Jay Hernandez
|
C'l artìcul chè 'l è scrit in
Miranduléś |
Javier Manuel Hernandez Jr., cgnusû méj cuma Jay Hernandez (Montbèl, 20 ad Favràr dal 1978, a s lèś [ˈdʒeɪ ɛrˈnɑːndɛz] in ingléś) 'l è 'n atōr americàṅ cun di urìgini mesicàni.
'L à tacâ a recitàr a la fiṅ di an Nuànta tulénd part a série televiśìvi cuma USA High, Undressed e La squadra del cuore in dua lò 'l è stâ impgnâ par sinquànta-dū epiśòdi. 'L à pò fat al sò debùt a 'l cìnema in dal 2000 c'n al drama Living the Life méntar 'l an dòp 'l à fat la part dal prutagunìsta, muróś dla Kirsten Dunst, in dal drama sentimentàł Crazy/Beautiful. Sèmp'r in c'l an lè a 'l ém vist in dal thriller cun Paul Walker Radio Killer.
In dal 2004 'l à fat un vìgil dal fōg ch'al lavóra in dla squàdra 'd John Travolta e 'd Joaquin Phoenix in dal drama Squadra 49 e pò 'n śugadōr ad football americàṅ in dal drama spurtìṿ Friday Night Lights cun Billy Bob Thornton. In dal 2005 'l à tòlt part a 'l stòrig Nomad - The Warrior, a 'l noir Carlito's Way - Scalata al potere, in dla part ad Carlito Brigante in dal prequel dal film dal 1993 ad Brian De Palma Carlito's Way, e in dal film ad scarésa Hostel, in di pagn 'd un śōv'n americàṅ ch'insém a soquànt sò amìg al vîṅ turturâ in un paéś d'l Európa d'l Èst.
In séguit 'l à recitâ in dal catastròfic World Trade Center, pelìcula cun Nicolas Cage e Michael Peña, in Hostel: Part II e in dal thriller La terrazza sul lago, a fiànc ad Samuel L. Jackson.
Fra i sò ùltim lavōr su i schérum grand a 'rcurdém la cumèdia sentimentàla LOL - Pazza del mio migliore amico (2012), in dua al s frequénta cun la Demi Moore, màdar dla Miley Cyrus, e in dal cumèdia Bad Moms - Mamme molto cattive (2016) e Bad Moms 2 - Mamme molto più cattive (2017) in dla part ad Jessie Harkness.
Hernandez 'l à laurâ dimóndi anc in televiśiòṅ cuma in di telefìlm Six Degrees - Sei gradi di separazione, Last Resort, Nashville, Scandal e Magnum P.I., in dla part dal prutagunìsta Thomas Magnum.
Filmugrafìa
[mudéfica la surzéia]
- 2000 - Living the Life, regìa 'd Alex Munoz
- 2001 - Crazy/Beautiful, regìa ad John Stockwell
- 2001 - Radio Killer (Joy Ride), regìa ad John Dahl
- 2002 - Un sogno, una vittoria (The Rookie), regìa ad John Lee Hancock
- 2004 - Torque - Circuiti di fuoco (Torque), regìa ad Joseph Kahn
- 2004 - Squadra 49 (Ladder 49), regìa ad Jay Russell
- 2004 - Friday Night Lights, regìa ad Peter Berg
- 2005 - Nomad - The Warrior (Nomad), regìa ad Sergej Bodrov e 'd Ivan Passer
- 2005 - Carlito's Way - Scalata al potere (Carlito's Way: Rise to Power), regìa ad Michael Bregman
- 2005 - Hostel, regìa 'd Eli Roth
- 2006 - World Trade Center, regìa 'd Oliver Stone
- 2007 - Grindhouse, regìa 'd Eli Roth
- 2007 - Hostel: Part II, regìa 'd Eli Roth
- 2007 - Live! - Ascolti record al primo colpo (Live!), regìa ad Bill Guttentag
- 2008 - American Son, regìa ad Neil Abramson
- 2008 - La terrazza sul lago (Lakeview Terrace), regìa ad Neil LaBute
- 2008 - Quarantena (Quarantine), regìa ad John Erick Dowdle
- 2009 - Nothing Like the Holidays, regìa 'd Alfredo Rodriguez de Villa
- 2010 - Takers, regìa ad John Luessenhop
- 2012 - LOL - Pazza del mio migliore amico (LOL: Laughing Out Loud), regìa dla Lisa Azuelos
- 2015 - Max, regìa ad Boaz Yakin
- 2015 - The Night Is Young, regìa ad Dave Hill e 'd Matt Jones
- 2016 - Bad Moms - Mamme molto cattive (Bad Moms), regìa ad Jon Lucas e 'd Scott Moore
- 2016 - Suicide Squad, regìa ad David Ayer
- 2017 - Bad Moms 2 - Mamme molto più cattive (A Bad Moms Christmas), regìa ad Jon Lucas e 'd Scott Moore
- 2017 - Bright, regìa ad David Ayer
- 2024 - The Long Game, regìa ad Julio Quintana
Culegamènt estéran
[mudéfica la surzéia]Àtar prugèt
[mudéfica la surzéia]
Wikimedia Commons contiene file multimediali su Jay Hernandez
