James Van Der Beek

C'l artìcul chè 'l è scrit in Miranduléś

James David Van Der Beek (Cheshire, 8 ad Mars dal 1977 – Austin, 11 ad Favràr dal 2026, a s lèś [d͡ʒeɪmz ˈvændərˌbiːk] in ingléś) 'l è stâ 'n atōr americàṅ.

'L è dvintâ famóś specialmènt p'r al rōl ad Dawson Leery in dla série televiśìva Dawson's Creek. In televiśiòṅ a 'l ém vist anc in Criminal Minds, How I Met Your Mother, Mercy, Law & Order: Criminal Intent, Non fidarti della str**** dell'interno 23, CSI: Cyber e Overcompensating - L'inganno.

'L à tacâ a lauràr a 'l cìnema vèrs la mità di an Nuànta tulénd part a 'l cumèdi Angus, cun George C. Scott e la Kathy Bates, e I Love You, I Love You Not insém a la Jeanne Moreau e a Jude Law. In dal 1999 'l è stâ prutagunìsta dal film Varsity Blues in dua 'l à incruśâ Paul Walker e Scott Caan méntar 'l an dòp 'l à fat un camèo in Scary Movie.

In di an Dumìla 'l à recitâ in dal western Texas Rangers (2001), in dla cumèdia sentimentàla Le regole dell'attrazione (2002), e in dal pulisiésc Stolen - Rapiti (2009). Fra i sò ùltim lavōr a 'rcurdém al dramàtic Downsizing - Vivere alla grande (2017), a fiànc ad Matt Damon, e la cumèdia Jay e Silent Bob - Ritorno a Hollywood (2019).

Prima 'd murìr ad cànc'r a quarànt'òt an, James al s éra spuśâ dó vòlti avénd in tut siē fiōi.

Filmugrafìa

1995 - Angus, regìa ad Patrick Read Johnson
1996 - I Love You, I Love You Not, regìa ad Billy Hopkins
1998 - Harvest, regìa ad Stuart Burkin
1999 - Varsity Blues, regìa ad Brian Robbins
2000 - Scary Movie, regìa ad Keenen Ivory Wayans
2001 - Texas Rangers, regìa ad Steve Miner
2001 - Jay & Silent Bob... Fermate Hollywood! (Jay and Silent Bob Strike Back), regìa ad Kevin Smith
2002 - Le regole dell'attrazione (The Rules of Attraction), regìa ad Roger Avary
2005 - Standing Still, regìa ad Matthew Cole Weiss
2006 - The Plague, regìa ad Hal Masonberg
2006 - Sex, Power, Love & Politics, regìa dla Pamela Fryman - Film TV
2007 - Final Draft, regìa ad Jonathan Dueck
2007 - Tentacoli di paura (Eye of the Beast), regìa ad Gary Yates - Film TV
2009 - Taken in Broad Daylight, regìa ad Gary Yates - Film TV
2009 - Eva Adams, regìa ad Mark Waters - Film TV
2009 - Formosa Betrayed, regìa 'd Adam Kane
2009 - Stolen - Rapiti (Stolen Lives), regìa 'd Anders Anderson
2009 - Mrs. Miracle - Una Tata Magica (Mrs. Miracle), regìa ad Michael M. Scott - Film TV
2010 - The Big Bang, regìa ad Tony Krantz
2011 - Salem Falls, regìa ad Bradley Walsh - Film TV
2012 - Backwards, regìa ad Ben Hickernell
2013 - Un giorno come tanti (Labor Day), regìa ad Jason Reitman
2017 - Downsizing - Vivere alla grande (Downsizing), regìa 'd Alexander Payne
2019 - Jay e Silent Bob - Ritorno a Hollywood (Jay and Silent Bob Reboot), regìa ad Kevin Smith
2020 - Bad Hair, regìa ad Justin Simien
2024 - The Bad Boy and Me (Sidelined: The QB and Me), regìa ad Justin Wu
2025 - Sidelined 2: Intercepted, regìa ad Justin Wu

Culegamènt estéran

(IT) Filmugrafìa su IMDb

Àtar prugèt

Wikiquote contiene citazioni di o su James Van Der Beek
Wikimedia Commons contiene file multimediali su James Van Der Beek