Jean Peters

C'l artìcul chè 'l è scrit in Miranduléś

LʼElizabeth Jean Peters, cgnusùda méj cuma Jean Peters (Canton, 15 'd Utóbar dal 1926 - Carlsbad, 13 'd Utóbar dal 2000, a s lèś [ˈʒiːn ˈpiːtərz] in ingléś), l'è stada n'atōra americàna.

Uriginària dna famìja 'd cuntadèṅ d'l Ohio, la Peters da śōvna l'à studiâ a l'Università del Michigan e pò a l'Università statàla d'l Ohio. Subìt dòp l'à firmâ 'n cuntràt ad sèt an cun la Twentieth Century Fox ch'la la fà debutàr in dal film 'd aventùra Il capitano di Castiglia (1947) in còpia cun Tyrone Power. Esénd dimóndi religióśa l'à da spés scartâ dal parti da dunàsa cuma qvéla finìda pò a l'Anne Baxter in dal western Cielo giallo cun Gregory Peck.

A l'arcurdém specialmènt par soquànt lavōr fat a 'l inìsi di an Sinquànta cuma 'l biugràfic Viva Zapata! (1952), cun prutagunìsta Marlon Brando in di pagn 'd Emiliano Zapata, al noir Mano pericolosa (1953), in du la fà na “moll” par na spia cumunìsta interpretàda pad Richard Kiley, al thriller Niagara (1953), cun la Marilyn Monroe e Joseph Cotten, e la cumèdia dramàtica Tre soldi nella fontana giràda insém a Rossano Brazzi. L'à pò decìś ad dar un taj a la sò caréra in dal 1955 dòp avēr girâ 'l drama A Man Called Peter.

L'è turnàda a recitàr in televiśiòṅ soquànti vòlti sōl in di an Stanta e Utànta cuma in dla minisérie televiśìva Pietro e Paolo, a fiànc 'd Anthony Hopkins e 'd Jon Finch, o in na puntàda dal telefìlm La signora in giallo.

Spuśàda tré vòlti, la Peters l'è mòrta a stanta-tri an ad leucemìa.

Filmugrafìa

1947 - Il capitano di Castiglia (Captain from Castile), regìa 'd Henry King
1948 - Il figlio della tempesta (Deep Waters), regìa 'd Henry King
1949 - Quando torna primavera (It Happens Every Spring), regìa ad Lloyd Bacon
1950 - Sei canaglia ma ti amo (Love That Brute), regìa 'd Alexander Hall
1951 - La regina dei pirati (Anne of the Indies), regìa ad Jacques Tourneur
1951 - L'affascinante bugiardo (As Young as You Feel), regìa 'd Harmon Jones
1951 - Take Care of My Little Girl, regìa ad Jean Negulesco
1952 - Viva Zapata! (Viva Zapata!), regìa 'd Elia Kazan
1952 - Wait Till the Sun Shines, Nellie, regìa 'd Henry King
1952 - Prigionieri della palude (Lure of the Wilderness ), regìa ad Jean Negulesco
1952 - La giostra umana (O. Henry's Full House), regìa 'd Howard Hawks
1953 - Niagara, regìa 'd Henry Hathaway
1953 - Hanno ucciso Vicki (Vicki), regìa 'd Harry Horner
1953 - Assassinio premeditato (A Blueprint for Murder), regìa 'd Andrew L. Stone
1953 - Mano pericolosa (Pickup on South Street), regìa ad Samuel Fuller
1954 - Tre soldi nella fontana (Three Coins in the Fountain), regìa ad Jean Negulesco
1954 - L'ultimo Apache (Apache), regìa ad Robert Aldrich
1954 - La lancia che uccide (Broken Lance), regìa 'd Edward Dmytryk
1955 - A Man Called Peter, regìa 'd Henry Koster

Culegamènt estéran

(IT) La sò paśna su 'l IMDb

Àtar prugèt

Wikimedia Commons contiene file multimediali su Jean Peters