 'd Henry Levin
1952 - La giostra umana (Full House), regìa 'd Henry Hathaway e 'd Howard Hawks
1953 - Traversata pericolosa (Dangerous Crossing), regìa ad Joseph M. Newman
1953 - Hanno ucciso Vicki (Vicki), regìa 'd Harry Horner
1953 - La città dei fuorilegge (City of Bad Men), regìa 'd Harmon Jones
1954 - Duello nella giungla (Duel in the Jungle), regìa ad George Marshall
1955 - L'uomo senza paura (Man Without a Star), regìa ad King Vidor
1955 - Gli uomini sposano le brune (Gentlemen Marry Brunettes), regìa ad Richard Sale
1955 - Lo sciopero delle mogli (The Second Greatest Sex), regìa ad George Marshall
1956 - La pistola sepolta (The Fastest Gun Alive), regìa ad Russell Rouse
1957 - Il vestito strappato (The Tattered Dress), regìa ad Jack Arnold
1957 - Il jolly è impazzito (The Joker Is Wild), regìa ad Charles Vidor
1960 - Tuoni sul Timberland (Guns of the Timberland), regìa ad Robert D. Webb
1961 - Twenty Plus Two, regìa ad Joseph M. Newman
1961 - Nefertite, regina del Nilo, regìa ad Fernando Cerchio
1961 - Ponzio Pilato, regìa 'd Irving Rapper e 'd Gian Paolo Callegari
1962 - Inferno a Madison Avenue (Madison Avenue), regìa ad H. Bruce Humberstone
1963 - Col ferro e col fuoco, regìa ad Fernando Cerchio
1967 - Cinquantadue miglia di terrore (Hot Rods to Hell), regìa ad John Brahm
1971 - Quella notte in casa Coogan (The Night God Screamed), regìa ad Lee Madden
1972 - Il pirata dell'aria (Skyjacked), regìa ad John Guillermin

Culegamènt estéran

Àtar prugèt

Wikimedia Commons contiene file multimediali su Jeanne Crain