Jason Miller (atōr)
|
C'l artìcul chè 'l è scrit in
Miranduléś |
John Anthony Miller, cgnusû méj cuma Jason Miller (New York, 22 'a Avrìl dal 1939 - Scranton, 13 ad Maǵ dal 2001, a s lèś [ˈdʒeɪsən ˈmɪlɚ] in ingléś), 'l è stâ 'n atōr, scritōr, senegiadōr e regìsta americàṅ.
Laureâ in ingléś e filuśufìa a l'Università ad Scranton, 'l à girâ 'l sò prim lavōr a 'l cìnema in dal 1974 faghénd pàdar Damien Karras in L'esorcista, film ad scarésa cun Max von Sydow e la Linda Blair. Par cal rōl chè, ch'al farà incóra darsèt an dòp in L'esorcista III, 'l è stâ candidâ a i Prèmi Òscar.
In séguit 'l à recìtâ minga tant da spés su i schérum grand parchè a gh piaśìva da piò lauràr a teàtar. Fra i film ch'l à fat a psém arcurdàr L'avvocato del diavolo (1977), ambintâ in Basitàglia cun prutagunìsta John Mills, la Stéphane Audran e a la Paola Pitagora, La luce del giorno (1987), cun Michael J. Fox, la Joan Jett e la Gena Rowlands, e 'l drama Rudy - Il successo di un sogno, fta insém a Sean Astin e Vince Vaughn.
Cuma regìsta in dal 1982 'l à dirèt Correre per vincere, pelìcula cun Bruce Dern, Robert Mitchum, Martin Sheen e 'l sò amìg Paul Sorvino trata da 'n sò drama teatràł dal 1973 vinsidōr dal Prèmi Pulitzer, That Championship Season.
Miller al s è spuśâ tré vòlti a 'l gh'à abû quàtar fiōi, dū atōr cuma lò: Jason Patric e Joshua John Miller. 'L è mòrt a ssant'un an par 'n infàrt.
Filmugrafìa
cuma atōr
- 1973 - L'esorcista (The Exorcist), regìa ad William Friedkin
- 1974 - Il mediatore (The Nickel Ride), regìa ad Robert Mulligan
- 1977 - L'avvocato del diavolo (Des Teufels Advokat), regìa ad Guy Green
- 1979 - Fuga dall'inferno (El perro), regìa 'd Antonio Isasi-Isasmendi
- 1980 - Marilyn - Una vita, una storia (Marilyn: The Untold Story), regìa ad Jack Arnold e 'd John Flynn - Film TV
- 1980 - La nona configurazione (The Ninth Configuration), regìa ad William Peter Blatty
- 1982 - Monsignore (Monsignor), regìa ad Frank Perry (1982)
- 1984 - Toy Soldiers, regìa ad David Fisher
- 1987 - La luce del giorno (Light of Day), regìa ad Paul Schrader
- 1990 - L'esorcista III (The Exorcist III), regìa ad William Peter Blatty
- 1992 - Vittime indifese (Small Kill), regìa ad Gary Burghoff e 'd Rob Fresco
- 1993 - Rudy - Il successo di un sogno (Rudy), regìa ad David Anspaugh
- 1995 - Mommy, regìa ad Max Allan Collins
- 1996 - Murdered Innocence, regìa ad Frank Coraci
- 1998 - Trance, regìa ad Michael Almereyda
- 2002 - Paradox Lake, regìa ad Przemyslaw Reut
- 2003 - Finding Home, regìa ad Lawrence David Foldes
cuma regìsta
- 1982 - Correre per vincere (That Championship Season)
Culegamènt estéran
Àtar prugèt
Wikimedia Commons contiene file multimediali su Jason Miller (atōr)
